أمثال شعبية مغربية مصنفة [الأرشيف] - منتديات دفاتر التربوية التعليمية المغربية

خادم المنتدى

11-07-2014, 02:26

الــمـــــــــرأة

*-"تلحفت بإزار وجبت لبلى الدار."

*-"بهت النساء بهتين من بهتهم جيت هارب
يتحزموا بالأفاعي ويتخللوا بالعقارب."

*-"يا اللي تنادي قدام الباب نادي وكن فاهم
ما يفسد بين الأحباب غير النساء والدراهم."

*-"سوق النسا سوق مطيار ياالداخل رد بالك
يوريلك من الربح قنطار والديو لك راس مالك."

*-"لا خير في المرا اللي تجول ولا في الرجل اللي ما يجول."

*-" المرا كاتهرب من الشيب كيف النعجة من الذيب."

*-" شاور مراتك واعمل ريك، شاور مراتك وخالف ريها."

*-"اللي شتيها بسعدها اعرف كاتكمل من عندها."

*-" إلا حلفوا فيك الرجال بات ناعس , إلا حلفوا فيك النسا بات فايق."

*-" المرا اللي تطوف ما تغزل صوف."

*-"لمرا عمارة ولو تكون حمارة."

*-"لمرا بلا ولاد بحال الخيمة بلا وتاد."

*-"المرأة أفعى ومتحزمة بإبليس."

*-"حمقة وقالوا لها زغرتي."

*-"كيد النساء كيدين من كيدهم يا حزوني راكبه على ظهر السبع وتقول الحدايات سيأكلوني
حديث النساء يونس ويعلم الفهامة يعملوا قلادة من الريح ويحلقوا لك بلا ماء."

*- "مكتصحاح المرا حتى كتشوف الضرة."
*-" لالة زينة وزادها نور الحمام."
*- الغنبور والعين تدور (الغنبور= اللثام)."
*-"الحنة ما زالة فظفارها والخطاب جابو خبارها."
*-" مرات الغايب قلبها طايب."
*- "كحلة ومكحلة وكالسة فطرف السوق وخايفة من العين."
*-" كون ما كانو حوايج العطار ما فالنسا ما تختار."
****************************************

خادم المنتدى

11-07-2014, 02:27

الــــزّيـــــن

*-"الزّين في بناتنا سلالة من العمّة للخالة."
*-"الزين تيحشم على زينو والخايب الا هداه الله."
*-"حتى زين ما خطاتو لولا..و حتى بلعمان ما خطاتو الكحولة."
*-"زين بلادي في هواها و ماها و تلحيفة نساها."
*-"الزين حبو ربي"
*-"الزين هو الزين كثروا همومو..الزين بحال الفريسة الطيور عليها يحوموا."
*-"للال زينة و زادها نور الحمام."
*-"كل بلاد و أصلها و كل امرآة و زينها."
*-"شوف الزين ملي ينوض من نعاسو..قبل ما يغسل وجهو و يمشط راسو."
*-"زين المراة فصبيانها..و زين العاتق فحياها."
*-"الزين زين وردة و السعد سعد قردة."
*-"التحزيم تحزيمة..و الطياب مشيط ديما."
*-"خليك رويشقة..تبقاي عويشقة."
************************************

خادم المنتدى

11-07-2014, 02:28

الــحــــــقّ
*-"من قال الحق , يتسمى احمق."
*-"مَا يْقُولْ الحَقْ غير الصغير أو الاحمق."
************************************

خادم المنتدى

11-07-2014, 02:28

الـمـــــوت
*-"آشعند الميت ما يدير قدام غسالو."
*-"البكاء مور الميت اخسارة."
*-"الفراق مبعوت بالحي او بالموت."
*-"موت الاحْبَابْ تَتْعَوًّجْ الايَّامْ."
*-"آش يدي الـمــوت من الدار الخالية."
*-"اللحية مكترفد اللحية غير لقبر."
*-"ثلاثة كيفرقو الخوت : المال و النساء و الموت."
*-"بني وعلي وسير أو خلي."
*-"الزواج و الموت هم لا يفوت."
**********************************

خادم المنتدى

11-07-2014, 02:29

الأمومة
تبكي أمّو قبل ما تبكي أمّي
من حرّ الكيّات , درت جوج أمّات
اللّي تزوّج أمّي نقول ليه يا عمّي

*-"اللي عندو أُمُو لاتَرْفَدْ هَمُو"
يعبرعن حرص الأم عن أبنائها وعند موت الأم

*-"مشات أيام الخديدات و جات أيام لوليدات"
يعبر عن اهتمام الأم الذي يتحول نحو الأبناء

*-" مرأة بلا اولاد بحال الخيمة بلا وتاد"
أي أن سند الأم هو أولادها

*-"الزيزون(الأخرس) مايفهمو غير أمو"
الأم هي التي تفهم أبنائها كيفما كانوا

*-"البنت شريكة أمها "
الأم مستودع أسرار البنت

*-"قْلَبْ الكَدْرَة على فَمْها تطلع البنت لأمها"
يعبر عن أفعال البنت التي تشبه أمها

*-"اللي أم في الكُشِينَة(المطبخ)ما يموت بالغَْبينَة(القلق)"
الأم لا تنسى أبنائها

*-"اللي مو في العرس ما يخاف."
**************************************

خادم المنتدى

11-07-2014, 02:29

الأخـــــــــوة
*-"خــوك، خـــوك لا يغرك(يغويك) صاحبك."
*-"أنا و خويا على ولد عمي، و أنا ولد عمي على البراني."
***************************************

خادم المنتدى

11-07-2014, 02:30

الـــجـــــــــــــــــار
*-"عار الجار على جارو."
*-"اختار الجار قبل الدار."
*-"مايذوق الفار مايشم الجار."
*-"جارتي القريبة أحسن من أختي البعيدة."
حلبي في المحارة و مخضي في جلد الفارة بلا جميل الجارة
***********************************

خادم المنتدى

11-07-2014, 02:31

الـــنـــظـــــافـــــة
*-"على دخول الحمام بحال خروجو."
*-"ومن جاور القدرة اتلطخ بحمومها.. ومن جاور صابون جاب نقاه."
*-" لالا زينة و زادها نور الحمام."
*-"و كان الحمام تيبيض كون بيض قبابو."
*-"العكر فوق الخنونة."
*-" إيلا غلبوك بالجديد غلبهوم بالصابون،"
*****************************************

خادم المنتدى

11-07-2014, 02:31

الــحــمـــــــار===> أعـــزكم الله
*-"أنت امير و أنا امير.. شكوووون يسوق الحمير ."
*-"الحمار حماري والركوب من الخلف."
*-"الكي في الحمير والبقر تتزعرط."
*-"الخيل مربوطة و الحمير كتبورد."
*-"الدنيا غدارة ، والأيام دوارة ، مول الحمار دار طيارة ، ومول الخيمة دار عمارة ."
*-" اربط احمارك مع الحمير، يتعلم الشهيق والنهيق وخرجان الطريق."
*-" إيلا ارخص الشعير اغلات الحمير."
*-"حــــاول على حميييرك تحج عليه."
*-" الحمار مخبي ووذنيه برّا.
**************

خادم المنتدى

11-07-2014, 02:32

الـــســلــطــــــــان
*-"السلطان بالتاج و كايحتاج."
********************************

خادم المنتدى

11-07-2014, 02:33

الـــــزواج

*-"خوذ بنت عمك تصبر علي همك."
*-"هبيل تزوج هبيلة وتهنات القبيلة."
*-"زواج ليلة تدبيره عام."
***************

خادم المنتدى

11-07-2014, 02:34

الــــســــــفــــــــــر
*-"اللي وصل بلاد غير بلادو خلى الهم لولادو."

*-"سافر تعرف الناس وكبير القوم طيعه
كبير الكرش والراس بنص فوله تبيعه."
***************************************

خادم المنتدى

11-07-2014, 02:34

الــقــنــــاعـــــــــة
*-"على قد لحافك مد رجليك."

خادم المنتدى

11-07-2014, 02:36

الــــطــــمـــــــع
1- يا الطامع في الزيادة رد بالك من النقصان.
2-الطمع طاعون.
3-الطماعين تيباتو في الشماعين.
4-ابنادم دربو على حلقو ينسى اللي خلقو.
5- واش بغيتي الزبدة و فلوس اللبان.
6-يلا كان خوك عسل ما تلعقوش كلو.
7-اللي يروح بلا عرضة, يبقى بلا اعشا. *************************

خادم المنتدى

11-07-2014, 02:37

الـــبـــــقــــــــــــر
*-"أتاي العشية حسن من بقرة مشوية."
*-"البقرة الكركوبة لا محلوبة ولا مركوبة."
*-"البقرة ايلا طاحت كيكثرو الجناوة."
*-"البقرة كا تنطح أو ولدها كا يشطح."
*-"البقرة المعgـــازة من مشيتها تبان."
*-"البقرة كا تاكول فالشمندر أو قدامها باقي."
*-"البقرة ما يجي معاها السرج."
*-"اللي بغا الـبـــgــــر الله يطليه بزبلو."
*-"شافت الربيع ما شافت الحافة."
*-"الكي فالبgر والحمير تزعرط ."
*-"البنت اللي مايتدبح عليها بقر ما ليها وقر."
*-"عندو بحال الحنة بحال زبل البقر."
*-"لا تكسب (بقرة)نطاحة ولا تزوج (امراة) نواحة."
*-"ماخلاو طلابين اللبن للعجيلات مايرضعو."
*-"اللي بغا وقرو ينده بقرو."
*-"العاقل فالثيران نطّاح."
*-"تشوف الثور الأبيض،تقول كلُّو شحمة."
*-"شي فمُّو يشري ليه بقرة،شي فمُّو يبيعها ليه."
*-"البقرة ولدت قنفوذ جات تبوسو فيه الشوك ...بغات تلوحو ولدها."
******************************************

خادم المنتدى

11-07-2014, 02:38

الــصـــداقـــــــة= الـصــحــبـــــة

*-"الصاحب لا تلاعبه و الناعرلا تفوت عليه...
اللي حبك حبه أكثر و اللي باعك لا تشتريه."

*-"الصحبة المغشوشة حكها يبان عيبها."

*-" امدح صاحبك مع الناس, و لومو الراس فالراس."

*-"ما تشري حتى تقلب و ما تصاحب حتى تجرب."

*-"الصاحب بالربح ماشي بالخطية."

*-"ما تعرف العدو من الصديق غير فالشدة والضيق."
********************************************

خادم المنتدى

11-07-2014, 02:39

الــكــلــب==>حشاكوم
*-"الكلب اللي كينبح ما كيعض."
*-"كلب حي أو لا سبع ميت."
*-"ضرب الكلب و استحيى فوجه مولاه."
*-"فاطمة بنت الدرب ،باعت الدفة وشرات الكلب."
*-" الكلب ما يعضش ف ودن خوه."
*-"اللحمة معلقة أو لكلاب كا تقاتل عليها."
*-"اللي بغى يربِّي الجرو خاصو يقتل الكلب الكبير."
*-"تحابو الكلاب على رجلين الطلاب."
*-"الدم يتحلبى يتحلبى وخى يكون من الكلبة."
*-"السِّي بلا قراية،بحال الكلب بلا ضراية."
*-"الحليب للحباب واللبن للكلاب."
*-"الدار بلا باب ما تحتاج للكلاب."
*-"الكلبة المجرابة عمرها ما كتصيد."
*-"جوع كلبك يتبعك."
*-"ولاد الكلبة كاع كلاب."
*-"اللي دصر الكلب يلعق ليه شـواربو."
*-"الكلب غ كلب واخا يلبسوه الذهب."

*-"كال ليه :الجار كريم؟
كال ليه شوف حالة الكلب والبهايم."

*-"الحمار رافد الثقل والكلب كينين."

*-" تختار حتى تعيا،وتهز من اولاد الكلبة جرو."
*-"الكلب إلى ما نبح ما عندو فيه مولاه ربح."
*-"سعد الدباح ،الكلب ما ينبح،الدايز يقول آح والراجع يقول آح."
*-"أتاي بلا شيبة عطيه للكليبة."
*-"سعد الدابح لا وجوه تشابه لا كلاب تنابح."
*-"ربي الكلب ينفعك وربي كحل الراس يقلعك."
*-"شد كلبك قبل ما يذوق خبز الناس."
*-"الدار دار بونا وبن كلبون طردونا."
*-"السما بعيدة على انبيح لكلاب."
*-"سمن كلبك ياكلك."
*-"الكلب غير كلب وخ تكون سلسلتو من الذهب."
*-"الكلب النباح ايلا ماعض مايرتاح."
*-"الكلب كيعرف جوج حوايج نهار تخلات دار بوه أو نهار شبع."
*-"الكلبة الشهبة حتى عضاتني عاد عرفاتني."
*-"كلب السوء كيجيب الدعا لمولاه."
*-"كلب سايب أو لا سبع مربوط."
*-"بحال الكلب يخاف أو يخوف."
*-"اقطع أوذن الكلب أو دليها أو اللي فيه شي خصلة ما يخليها."
*-"آش يضر السحاب من انبيح الكلاب."
*-" ألف كلب ينبح معاك أو لا كلب ينبح عليك."
*-"الكلب ما يتشطر الا على باب دارو."
*-"بحال الكلب يحب الجوع أو الراحة."
*******************

خادم المنتدى

11-07-2014, 02:39

الـــخـــــــــــروف

*-"خروف المثقال من الـربــg يبان."
*-"شحال من خروف سبق باه للـgــرنة."
*-"شحال من خروف جا فرطاس وربى الراس."
*-"ما كيزيد بالصوف غير الخروف."
*-"حتى حولي ما ثقلوا عليه كرونو."
*-"الـgــــزار ما كيخافش من الغنم."
*-"الغنم الغنيمة فالدار الكريمة."
*-"حتى غنم ما تسرح وحدها."
*-"النعجة كتولد خروف أو الكلبة كتولدأولوف."
*-"ما يموت الديب ما تفنى الغنم."
*-" عطى الغنم للديب وgالو اسرحها."
*-"الخروف كايتربط من كرونو وبنادم كايتربط من لسانو."
*-"الكبش اللي ما عندو قرون ما يبقى وسط البهايم مغبون."

*-"خروف أكتوبر وازرع أكتوبر ايلا اتلاقاو فالـgــدرة يهرسوها
ويلا طاحو فالكرش يفرgــعوها."

*-"اللي أمو نعجة ياكلها الديب."
*-"الحولي باع باع كيقرا فالسابع."
*-" عطى الغنم للديب وgالو اسرحها."
*-"جدي ولا خروف كل واحد باه معروف."
*-"ما مضيق الزريبة الا النعجة الغريبة."
***************

خادم المنتدى

11-07-2014, 02:40

الــذيـــب=Le loup

أمثال شعبية مغربية

*-"من عاشر الذيب يتحمل مخالبو."
*-"ما يموت الذيب ماتفنى الغنم.
*-"الذيب ما يسرح بالغنم."
*-"الذيب الكرطيط كيكرططها على الدياب كاملين."
*-"اللي قاريه الذيب حافضو السلوكي."
*-"اللي مو نعجة كا ياكلوالذيب."
*-"مَا كادير الذيبة وكيتهموا الذيب."
*-"الدار اللي ما فيها أغلال كيطمعو فيها الذياب."
*-"اللي ما كان ذيب,ياكلوه الدياب."
*-"اللهم السبع ياكلني ولا الذيب يمرمدني."
*-"كيبات ياكل مع الذيب ويصبح يبكي مع السارح."
*-"ماخص الذيب غير النديب."
*-"صلاة الذيب فالرgعة مشى يصلي نسى شحال من ركعة."
*-"ما حس الذيب غير بدموع النعجة."
*-"التالي فالذياب يعوg."
*-"الذيب حلال الديب حرام الترك حسن."
*-" قاللو :الذيب فالغنم ؟قاللو :تسنى حتى نربِّيو السلوكي."
*-"الذيب ديب وخى يطيب فالزبدة والحليب."
*-*الذيب كتدوز عليه غير مرة وحدة."
*-"كون ذيب ولاّ ياكلوك الدياب."
*-"ذرية الشيب ياكلها الذيب. "
*-"إيلا تفرقات الغنم كيسهال على الذيب باش ياكلها."
*-"آجيو يا ناس تشوفو هاد الحبيب،مشي للذيب وبغى يديرو نسيب."
*-"المرا تهرب من الشيب كيف النعجة تهرب من الذيب."
*-"الذيب كيعاود غا ما طاري ليه.
*-"معول على الذيب يسرح ليه الغنم.
*-"الذيب ماياكل من الغنم غي المفردة.
******************

خادم المنتدى

11-07-2014, 02:42

الـــبـــحــــــــــر=La mer
أمثال شعبية مغربية

*-"البحر كيطمع فالساقية."
*-"تا بحر ما كره الزيادة."
*-"فرق البحر يولي سواكَي."
*-"اللي تقلق يشرب من البحر."
*-"دّاه حتى للبحر وجابو عطشان."
*-"البحر ما كيطمعش في السواقي."
*-"اللي عندو البحر عندو اللي يشربو."
*-"بحال اللي شرى الحوت فقاع البحر."
*-"جغمة من البحر بلا جميل الـgـــرّابة."
*-"لفلوس كيعملو طريف في البحر."
*-"اللهم دالبحرولا البرّ بخماجو."
*-"اعطيني عمر و ارميني في البحر."
*-"بات ليلة في البحر و قال أنا ولد عمّ الحوت."
*-"الله ينجّيك من الحبيب و اهبالو و البحر و اهوالو."
*-"الربيب ما يولي حبيب ولو كان البحر يولي حليب."
*-"الحوت فالبحر عوام والنسا بلا ما يعومو."
*************************************

خادم المنتدى

11-07-2014, 02:42

الـنــبــــاتــــات
أمثال شعبية مغربية
*******************

*-"الزّين في الدفلى و حارّة."
*-"أتاي الرفيع مايحتاج ربيع."
*-"أتاي بالشيبة تشربه الحبيبة."
*-"جا لبلاد فليّو و ضرّو الرّواح."
*-"أتاي بلا نعناع بناقص منو كاع."
*-"اللي زرع الشوك تيحير فاحصادو."
*-"إيلا ارخص الشعير اغلات الحمير."
*-"واحد يَاكُلْ الفُولِْ والاخَرْ يْتْنَفَّخْ فيه."
*-"خبزتي تحت باطي مايعرف حد عياطي."
*-"اطلع تاكل الباكور انزل شكون قالهالك."
*-"إيلا شاط ليك الزعفران صبغ بيه لحيتك."
*-"اللفت المحفور اللي ماكلاه يتمرغ فترابو."
*-"اللي دار راسوا قي النخالة ينقبوه الدجاج."
*-"الحبق من يدينا سبق و التفاح من يدينا فاح."
*-"مْنِينْ دَاكْ العْرِيَّشْ قال لُه مْنْ دِيكْ الشّْجِيرَةْ."
*-"حسابتني كرمة وفيها الكرموص سعا هي خربة و فيها الناموس."

خادم المنتدى

11-07-2014, 02:43

اللّــســـــــــان=La langue

*-"اللسان يسبح و القلب يذبح."
*-"اللسان الرطب كياكل الحطب."
*-"لساني سبع يلا طلقتو كلاني."
*-"اللسان لحلو تيتعطى في الدّية."
*-"الجمل ياكل الشوك باللسان الرطب."
*-" اللي ما كان العسل فركانو، يكون غير تحت لسانو."
*-"عطينا من جودك واحسانك ولا من اخيارك ولسانك."
*****************

خادم المنتدى

11-07-2014, 02:43

الفصول الأربعة
في الأمثال الشعبية

الشر ما يظلم حد غير من جابه لنفسه
في الشتاء يقول البرد وفي الصيف يغلبه نعسه

والمعنى: أن الفقر لا يظلم أحدا من الناس، بل يجلبه الإنسان لنفسه، بسبب تكاسله في الشتاء بحجة البرد، وفي الصيف يقول إن الحر يغلبه عن النهوض والحركة.

*-"اللي بغا الـgـــراب فالصمايم يتصاحب معاه في الليالي."

*-"إيــلا جـات الشتا فالصمـايـم ديـر راس مالك فتة لبهـايـم."

*-"حـرث الليالي كيف الأول كيف تـالي."

خادم المنتدى

11-07-2014, 02:44

أمثال شعبية مغربية تتعلق بالشتاء و الليالي

1 - الليالي :
- الى خرجت الليالي ، غير بيع الجديد واشري البالي
- الى فاتت الليالي ، ما تشري التوب غالي
- الى دخلت الليالي خبع الجديد ، والبس البالي
- أربعين يوم د الليالي ، وأرعين يوم د الليالي بروحا ، وأربعين يوم كيخرجو الخيل مرتوعها ، وأربعين يوم ارفد الفاليا ولوحها
- فحال خروج الليالي
- ابرد من سيكوك ف الليالي
- خروج الليالي بالنعايم ، وخروج الصمايم بالنقايم
- 40 يوم د السردي والبردي/ الليالي / ، و40 يوم يوم د اللوز المندي / الربيع / و40 يوم خد وادي / الصيف / .
- كيدفع شبابو غالي ، فحال خزو ف الليالي
- لا تيق بنجوم الليالي الى برقت ، ولا تيق بالكوزا الى صلات
- لا تيق بالليالي الى صحات ، ولا تيق بالعكوزا الى صلات
- اللي بغا الكراب يصاحبو ف الليالي
- الليالي ف الليالي ، حتى تلقيح الدوالي
- الله يا الليالي ، واشمن تور يجبدها لي
- الليالي سحابها احسن من صفاها

الشتاء :
- ف الشتا كول بوحدك ، وانعاس مع الجماعا، وف الصيف انعاس بوحدك ، وكول مع الجماعا
- ف الشتا ، ما كيخرج م بلاصتة غير اللفتلا تيق بكلام الضيف ، ولا بالشتا د الصيف

خادم المنتدى

11-07-2014, 02:45

الأســــــــــرة
*-"خــالي و الهم تم."
*-"الصهر يشد الظهر."
*-"لـخـــاوا حدها الدنيا."
*-"عــدونا أو عايش معانا."
*-"خـوك من مك يشيل همك."
*-"يد منك واخا تكون مجدامة."
*-"لـمـــوت وسط الحباب نـزاهة."
*-"الراجل يموت على بلادو أولا أولادو."
*-"داري يا داري يا اللي ساترة عواري."
*-"اللي حبابو عريانين عمرو ما يتكسى. "
*-"اللـحـــم إيــلا اخــنـــاز كا يرفدوه ماليه."
*-"gــــاليه منين ذاك العويييد، gــــــاليه من ذيك الشجـــرة."
**********************

خادم المنتدى

11-07-2014, 02:48

الأكــــــــــــــل
أمثال شعبية مغربية

كول و قيس
الجوع ما عندة عينين
طعام الشرفا فيه الشفا
كبير الكرش تتفركع ليه
تغدا وتمدا وتعشا وتمشا
سبق الشوى قبل التمالح
بالمهل كا يتكال بو دنجال
طعام الجماعة فيه البركة
خبز بايت و لا عشا الشمايت
واحد يَاكُلْ الفُولِْ والاخَرْ يْتْنَفَّخْ فيه
طاجين الشمايت، النصبا وقلة ليدام
الخبز و الما ما يخلّيو في القلب غمّة
جـوعي في كـرشي وعنايتي في راسي
دخلناهم يشربوا الرايب قالوا حقنا فالزرايب
الى فاتك الكلام قل سمعت ,و الى فاتك الطعام قل شبعت
الله يخلف على من انفق و يعطي الصحة للّي اضرب الشدق
نوصيك يا واكل الخوخ من عشرة رد بالك , في النهار تظل منفوخ وبالليل تبات هالك
****************

خادم المنتدى

11-07-2014, 02:49

الأمـــــــــــوال
أمثال شعبية مغربية
*-"الدين، مسود الخدين."
*-"مول التاج و كايحتاج."
*-"ما كيحسب غير المزلوط."
*-"بات بلا لحم، تصبح بلا دين."
*-"حرثة ولا ورثة ولا سر حتى."
*-"الطالب يطلب و مرتو تصدق."
*-"الراس عامر و الجيب خاوي."
*-"الفلوس كا دير الطريق فالبحر."
*-"تسبيق الأجرة، من تبطيل العمل."
*-"شحال ما عندك شحال ما تسوى."
*-"gـــــــد ما عندك gـــــــد ما تسوا."
*-"اللي ماعندو فلوس كلامو مسوس."
*-"درهم دلحلا ل خير من عشرة حرام."
*-"اللي ترهنو بيعو، واللي تخدمو طيعو"
*-"يفنى مال الجدين، وتبقى صنعة اليدين."
*-"الأقرع بفلوسو جيب ذاك الراس نبوسو."
*-"غير دخلوه الفلوس، ولى مضى مالموس."
*-"صرف ما في الجيب، ورب يجيب، مافي الغيب."
الله يجعل الفلوس في يدينا ما يجعلهم في قلوبنا."
*-"دار القاضي خاصها الدرهم المصرف و السباط المطرف."
*-"ما يغلبك غير اللي يقول لك: اخرج من داري، وإلا أعطيني ديالي."
*-"اللي كثروا فلوسه، يحج، وإلا يتزوج وإلا يهدم داره ويعاود يبنيها."
*******************

خادم المنتدى

11-07-2014, 02:49

الـبـــخـــــــــــل
أمثال شعبية مغربية
*-"البق ما يزهق."
*-"تايشوف البسقة كا يحسابو ريال."
*-"الجوع و النوع و البكا بلا دموع."
*-"البخيل اللهم فرجلو ولا في النعالة."
*-"إيـلا طردك البخيل , عند الكريم تبات."
*-" gـــزار أو كا يتعشا باللفت أو (بالفرث)."
*-"الخير ف الكريم طبيعة و ف البخيل دفيعة."
*-"الفقير يقنع بقليله والبخيل ما يقنع بكثيره."
أم علاء وعمر (http://www.profvb.com/vb/u5804.html) شكر صاحب المشاركة.

خادم المنتدى

11-07-2014, 02:50

دوايــــــــر الـزمــــــــــان
أمثال شعبية مغربية

*-"لا ثقة في الزمان."

*-"اللّي ما ربّاوه والديه الزمان يربّيه."

*-"شحال من مزبلة ولاّت جامع ( حاشاكم )."

*-"فِي هَاذَا الزَّمَانْ كُلْ وَاحْدْ بْكَاسُو وُنْعَاسُو وُهَازْ هَمُّو عْلَى رَاسُو"

*-"لاتخمم لا تدبر لاترفد الهم ديمة..الفلك ماهو مسمر ولا الدنيا مقيمة."

*-"الهم يستهل الغم والسترة ليه مليحة..رد الجلدة على الجرح تبرا وتولي صحيحة."

*-"ياصحب كن صبار اصبر على ماجرى لك..ارقد على الشوك عريان حتى يطلع نهارك."

*-"راح ذاك الزمان و ناسو و حا هاذ الزمان بفاسو، كل من يتكلم بالحق كسروا لو راسو."

*-"نوصيك ياحرت الشيح والشيح فيه المرورة..اللي تظن وتقطع عليه تاتيك منه الضرورة."

*-"الشر ما يظلم حد غير من جابه لنفسو.. في الشتاء يقول البرد وفي الصيف يغلبو نعاسو."

*-"ما أتعس من ماتت أمه وأبوه في الحج غايب.. وما وجد حد يلفه وأصبح بين الدواوير سايب."

*-"يا ذاالزمان يالغدار يا مكسرني من ذراعي ...نزلت من كان سلطان و اركبت من كان راعي."

*-" من لا يطعمك عند جوعك ولا يحضر لك في مصايب.. لا تحسبو من فروعك قد حاضر أو غايب."

*-"مثلت روحي مثل الحمام..مبني على صهد نارو، من فوق ما باين دخان و من تحت طاب احجارو."

*-"المكسي ما دري بالحافي والزاهي يضحك على الهموم.. اللي نايم على الفرش دافئ والعريان كيف يجيه النوم."

الشريف السلاوي

11-07-2014, 02:51

أمثال شعبية
رمضان المعظّم

رمضان مشى و خلّى دينو في النسا
قاليه آش خدّام أبّاك ؟ قاليه نفّار , قاليه رمضان تسالى

خادم المنتدى

11-07-2014, 02:52

أمثال شعبية مغربية
"مـا قــــــل و دل"

بت نبت.
بيه فيه.
سر فـر.
شم ولم.
حدو قدو.
تيتي نيني.
آمر نعمل.
حن تمحن.
شن الطن.
كل وقيس.
زوق تبيع.
عاين باين.
اجزم تسلم.
شرّح ملّح.
هبل تربح.
زرب تعطل.
كاري حنكو.
حج وجاجة.
دور و تبرم.
حسي مسي.
الفاهم يفهم.
خيطي بيطي.
فوتني تربح.
الثالثة ثابثة.
بات ماصبح.
عشاق ملال.
صفي تشرب.
يكوي ويبخ.
زايد ناقص.
الليل حدورة.
النهار بعينيه.
عاند لاتحسد.
برق ما تقشع.
ملزايد ناقص.
حديث ومغزل.
خيرو تحيرو.
عينك ميزانك.
شوف تشوف.
كبرها تصغار.
اللي ليها ليها.
شد مد يااحمد.
الزين بقوامو.
سيدي بسيادو.
بوه يشبه بوه.
اللي خاف نجا.
اللوسة سوسة.
اللي غلب يعف.
ستة من ستين.
قاسح ولا كذاب.
اللي غلب يعف.
مول الفز كيقفز.
الوافي مايحافي.
جوابو على نابو.
حلوف كرموص.
مسخوط ولاوكال.
ادهن السيد يسير.
اللي حصل يودي.
اللي زربوا ماتوا.
فالمقلة و تيحنزز.
قلت شي كترشي.
لاسلام على طعام.
سبق الميم ترتاح.
جا يكحلها عماها.
خضرة فوق طعام.
جوع كلبك يتبعك.
نارو على منقارو.
الاول علاش تعول.
التالي سعدو عالي.
اللي هرس يخلص.
زيد الما زيد الدقيق.
طاح الحيط على ظله.
قد الراس قد الشاشية.
عطيه شبر ياخد ميترو.
عش نهار تسمع خبار.
لالا تيها وكلشي فيها.
الضحك كيفصخ البيع.

خادم المنتدى

11-07-2014, 02:52

أمثال شعبية مغربية
عن بعض المناطق و المدن المغربية

*-"ما بعيدة غا تادلة."
*-"أهل سلا أهل بلا."
*-"اللي مشى لطنجة نجى."
*-"طنجة عالية و بسواريها."
*-"سيدي قاسم زين الماسم."
*-"أكادير أوفلا غرايبو شلا."
*-"آش جا ما يعمرك أ كويرة."
*-"ماحلى افران ماحلى جمالو."
*-"اللي قد على فاس يبنيها."
*-"بيضاوة لحرار ما يدوزو عار."
*-"مراكش يا وريدة بين النخيل."
*-"سيري أ دجاجا حتى لتازة."
*-"صبّات ركيكة في زحليكة."
*-"ميفكك معاه حتى صابون تازة."
*-"السطات يسطي و برشيد يداوي."
*-"السلاويين تيحماقو مور العصر."
*-"إلى وصلت لزعير قول كلام الخير."
*-"اكادير والسوس تيجيبو لفلوس."
*-"أمولاي بوسلهام يا ريش النعام."
*-"مائة جنية و جنية و لا وحدة جديدية."
*-"أكازا يا كازا يا اللي مشا ما جا."
*-"أكازا من ننساك حتى نموت حداك."
*-"ما غابت غا وجدة أما سبع حمير واجدة."
*-"دكالة في الأرض وكالة وفي السما ركالة."
*-"مني تزور سلا والرباط وحيد الصباط."
*-"مراكش قالو بعيد فيه النخلة و الجريد."
*-"الصويرة والكويرة خوت واعليهم نموت."
*-"مني تدخل لمكناس وقرا قل أعوذ برب الناس."
*-"شاط الخير على زعير حتى فرقوه بالمداير."
*-"كرسيف السروال لقصيف والعيشة بالسيف."
*-"عبدة يا عبدة يامشرحين الكبدة ماعمر اغواتهم ما يهدا."
*-"مني تجي لواد زم متبركم ما تعزم , غيرزم , كول حفن ورزم."
*-"العيون عيني والساقية الحمرا ليا والواد وادي يا سيدي والواد وادي."
*-"الدار البيضا عالية وفيها خوخة ودالية وفيها بوز النحاس تيكب الما بلا قياس."
*-"وخّا يكون بورقراق حليب و الصخر على شطّو زبيب ما يكون الرباطي للسلاوي حبيب."
**********************************

خادم المنتدى

11-07-2014, 02:53

أمثال مغربية عن مرافق المنزل
*-"دارنا ساترة عوارنا."
*-"يمارت الدار على باب الدار."
*-" باع دارو و كرا عند جارو ."
*-"شوف بيتو, وخطب بنتو."
*-"خبز الدار ياكلو البراني."
*-"سلفو فالمرح تعرض لو فباب الدار."
*-"خيط حزينة من البيت للكوزينة."
*-"العتبة مجرودة والركاني بالدودة."
*-"مخاصمة لحباب من السطوان للباب."
*-"حتى كلب ما تيهرب من دار العرس."
*-" الدار دار بونا, وعبيد بانا اطردونا."
*-"كون تصحابها تكتاب, من دق الباب."
*-"إيلا طلقتي المرا, ما توريها دار باها."
*-"شد باب دارك ، وما تسرق جارك."
*-"الضيف كيسلم و مول الدار كيخمم ."
*-"دير ما دار جارك و لا بدل باب دارك."
*-" اللحية في البيت و العايلة خرجات تجيب الزيت ."
*-"إيلا شفتي النمل في الدروج اعرف العسل في المصرية."
*-"صباح الخير ياجاري ، انت ف دارك وانا ف داري
*-"إيلا مات البو توسد الركبة, الى ماتت الأم توسد العتبة."
*-"الهم المنحوس, خليتو فدار با لقيتو فدار العروس."

خادم المنتدى

11-07-2014, 02:54

الحشرات في الأمثال الشعبية
*-"البق مايزهق."
*-"النحلة كحلة و تتعطي لعسل."
*-"عايشين عيشة الذبانة فالبطانة."
*-"كمشة د النحل أحسن من شواري ذبّان."
*-" اللهم بخوشة تنوس و لا ياقوتة تهوس."
*-"بات ليلة فالمرجة وصبح بن عم الجران."
*-"امحرّف الشكوة و يقول الذّبّان منين جاني."
*-"ماعرف باش عاش بلارج قبل مايجيه الجراد."
*-"البقة كا تولد ألفين في الليلة و تقول يا قلة واليا."
*-"إيلا شفت النمل في الدروج اعرف العسل في السطح."
*-"كنتسحابها كرمة وعامرة بالكرموس..ساعة خربة وعامرة بالناموس."

خادم المنتدى

11-07-2014, 02:55

أمثال شعبية مغربية عن العريس و العروسة

*-"شكون شَكَرْت العروسة مها وخالتها والحَزَرَة جارتها."
يقال للتعبير عن المرأة التي لها صفات عير مألوفة ويمدحها المقربين

*-" بفْلُوسَك بنت السلطان عروسك."
يذكر المثل بشرط المال للزواج

*-"الخفيفة ما تكون منها لا عروسة لا نفيسة."
يقال في المرأة الغير الرزينة التي لا تصلح لتكون زوجة

*-"خداها بالدين وقال العروسة منحوسة."
يعبر عن لوم الزوجة

*-"اضرب اللّوسة تتربى العروسة."
*-"ارجع ليا يا شبابي باش ننضاد عروستي."
*-"حتى عريس ما يسلف نبديرو ليلة عرسو."
*-"العروسة و لعريس طاحو في باب لخميس."

*-"الحنة حرشة و الحناية عمشة و العروسة فيها بو تفتاف."
عندما تجتمع كل توابل الفشل في أمر ما يصبح الأمر *****يا و مضحكا و لا يمكن التعبير عنه الا بمثل كهذا .

*-"العروسة فوق الكرسي، ما عرفها حد عند من تمسي."
يضرب المثل للظان الذي يحسب أن أمنيته صارت في متناول يده، فإذا بعارض يطرأ ويبدد كل آماله، كالعروسة التي كانت محسوبة على فلان، فإذا بها تصير لآخر بسبب موت أو نزاع طارئ.

*-"حلفات العروسة ما تحب الحماة حتى تبياض الفحمة."

*-"صيحة صاحت فالسماء، العروسة أكبر من الحماة."

خادم المنتدى

11-07-2014, 02:55

أمثال شعبية مغربية عن العار

*-"داري ساترة عاري."

*-"العاتق في الدار عار."

*-"كلام العار ما يتنسى."

*-" الحيلة احسن من العار."

*-"رميت العار على أولاد جرّار."

*-ضربة بدمها و لا كلمة بسمها."

*-"الجرح يبرا وكلام العار ما يبرا."

*-" اللي يقول كلام العار عمرو ما يلا ليا."

*-"كلام العار بجناوحو أ كلام الخير زحاف

*-" عار الجار على جاره يحترموا ويعرف مقدراه."

*- "لو كان الصفيحة ترد العار..........كن رداتو عل الحمار."

*-"عاشرها والا فارقها يرحمك الله وكلام العار بعد من بلاه."

*-"الجرح يبرا و يصير ملموم و كلام العار فالقلب يبقى مرسوم."

يا قيال العار، كيف يحلى كلامك .. تمرض ولا عدت تزار، وتفكر الناس عارك
والمعنى: أن الرجل الذي أساء إلى الناس وأخل بالآداب والمروءة تفر الناس منه، وتترك مخالطته.

*-" يا قلبي نكويك بالنار و إذا شفيت نزيدك ، ياقلبي خلفت لي العار و تريد من لا يريدك"
و المعنى القلب يحب أصدقاءه و لكنه لم يكافأ منهم إلا بالجفاء.

خادم المنتدى

11-07-2014, 03:06

أمثال شعبية مغربية عن عزة النفس

*-"بريقنش بلا جميل العنابة."
*-"حفيانة بسرها ولاتنكة بطرها."
*-"العراضة سنة واللي بعقلو مايدنى."
*-"اللهم الخبزالبايت ولا سفنج الشمايت."
*-"جوعي في كرشي و عنايتي في راسي."
*-"خبزي تحت باطي و ما يسمع حدّ عياطي."
*-"خبزي تحت باطي و ما يسمع حدّ عياطي."
*-"وشربة من البحر مرة بلا جميل الكرابة."
*-"ناكل عيش مخنانة ولا ناكل عيش منانة."

خادم المنتدى

11-07-2014, 03:07

الحب و الكراهية في الأمثال الشعبية المغربية

*-"لا حبيب إلاّ في الشدّة."
*-"محبّة الدجاجة بلا بزازل."
العقبة ف وجه لحباب حدورة."
*-"لا محبّة إلاّ من بعد عداوة."
*-" دباز لحباب من العتبة للباب."
*-"اليوم حباب، وغدا قطوط وكلاب."
*-"عدو بعقلو أحسن من حبيب أحمق."
*-"اللي ما جابتو المحبة ما تجيبو الحزارة."
*-" اللي حبك حبو اكثر...و اللي باعك لا تشريه."
*-"حبني محبة خوك و حاسبني حساب عدوك."
*-"إيلا بغاوك بلا ما تشقى ويلا كرهوك ما تكتر نفقة."
*-"اللي حبك ما بنالك قصر واللي كرهك ما حفرلك قبر."
*-"حلفات العروسة ما تحب الحماة حتى تبياض الفحمة."
*-"اللي حب الخدم، لا بد يندم، لا سيفة زينة لا قلب مسلم."
*-"اللي حبك حبو و لقلبك زوجو و اللي جفاك جفيه و تعداه و دوزو."

خادم المنتدى

11-07-2014, 03:07

أمثال شعبية المغربية
تبتدئ بـــ ( اللي.....)
*-"اللي فات مات."
*-"اللي فرط يكرط."
*-"اللي زربوا ماتوا.".
*-"اللي حقق يحماق."
*-"اللي بلسانو ما يتوه."
*-"اللي فاتك خليه لبناتك."
*-"اللي سبق تياكل النبق."
*-"اللي تلف يشد الارض."
*-"اللي فيك يا ولية رديه ليا."
*-"اللي قال ليك ، قال عليك."
*-"الِّليْ وْفَى أَجْلُه يْمَدْ رَجْلُه."
*-"اللي ضرباتو يدو ما يبكي."
*-"اللي بغى يربح العام طويل."
*-"اللي ما ولدو ما حن عليه."
*-"اللي بغا طامو يحل بزطامو."
*-"اللي عرف با يمشي يدعيه."
*-"اللي بغا العز يديرو الراسو."
*-"اللي عمر مدة ما تقتلو شدة."
*-"اللي ماقدو الفيل, زيدوه فيلة."
*-"اللي دارها بديه افكها بسنيه."
*-"الِّلي رْبَّا الغُرَابْ يُنْقَبْ لُو عِينُو."
*-"اللي خفاك وجعو شوف وجهو."
*-"اللي كايشطح ما يخبي وجهو."
*-"الِّليْ ما عَنْدُو مَا يَشَدّْ إِشَدْ فَمُّو."
*-"اللي حفر شي حفرة يطيح فيها."
*-"اللي دار الذنب يستاهل العقوبة."
*-"اللي شاف شي يقول الله يستر."
*-"اللي عندو البحر عندو منشربو."
*-اللي ما يخافش من الله خاف منو."
*-"اللي بغا يدفع البلا يتوضأ للصلا."
*-"اللي غلبك بالضيق غلبو بالتعليق."
*-"اللي خرج من دارو كيتقل مقدارو."
*-"اللي زرع الشوك تيحير فاحصادو."
*-"اللي فراس الجمل فراس الجمالة."
*-"اللي مكتوبة فالسما مايمحيها ماء."
*-"اللي ما جا بالمحبة مايجي بحزارة."
*-"اللي فطر مع الدراري يصبح فاطر."
*-"الِّليْ مَا عَنْدُو فُلُوسْ كْلاَمُو مَسُّوسْ."
*-" اللي جا بلا عراضة يبات بلا عشا."
*-"اللي ما عندو هم تولدو ليه حمارتو."
*-"اللي احشم فما ضرو الشيطان غرو."
*-"اللي صام عول على الجوع والعطش."
*-" اللي شاف هموم الناس ينسى همو."
*-"اللي حبابو عريانين عمرو ما يتكسى."
*-"اللي خلى غذاتو لعشاتو, ما شفع ذاتو."
*-"اللي عضو الحنش, تيخاف من الحبل."
*-"اللي كلا دجاج الناس ، يسمن دجاجو."
*-" اللي قال العصيدة باردة يدير يدو فيها."
*-"اللي بغى الزين يصبر لثقيب الوذنين."
*-"الِّليْ ترهنو بيعو واللي تخدمو طيعو."
*-"اللي دار راسو فالنخالة ، ينقبو الدجاج."
*-" اللي بغى العسل ، يصبر لقريص النحل."
*-"الِّليْ تْهَرَّسْ لو مْنْجْلُو يَعْمَلْ مَنُّو مْحَشَّةْ."
*-" اللي قلبه على حبيبه يدور عليه ويجيبه."
*-"اللي ما اشطح ما غنى بحالو ابحال الطنة."
*-"اللي دا بنت عمه بحـال اللي عيد من غنمه."
*-"اللي عنده امه في البيت يدهن فمه بالـزيت."
*-"اللي حبك حبه أكثر واللي باعك لا تشريه."
*-"اللي وصل بلاد غير بلادو خل الهم لولادو."
*-"الِّليْ مَاتْ لُو غْزَالُه أَشْ مْنْ حْبِيبْ يْبْقَى لُه."
*-"اللِّي كَيْعَمْلُه يَبْلِيسْ فْعَام تْعْمله العْكُوزَة فْسَاعهْ."
*-"اللي قال ليك العرس ساهل يسقي لو غير الما."
*-"اللي قالك لا تقولو و اللي سولك لا تعطيه خبار."
*-"اللي ما خرج من الدنيا ، ما اخرج من اعقايبها."
*-"اللي يسرق يسرق جمل واللي يهرب يهرب لجبل."
*-"الِّليْ شَفْتو رَاكْبْ عْلَى قَصْبَة قُولْ لُو مبروك العُودْ."
*-"اللي كيربي ولاد الناس بحال اللي كيدق الما فالمهراز."
*-"اللي ما يخيط كساتو ، و يكتب براتو ، غير يتعزا فحياتو."
*-"اللي مات بوه يتفرش الركبة و اللي ماتت امو يتفرش العتبة."
*-" اللي حبك حبو و لقلبك زوجو و اللي جفاك جفيه و تعداه و دوزو."
*-"اللي حبك حبو وفي محبتو كن صافي واللي تركك لا تسبو وخليه يلقى."
*-" اللي مابركتي معاه على مايدة ، وما الدتي منو فايدة ، رفاقتو غا زايدة."
*-"اللي ربط حـمــارو مع الحمير كيتعلم الشهيق و النهيق و الخروج على الطريق."

خادم المنتدى

11-07-2014, 03:10

أمثال شعبية المغربية
تبتدئ بـــ ( اللي.....)
تابع
*-" اللي غلب يعف."

*-" اللي حن يتمحن."
*-"اللي فيه الفز كيقفز."
*-"اللي خلص دينو شبع ."
*-" اللي غش غش راسو."
*-"اللي حرثو الجمل، دكو."
*-" اللي دار شي يدار ليه."
*-" اللي جا فوقتو ما كايتلام."
*-"اللي ضرباتو يدو ما يبكي."
*-"اللي بـلـسـانـو مـا يـتـلـف."
*-"اللي شافتو غنو بغات منوا."
*-"اللي انفخ على اللبن كيسعاه."
*-"اللي درقك ابخيط درقو بحيط."
*-" اللي ابغها كلها كيخليها كلها."
*-"اللي دارها بيديه يفكها بسنيه."
*-" اللي تطوف ما تغزل الصوف."
*-" اللي فيه شي اطبيعة ما ايبيعا."
*-"اللي تيكون أناني تيبقى وحداني."
*-"اللي ما عندو سيدو عندو لا لاه."
*-"اللي كايشطح ما كايغطي وجهو."
*-" اللي ما جا لعندك لا تمشي عنده."
*-"اللي عندو مغرفة ما تحرق يدو."
*-" اللي في النصلة يكرض البصلة."
*-"اللي ضروا رسوا, اعاود لرسوا."
*-"اللي بغاها gــاع كيخليها gـــاع."
*-" اللي احفر شي حفرة كيطيح فيها."
*-"اللي اطيبو المعفونة ياكلو رجلها."
*-" اللي امغطي بمتاع الناس عريان."
*-"اللي غاب عليك أصلو شوف فعلو."
*-" اللي جبر احسن من لعسل يلعقو."
*-"اللي فراس الجمل فراس الجمالة."
*-"اللي صابها ليلو, ما عطاها لغيرو."
*-" اللي حب الحوت إي فزك سروالو."
*-"اللي بغا يكبر شانو،يحرث مع قرانو."
*-" اللي يتكلم بالحق يهرسولو راسو."
*-"اللي مارضا بخبزة ما يرضا بنصها."
*-" اللي ما جال ما عرف بحق الرجال."
*-" اللي بغى الحج يحاول على حمارو."
*-" اللي اكلى دجاج الناس ايسمن ديالو."
*-"اللي صلى وقطع من جهنم مايطلع."
*-"اللي مدت يدها للحنة, تمدها كلها."
*-"اللي ما عندو مال ديما وجهو مذبال."
*-"اللي ما سمع راي كبيرو الهم تدبيرو."
*-"اللي عندو باب وحدة الله يسدو عليه."
*-"اللي ما شاف من عين الغربال اعمى."
*-"اللي عضو الحنش, تيخاف من الحبل."
*-" اللي بغا يدير الخير يديرو في ركابيه."
*-"اللي خلى حرف من السنة كيتسوط بيه."
*-"اللي ما موالف بالبخور يتحرقوا حوايجو."
*-" اللي ماجا مع العروس مايجيبوه حبابها."
*-"اللي اربحتيه تاكله و الدين باش تخلصو؟"
*-" اللي مشى بلا عراضة يجلس بلا فراش."
*-"اللي ماخرج من الذنيا ماخرج من عقيبها."
*-" اللي دار راسوا قي النخالة ينقبوه الدجاج."
*-"اللي بلاه الله بالسعاية، يقصد الديور الكبار."
*-"اللي جمعاتو النملة فعام دارو الجمل فشدق."
*-"اللي خذ من غير قبيلتو كيتهرس من ركيبتو."
*-"اللي ضراتو الضرسة, كا يقلب على الكلاب."
*-"اللي ما عندها بنتها تدفن راسها في حياتها."
*-"اللي شتيها بسعدها اعرف كاتكمل من عندها."
*-"الِّليْ يْعْمَلْ رَاسُه في المَزْبَلَةْ كَيْخَرْبْشُوهْ. الدّْجَاجْ."
*-"اللي دا شي، اداه، واللي زلق جا على عين قفاه."
*-" اللي تيركب لحصان كل الناس اتوسعلو لمكان."
*-"اللي عندو الزعفران بزاف كيديرو حتى فالبابوش."
*-" اللي بيتو ديال الزجاج, ما يضربش الناس بالحجر."
*-"اللي مشيت على قبلو ماجبتو، واللي خليتومالقيتو."
*-"اللي ما عندو عسل فركانو يكون غير تحت لسانو."
*-"اللي ما جاب لا قلام ولا دواية ما عول على قراية."
*-"اللي يتصاحب مع الكراب يتصاحب امعاه في الليالي."
*-"اللي حبك ما بنالك قصر واللي كرهك ما حفرلك قبر."
*-"اللي كال خبز السوق زوين كول ليه الله يبليك بشراه."
*-"اللي حب الخدم، لا بد يندم، لا سيفة زينة لا قلب مسلم."
*-" اللي تهلا في أولاد الناس يجيب الله من يتهلا في اولادو."
*-" اللي ما قدرت تكون نجمة في السما تكون شمعة في الدار."
* اللي فالبيضة عر من اللي فقص .واللي فالكرش مضا من المقص."
*-"اللي بغا طريق المحكمة، يوجد الدرهم المصرف، والصباط المطرف."
*-" اللي دارتو الذبانة, راها دارتو, حتى من الفراش و الخامية راها قامتو, و اللي ما كان كايسوا اعطاتو ساعتو."

خادم المنتدى

11-07-2014, 03:10

الدنيا
في أمثال شعبية مغربية

*-"لا دنيا لا آخرة."
*-"الدُّنيا حالْ واحْوالْ."
*-"لهلا يغلّب الدنيا عليك."
*-"شهود الدنيا شهود الآخرة."
*-"الدنيا رحا تدور على المغرور."
*-"الدنيا دراعة كل واحد كيلبسها ساعة."
*-"اللي اخطاه دراعو..حقو فالدنيا باعو."
*-"الدّنْيَا قَشّْ اللِّي تَـنْـفَخْ فِيهَا لاَزْمْ يَـتْـفَشّْ."
*-" اللي ما اخرج من الدنيا ما اخرج من عقايبها."
*-"إلى بغاتك الدنيا تجيك بسبيبة و إلى ما بغات تقطّع السلاسل."
*-" جيل وع، وكلو ما يشبع، كلمو ما يسمع، فالدنيا ما ينفع، وفالآخرة ما يشفع."
*-"الدنيا كَتَعْطِي وَ تْكَلَّع وبَعْضْ لُوقَات كَتْكُون عْجُبَه..وللّي اكْلَ فِيهَا و شْرَبْ يَعْمَل بَحْسَاب الْعُقُوبَهْ."

خادم المنتدى

11-07-2014, 03:11

الـصـنــعــــة= الـحــرفـــة
في أمثال شعبية مغرية

*-"خوك فالصنعة عدوك."
*-"اتبع حرفة بوك لا يغلبوك."
*-" 7 اصنايع و الرزق ضايع.".
*-"الحر حر و الصنعة ما تضر."
*-"يمشي مال الجدين، وتبقى صنعة اليدين."
*-"الخدمة مع النصارى ولا لـgـــلاس خسارة."
*-"الصنعة إيلا ما اغنات كاتستر..واقيلا كاتزيد فالعمر."

خادم المنتدى

11-07-2014, 03:11

أمثال شعبية مغرية
على شكل حــــــوار
*-"قال ليه: شمتك , قال ليه:عرفتك."

*-"قال ليه:درت ليك الرفيسة , قال ليه: في حلقي تبان."

*-"قال ليه:منِينْ دَاكْ العْرِيَّشْ؟ قال لُيه: مْنْ دِيكْ الشّْجِيرَةْ."

*-"قال ليه: آ شخصك آ العريان؟ قال ليه: خاتم آ مولاي."

*-"قال ليه:منين كا تدخل ليك العافية آ الفران؟ قال ليه: من فمي."

*-"قالت ليه: همّي كبير يا سيدي القاضي , قال ليها: غير ستريه راني تنشوف فيه."

*-"قال ليه: بشحال القوس يا مول القوس ؟ قال ليه: دابا تكبر و تشريه بلا فلوس."

*-"قال ليه: فاش خدام باك؟ قال ليه: نـــــفـــار، قال ليه: الحمد لله على رمضان تقاضى."

خادم المنتدى

11-07-2014, 03:12

أمثال شعبية مغربية
تبتدئ بــ ( لا )

لاشفناه ولا ريناه
لا سلام على طعام.
لازربة على صلاح
لا ديدي لا فانيدي.
.لاريال لا موزونة.
لازين لا مجي بكري.
لا ربح لاراس المال.
لاديدي لاحب الملوك.
لاحمار لا ستة فرانك.
لا زين إلا زين الفعال.
لاتوصي يتيم على بكا.
لاحبيب الا حبيب الشدة.
لا محبة إلا بعد عداوة.
لا وجه زين لافم ساكت.
لا دير خير ما يطرا باس.
لا محبة إلى بعد العداوة.
لاعين شافت لاقلب وجع.
لاديالي بقا ولا وجهي تنقى.
لا تقولوا عروس إن تركب.
لاراجل يطلق ولا حما يفلق
لا تامن لاتستامن فبلاد لامان.
لاتجاور خمار ولاتناسب قمار.
لا تشار مرا ولا تدير بريها.
لا تشري حتى تقلب. (tglb )
لادراع للخدمة لا وجه للسعاية.
لا تفيّق الحمق للضرب بالحجر.
لاتمشطولي علىالgمل(القمل)
لاترجى خير فاللي يتكلم فأهلو.
لاهو مات ولاخلى الكفن يتباع.
لامشية الحمامة لامشية الغراب.
لاتكسب نطاحة ولاتزوج نواحة.
خسارة المال ولا خسارة الرجال.
لاتشكر لاتذم اللي ما عاشرتو عام.
لا مزيانة للمنظر لا خفيفة كتسخر.
لاتضحك لتتبلى او ياتيك الله بالبلا.
لا توريشي القرد كيف يخسر وجهو.
لا تضحك وتفرح حتى تسافر وترجع.
لا ارحم ولا خلى رحمة ربي توصل.
الجديد ليه الجدة والبالي لا تفرط فيه.
لا تضحك وتفرح حتى تسافر وترجع.
لا تنشرك مع نخالة ما ينقبوك دجاج.
لا تفتش عالبلا راه كايجي بلا رقاص
لاخبز لاايدام ويعرض على الجيران.
لاتقول قطعت الواد حتى ينشفوا رجليك
لاتحشي يديك فغيران مايعضوك لفاعي.
لا تحكش على الضبرة حتى يسيل دمها.
لا تاخدش الهجالة ولو تكون بنت الخالة.
لا تريكة زينة لاولاد ولا زريعة تنفع البلاد.
لاتسلف من الحايرة دقيق راها ديرك طريق.
لا تشمتي أ خدوجة،انا عورة وانت عروجة.
لا أصل شريف, ولا وجه ظريف, و لا كلام خفيف.
لا تدير لخدمة اللي يقولولك الناس عليها حشومة
لاخير فيه بحال الديك تسمنو عام مايعشيكش ليلة.
لا تحرث المفلق، ولا تصاحب المقلق، ولا تزوج المطلق .
لا تقول عيشة تزوجات حتى تقطع الواد وينشفو رجليها.
لا خير في المرا اللي تجول ولا في الرجل اللي ما يجول.
لا تعبي المرا بدراهمها تعمل لك النفخة وتقول سقي الما.
لا خير في ود امرء متملق***إذا الريح مالت مال حيث تميل.
لاتيق فالنار الى علات والمرا الى صلات والخيل الى ولات.*
لاتسبقش العار راك تندم .العار كيكون تالي ولا بلاش احسن.
لا تقنط ولا تقول باش نعيش ،منين جا البيضة العظم والريش.
لاتضرب حتى تقرب ولاتحرث حتى تزرب ولاتصحب حتى تجرب.
لا تأسفن على غدر الزمان فلطالما***رقصت على جثث الاسود كلاب
لا تخمم لا تدبر لا تحمل الهم ديمة الفلك ما هو مسمر ولا الدنيا مقيمة.
لاتحسبن برقصها تعلو على اسيادها***تبقى الاسود اسودا والكلاب كلاب
لايعجبك نوار الفلى فالواد داير ظلايل،لايعجبك زين طفلة حتى تشوف الفعايل.
لا تبكي على اباك أو امك الا ماتو ابكي على الظهر أو العصرمع اجماعة ايلا فاتو.
لا تسرج حتى تلجم و عقد عقدة صحيحة, ولا تكلم حتى تخمم لا تعود عليك فضيحة.
لا تمشي ف الليل حتى يبان نهارو و لا تمشي ف الواد حتى يبانو حجارو و ما تصحب الصديق حتى تعرف اخبارو.
لا تيق لا تيق.. لا فالعدو لا فالصديق.. خوك يديك حتى لوسط الطريق.. و يشبعك تصرفيق هذي تليق و هذي ما تليق..

خادم المنتدى

11-07-2014, 03:13

لا تمشي ف الليل حتى يبان نهارو و لا تمشي ف الواد حتى يبانو حجارو و ما تصحب الصديق حتى تعرف اخبارو.

لا تخمم لا تدبر لا تحمل الهم ديمة...الفلك ما هو مسمر ولا الدنيا مقيمة
.
لا تسرج حتى تلجم و عقد عقدة صحيحة, ولا تكلم حتى تخمم لا تعود عليك فضيحة.

خادم المنتدى

11-07-2014, 03:14

*-"لا ربح لاراس المال."
*-"لا زين إلا زين لفعل."
*-"لا زين لا مجي بكري."
*-"لا ديدي لاحب الملوك."
*-"لاحبيب الا حبيب الشدة."
*-"لا حمار لا سبعة فرنك."
*-"لا محبة إلى بعد العداوة."
*-"لا دير خير ما يطرا باس."
*-"لاعين شافت لاقلب وجع."
*-"لا تقولو عروس إن تركب."
*-"لاراجل يطلق ولا حما يفلق."
*-"لا تيق بمقلق لا تاخذ مطلق."
*-"لا ديالي بقى لا وجهي تنقى."
*-"لا تشري حتى تقلب (tglb )."
*-"لا تامن لاتستامن فبلاد لامان."
*-"لا تشكر لا تذم حتى تعاشر عام."
*-"لا وجه للسعاية لا ذراع للخدمة."
*-"لا مزيانة للمنظر لا خفيفة كتسخر."
*-"لا تحكش على الضبرة حتى يسيل دمها."
*-"لا تيق فالشتاء د الصيف ولا فكلام الضبف."
*-"لا تضرب حتّى تقرّب و لا تصحب حتى تجرّب."
*-"لا أصل شريف, ولا وجه ظريف, و لا كلام خفيف."
*-"لا خير في المرا اللي تجول ولا في الرجل اللي ما يجول."
*-"لا تحرث المفلق، ولا تصاحب المقلق، ولا تزوج المطلق."
*-"لا تقنط ولا تقول باش نعيش ،منين جا البيضة العظم والريش."
*-"لا تيق فالعام اللي قمقومو أخضر ،الحرث حرث والجنان جنون."
*-"لا تزوج الهجالة وخا يكون خذها كيف المشموم ،أنت تتصرف تصرف الرجالة ،وهي تتقول الله يرحم المرحوم."