|
وصية أم القرن الوحد وعشرين
وصية أم القرن الواحد وعشرين كانت زمان فصاحة وأخلاق النساء يضرب بها الأمثال وتؤلف فيها الدواوين وطبعا كلنا عارفين وصية الأم لابنتها يوم زواجها والتى تعتبر مقطوعه أدبيه فريده .. قالت الام لابنتها : أى بنيه انك فارقت بيتك الذى من خرجت وعشك الذى فيه درجت الى رجل لم تعرفيه وقرين لم تألفيه فكونى له أمة يكن لك عبدا واحفظى له خصالا عشرا تكن لك زخرا : أما الأولى والثانيه فالخشوع له بالقناعة وحسن السمع له والطاعه وأما الثالثه والرابعه فالتفقد لمواضع عينيه وأنفه فلا تقع عينه منك على قبيح ولا يشم الا أطيب ريح وأما الخامسة والسادسة فالتفقد لوقت منامه وطعامه فإن حرارة الجوع ملهبه وتنغيص النوم مغضبه وأما السابعه والثامنه فالاحتفاظ بماله والارعاء على حشمه وعياله وملاك الأمر فى المال حسن التدبير وفى العيال حسن التدبير وأما التاسعة والعاشرة فلا تعصين له امرا ولا تفشين له سرا فانك ان خالفت أمره أوغرت صدره وان أفشيت سره لم تأمنى غدره ثم اياك والفرح بين يديه ان كان مهتما والكآبة بين يديه ان كان فرحا ... خلصت الوصيه هل تقول أم القرن الواحد وعشرين مثل هذا الكلام تخيلوا معى ماذا تقول (من باب المفاكهة ليس الا ) قالت الأم لابنتها ابنتى ما تفتكريش انك سايبه بيت أبوكى ومش راجعاله لا بيت ابوكى مفتوحلك فى أى وقت لو ما أرتاحتيش مع المنيل اللى انتى اصريتى عليه ده خلى مناخيرك فى السما اوعى تطاطى فى يوم هو مش عارف انتى بنت مين (وجوزك على ما تعوديه ) خليه يحس انك أميره متوجه وهو عبد مملوك بين ايديكى وخدى منى عشر نصايح حطيهم حلقه فى ودانك الأولى والثانيه : اياك تقنعى بقليله وتعوديه على العيشه الفقريه بتاعة الشباب العدمان ...يقولك يمين تقولى شمال لازم يفهم ان الكلمه كلمتك والشوره شورتك الثالثه والرابعه : بلاش ياخت تقعدى تتزوقى وانتى فى البيت حايلزقلك الزواق للخروج والبارفانات الغاليه وانتى خارجه كده تبقى ملعله علشان مايتعودش على كده الخامسه والسادسه : مافيش داعى تستهلكى وقتك فى المطبخ وتتعبى نفسك أمال المطاعم والتيك أوى يروحو فين واياكى تخليه ياخد على النوم والتنبله ما تديلوش فرصه يريح جنبه لازم يشتغل علشان يكفيكى أمال هو كان بيتجوز ليه السابعه والثامنه: قصقصى ريشه أوعى تخلى فى جيبه ربع جنيه مخروم هاتى كل اللى نفسك فيه التاسعه والعاشره : لازم يسمع كلامك فى كل حاجه ويعرف ان رايه هو استشارى تحصيل حاصل يعنى واوعى اوعى تخبى منى حاجه أوعى يقولك دا سر مافيش اسرار على ماما انتى فاهمه اول ما تلاقيه مكشر اضحكى واتبسطى وعيشى حياتك ولما تلاقيه فرحان ومبسوط ما تطمنيش الفرح ده وراه حاجه عكننى على اللى جابوه واياكى تدى لأهله ريق حلو دول عقارب انا عافاهم وأمه وليه فقر وبتبصلك بصات مش هى اديها على دماغها وما يهمكيش وأنا يا حبيبتى مش حاسيبك ليهم ابد أنا جايه اقعد معاكى....... .................................................. .......................................... التعليق لسيادتكم هل ممكن يحدث هذا وبنسبة كم بالمائه وما الذى حدث لنا؟ :bleh: |
| الساعة الآن 14:37 |
Powered by vBulletin® Copyright ©2000 - 2024, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها