newfeel
26-06-2009, 18:57
كان هاد الشي ملي كنت خدام فواحد المجموعة فنيابة شفشاون ايوا راكم عارفين باب برد وجبالها و لا بيست ومحانهاوكثر الا كنتي جلستي فالفرعية واحد 20يوم هنا بدات القصة واحد الزميل مسكين توحش موالين الدار و قرر يسلك ويضربليييه واح 3 ايام حسي مسي لا عين شافت ولا قلب وجع. المهم صاحبي مسكين عواااال جمع الحويجااات وبايت فرحاان و قرر الصباح بكري غادي يزيد فيه طويل وكما عارفين خوكم غادي يقابليه التليمدات الاول و الثاني اوا الصباح خرج زاد واحد الشوي 200متر على الفرعية وهما يقشعووووه السكان وتلاقاو بيه اوا بدا التحقيق فين غادي...... صاحبي تبارك الله عليه سرعة البديهة و ما فبالو عير الحضارة . قاليهم اوا هانتوما تاتشوفوا عير تامارة تقادات ليا لقرايا وهاني غادي نمشي حتى للرباط نجيبها ونجي المدير تايتعطل علينا بها .... اوا خوتنا ودعوه بكل الاسف و التحسر و كعاو على السي المدير نهار تلاقاوه فالسوق عاتبوه و لاموه و قالو ليه راه الاستاد ديالنا مسكين تايتكرفس ما تبقاش تعطل عليه بالقرايا عود جيبهاليه بكري دابا مسكين راه مشى حتى للرباط يجيبها و يجي اوا السي المدير وهو يكعا و سخن ليه الدم و قاليهم كيفااااش و لكن سرعان ما كتم الامر و خلاه مستور و بدا الاستعداد لمواجهة و حرب على صاحبي و طلب منو الامر عقد اجتماع بعد عودة الاستاد الغائب اوا ملي اجتامعنا وافتتح الاجتماع بكلمة مقتضبة وقف و قالينا ها العار ادراري فكوني من هاد الاخ اللي قاليك تتسالاليه لقرايا تما حنا عرفنا الواقعة و انفجرنا ضحكا و بهده القصة كملنا العام و رجعات الامور الى مجاريها .بين صاحبي و المدير الضريف . http://farm4.static.flickr.com/3245/2458693417_233a527b20_o.gif (http://www.bibo4pc.com/)