تسجيل الدخول

مشاهدة النسخة كاملة : التيجاني خوا المْزيوْدَة

مرآة الروح
30-05-2009, 19:09
التيجاني يا حضار
اخوا المزيودة بلا تحزار
ع المرا بدا يتشرط
و بغاها قال ليك ما تْفرّط
اللي حرة ما تقبل
تعيش مبهدلة فهاذ الذل
تمثال ما يتمتم
وف المرار؛ يزهى ويبتسم؟
تطيع وما تتحدى
وبلا شوك؛ كيف تكون الوردة؟
إيلا بغيتِ ترتاح
خاصك تكون كريــم وملحاح
تلويحك بالدبزة
يَخْلي الدار ويقــادي المعزّة
وتهديدك بالضرّة
يكْسَر القلب واتحرار العشرة
الغالية ماترخاص
تهدي روحها كاملة بلاتنقاص
للحر اللي يستاهل
مايهينها لبيب ب نَخْوتو كامل
بالاحترام تبادلو
يكسبها وكيف السلطان تعاملو
قيمتها من قيمتو
يكبّر بيها؛ تْعَلِّي شانو وهيبتو
قالوها اللوالا
الشطايري يتقدى ف السوق مرتين
والراجل التالف
يتزوج مرات وبالطلاق ديما حالف
يطيح فاش يخاف
التالية ليه شربة الثور العياف.
lamgharir11
30-05-2009, 19:25
اسجل مروري وإعجابي بهذه الزجلية التي أراها مرافعة عن النساء( ولكن سى تيجاني راه ديالنا حدري عليه)..
الاخت فوزية تجيد الدفاع(يا كما انت محامية)
أشكر الاستاذة فوزية على ما جاء في طرحها الواقعي عن المرأة ...فدورها ضروري في بناء المجتمع
تحياتي ومودتي..
بلابل السلام
30-05-2009, 19:53
تبارك عليك ألالة فوزية
هو اللي جبدنا أو مابغى يوقرنا
واللي شعل العافية يطفيها إلى كد

رائعة جدا في مرافعتك عزيزتي فوزية
ومن السمية باينة النتيجة
أبو المعاني
30-05-2009, 21:30
بدأت أخاف على أخي التيجاني من هذا الغزو الأنثوي هههههه أرجو ألا تكون "لمزيودة خوات ليه"
زجل حكيم وممتع.
تحياتي لك أختي فوزية.
Fouad.M
30-05-2009, 22:00
مبدعة انت اختي فوزية ..فقد انتشيت من عبق حرفك...واستمتعت بسحر معانيك وكيفية توظيف بعض الامثال الشعبية التي خدمت بشكل مثير وموسيقي قصيدتك...
دام لك الالق والتألق....

لك تحياتي ومودتي
tijani
30-05-2009, 22:01
المرا بحال الحيَّه
الملمسْ ناعمْ
تكوي الناس كيَّه
بْلاها دايمْ
تڭول بيك ألا بيﱠ
حلفت مانكون شيفورْ حالم
لي يبرزط ْويشخط ْ فيﱠ
نوقف ،أللهْ بيﱠ عالمْ
نڭول : هبط ْعلِيﱠ

اللهم هكدا والا الصداع الدايم ههههههه
ابو زياد
30-05-2009, 22:09
السلام عليكم الاخت فوزية امين. الشاعر هو الذي لا تخونه الكلمة عند الشدة. تنتقلين من الدفاع الى الهجوم بيسر كبير، و لياقة في التهديف جد عالية.
كلمات مشحودة صدقا.
الفقير الى رحمة الله ابو زياد
fayrouz
30-05-2009, 22:48
تبارك الله على الغالية فوزية
ما تخويش الساحة
والله رائع رائع جداجدا ما تجود به قريحتك
تقبلي كل الحب و التقدير
و معا حتى النصر
علال ابن الشرق
30-05-2009, 23:25
عجيب وهج حرفك أيتها البهية ، تبدعين بالدارج كما بالفصيح ، ولا يخونك الحرف حين تناديه ..يأتي طائعا كما لو أنه جاء على ميعاد..
أقول لك يا زايد ، قد بزتك فوزية ، فشمر عن يراعك حتى لا ينفلت من بين يديك زمام البيان..
لقد قال الهمذاني على لسان عيسى بن هشام في مقامته الدينارية ذات مبارزة :
من عز بز ، ومن غلب سلب..فأيكما يا ترى ســ...
التحية..
مرآة الروح
31-05-2009, 01:37
اسجل مروري وإعجابي بهذه الزجلية التي أراها مرافعة عن النساء( ولكن سى تيجاني راه ديالنا حدري عليه)..
الاخت فوزية تجيد الدفاع(يا كما انت محامية)
أشكر الاستاذة فوزية على ما جاء في طرحها الواقعي عن المرأة ...فدورها ضروري في بناء المجتمع
تحياتي ومودتي..



أخي لمغارير
جدت علي وأكرمتني بأرقى تقرير
لك مني أجمل تحية ود وتقدير.
وأنا لست محامية..
بل أستاذة تربية أسرية...ههههه
وحاليا لبنات جنسي بحب متفانية.
مرآة الروح
31-05-2009, 01:50
تبارك عليك ألالة فوزية
هو اللي جبدنا أو مابغى يوقرنا
واللي شعل العافية يطفيها إلى كد

رائعة جدا في مرافعتك عزيزتي فوزية
ومن السمية باينة النتيجة

الله يبارك فيك يا أختي:018:
فيرو ز وأنت وأنا
تابعينو حتى يسلّمsi27si27si27
أو يعيط للبومبية:busted_red:
مرآة الروح
31-05-2009, 01:55
بدأت أخاف على أخي التيجاني من هذا الغزو الأنثوي هههههه أرجو ألا تكون "لمزيودة خوات ليه"
زجل حكيم وممتع.
تحياتي لك أختي فوزية.


شكرا أخي أبو المعاني
شرفتني بمرورك

على التيجاني
لاتخاف
راه فران وڭـــــــاد بحومة.
المزيودة اخوات
اعليه بالتسلاف
غير ماتعقلو عليه انتوما.
مرآة الروح
31-05-2009, 02:02
مبدعة انت اختي فوزية ..فقد انتشيت من عبق حرفك...واستمتعت بسحر معانيك وكيفية توظيف بعض الامثال الشعبية التي خدمت بشكل مثير وموسيقي قصيدتك...
دام لك الالق والتألق....

لك تحياتي ومودتي



بمرورك تعطر دوما متصفحي بأعبق تعليق.
سلمت وسلم يراعك.
ودام لك الإبداع رفيقا.
مرآة الروح
31-05-2009, 02:16
المرا بحال الحيَّه
الملمسْ ناعمْ
تكوي الناس كيَّه
بْلاها دايمْ
تڭول بيك ألا بيﱠ
حلفت مانكون شيفورْ حالم
لي يبرزط ْويشخط ْ فيﱠ
نوقف ،أللهْ بيﱠ عالمْ
نڭول : هبط ْعلِيﱠ

اللهم هكدا والا الصداع الدايم ههههههه



المرا الناعمة
حرير يلبسو راجل كريم
المرا الزاعمة
قالوا تساند راجل عظيم
المرا تساوي
اوقات عصيبة لراجل عديم
المرا تداوي
اجراح تنزف لراجل سقيم
مرآة الروح
31-05-2009, 02:22
السلام عليكم الاخت فوزية امين. الشاعر هو الذي لا تخونه الكلمة عند الشدة. تنتقلين من الدفاع الى الهجوم بيسر كبير، و لياقة في التهديف جد عالية.
كلمات مشحودة صدقا.
الفقير الى رحمة الله ابو زياد


شهادتك أعتز بها، أخي أبا زياد.
بل تستحق أن أضعها وساما على صدري.
دمت من المارين دوما في متصفحاتي .
مع خالص ودي.
الزبير
31-05-2009, 17:39
ناري التيجاني قفرها جبد على راسو النحل
آش داك تمشي وانت رجل مسكين
سلمت يداك على المساهمة النسوية
ياك ما باغيات تديرو جمعية نساء دفاتر
Azzeddine.I
31-05-2009, 17:44
اختي فوزية شفتك درتي بالمثلة المغربية " كبرها تصغار"
وحتى كلامك كبرتيه وزينتيه
وقيلا التيجاني غادي ترطبيه
اللهم الا بغا يدير بحالك ويكبرها
وتردو هاد الصفحة كعبة يزوروها
تحياتي
اخوك عزالدين
مرآة الروح
31-05-2009, 18:02
تبارك الله على الغالية فوزية
ما تخويش الساحة
والله رائع رائع جداجدا ما تجود به قريحتك
تقبلي كل الحب و التقدير
و معا حتى النصر

أشكرك غاليتي فيروز
ولك مني أكاليل الغار
لنصر بنات حواء
أحلى رموز
fayrouz
31-05-2009, 20:44
تأكدي أختي فوزية أني أعني جمال المعنى و المبني.
تقبلي احترامي الكبير
tadlaouia
31-05-2009, 21:07
تبارك الله على فوزية امين

وعلى التربية الاسرية

راه فيها بنات العز

والكلام الرصين والنية

بكل فخر وهزان الراس

حتى انا من هاد الشعبة المجلية

سمعيه المرا والنسا د الفن

راهم قادات على المسؤولية



تبارك الله على فوزية امين

تقبلي تحيتي وتقديري