[ابو محمد امين4]

=====================================

الخبر اللي كتبتو عن الحركة الانتقالية بتجربة البرنام بسيناريوهاين ونقلته كثير من المجموعات والصفحات، راه صحيح.
هضرت مع (العربي التاوش) اللي كان فقلب الحدث وصاحب الخبر، وقال لي التفاصيل.
قال لك، فخلية اعلامية تابعة لمديرية الموارد البشرية، دارو اختبار نتائج الحركة من خلال أوامر برمجية للبرنام باش يعطي أولا نتائج باعتبار كل المناصب شاغرة.
قال لك طلعات بعض المؤسسات الابتدائية دخلها 25 أستاذ.
ثم جربو ثانيا نتائج مع احترام البنيات التربوية، البرنام مقدرش يلبي إلا قليل جدا من النتائج منين حتارمو خيار (لا).
ومنين اعتبروا كلشي شارك ب (نعم) البرنام شتت بنادم، وطلعات بعض النماذج لأساتذة 15 سنة أقدمية تعينات فأماكن أسوأ من الأماكن فاش غادي يتعينو المتعاقدين الجداد.
المهم منين خرجو كلشي النتائج، دورو التلفون للوزير اللي جا مع يوسف بلقاسمي الكاتب العام ديال الوزارة و شخص سميتو ( السي حمزة) من مديرية الشؤون القانونية والمنازعات و شخص آخر سميتو (السي لقمان) معرفناش شكون.
المهم قدام الدراري ديال الخلية الاعلامية اللي شرحو لهم النتائج التجريبية، جرى الحوار هكا :
الوزير : السي يوسف شنو بان لك فهادشي ؟
بلقاسمي : شوف السي الوزير، نتا قرر وحنا غادي نفرضو الأمر مع النقابات. مايمكناش مزال نرجعو اللور.
الوزير : ييه لكن خاصنا نعرفو التبعات ديال اي قرار خذيناه. السي حمزة شنو رأيك نتا ، ياك قلتو قانونيا كلشي مزيان ؟
حمزة : صحيح، لكن السيناريو الثاني له تبعات صعبة و احتواؤه قانونيا ممكن لكن فيه تكلف.
الوزير : كيفاش؟
حمزة : المشاركون بلا ماغاديش يقبلوا مناصب صعبة ونائية. صحيح صادقو على المشاركة وبالتالي وافقوا على شروط الحركة، لكن غادي يطعنو سواء فالمنهجية وكذا فعدم احترام خياراتهم التي حددوها ب(لا).

بلقاسمي : غنشوفو مع النقابات، أي قرار غادي يوقعوا معنا عليه النقابات.
حمزة : السي يوسف أنا تنهضر من وجهة نظر قانونية بحتة، التفاوض مع النقابات هداك شغل آخر. السيناريو الأول سهل وغير مكلف قانونيا. الاساتذة يتعينو فالمناصب اللي طلبو ومن بعد نطبقو مذكرة تدبير الفائض. ميقدرش تا حد يحتج لأن تدبير الفائض عملية وتدبير قانوني جاري به العمل ومن صميم عمل الإدارة تدبير موارها البشرية فمثل هاد الحالات.
الوزير : حتى أنا داكشي اللي بان لي ونخليو للمديريات تدبير الفائض وإعادة الانتشار.
لقمان : إيلا سمحتو، لكن راه يقدر الفائض يتعين فمناصب بعيدة ونرجعو للسيناريو الثاني ولا لا ؟
حمزة : ماشي بحال السي لقمان. فهاد الحالة غادي يولي إجباري بقوة النص القانوني. أستاذ معندوش قسم فالمؤسسة ديالو ماغاديش يبقى جالس ما خدامش. طبيعي نعطيوه قسم فمنصب شاغر حسب نقاطه. لكن لو عينتيه مباشرة فالحركة فمنصب بعيد على أساس شارك بنعم، هنا إشكال يصعب احتواؤه. نقدروا صحيح لكن فيه تكلف وتداعيات نحن في غنى عنها.

الوزير : نتوكلو ع الله وناخذو بكلام السي حمزة. مابغيناش ندخلو فمغامرة و يتعثر الموسم الدراسي المقبل.
بلقاسمي : وعليه. السي لقمان غادي تكلف بتحضير اللقاء مع النقابات الله يجازيك بخير.
لقمان : لا كون هاني راه وصلت الميساج ....
حمزة يقاطعه : سمح لي السي بلقاسمي راه نقدروا نعرضو النتائج مباشرة.

تلفون الوزير تيصوني، خذاه وهو خارج تيهضر

تبعوه واخر ما سمعنا
بلقاسمي : عطيناهم الكلمة أنا والسيد الوزير وغادي نهضرو معاهم ...
العربي التاوش من قلب الحدث.تربية 24