ابيات شعر عراقية قصيرة
 

اشعار عراقية قصيرة

العنده حب يكتل كتل
عود ليش يتحول طفل
ماينام اله بسوالف دافيه
أنـه مو زعـلان بس عشگي ثگيـل ،،،
مو مثل عشگ البعض ساعة وربع ،،،
بيه نسمات العشگ تحوي السنين ،،،
يلـهواك أتنفسـه وما ينگطـع ،،،

عليمن تضحك عيوني ؟
اذا كل هالبچـي بروحي !
انة چذاب يا روحي
لا هل الگمر بمرايه الشـباچ
و لا عيد الاجه ابابي
و لا ( كل عام و انت بخير ) لاگتلي
انة كل عام بـ ترابي
انة كل عام بمصابي

حينما نلتقي
سيعزف وتر الحب لنا
الحانآ سماوية
وتراتيل العاشقين طويلا

يهزني الشوگ هزت خشبه اخذها الماي
ويعصـرني الـغروب بلايه حنيتـك

راحت ايام وراحت سنين
وحده تشبهه شفتهه
يجوز هيه يجوز لا
يجوز هيه بكربلاء
بلكي مو هيه شفتهه مبهذله
شويه صاحتلي علي علي عبالي الي
طلع عدهم ولد ومسمي علي
المايحصل علنصيب يسمي ابنه علحبيب

بعدني امطر وفه لو غيمت شوك
وبعد بعيوني الكم شايل رسوم
شكثر كالولي انسه وجاوبت لا
انسه شلون وانتم جرح ملجوم
الغيم من الرعيد يخاف لو صاح
لان صوت الرعيد يبجي الغيوم
وآنه عيوني غيوم محمله جروح
وبس يمر ذكركم تمطر دموم
عفتوني بدربكم شجر مزروع
وجنهه طيور فوكي تحط الهموم
من كد ما عليكم فاضن دموع
على عيوني النوارس ضلت تحوم

كون بلا حجي نتكابل اني وياك
بعيوني السوالف كلهن اشرحهن
واسولفلك عليك شكد اسولف بيك
كبل لا جنت اعرفك بيه اسولفهن
سواليفك حفظ ماتنكتب باقلام
على خطوط الجفن برموشي كاتبهن
كبل يومين اعرفك مو كبل سنتين
وكبل سنتين جن عيونك اعرفهن
سامع بالسوالف تنحجه وتنكال
بس بيك السوالف سكتة سامعهن