mahmohokamma
31-10-2008, 20:53
السلام عليكم ورحمة الله تعالى وبركاته .
أخي الفاضل : " زايد التجاني " تحية طيبة
وبعد ....
فنزولا عند رغبتك الكريمة ، ها أنذا أرد على قصيدتك الزجلية : ( مكلوم القلب ) ، أتمنى أن أكون قد أفلحت ولو بعض الشيء في محاولتي هاته ، ومعذرة على تأخري الخارج عن إرادتي .
أخوك محمد .
رد على مكلوم القلب .
يا مكلوم القلب ، يا خويا التجاني
حالتك طيرات النعاس من عياني
وبت انتهته وحدي ونحكي للنجوم ماكواني
يا مكلوم القلب ، يا مكلوم القلب
قول لي ياخويا آش بغيت عندي
قصيدتك ، هيجات اشجوني
وفيقات ما بي
وادموعي كي الويدان سالت على خدي
وزدت على كيتي ميات كية
الجرح ، الجرح لي تتكلم عليه
راه فيك وفي
بالله عليك ياخويا
اتكايس عليك وعلي
الجرح راه ماشي واحد ، راهم جروح
شي منهم ايصيب الذات
وشي منهم ايصيب الروح
هذي ضربة بدمها ، هذي كلمة بسمها
والجراح لي تقول عليها برات
نذوبها كل ساعة تفكرك فدمها
انصيحت ليك ياخويا
اتكايس على راسك
وما تبقاشي غا زايد فيه
شي يوم ينهار ساسك
وما يخسروا عليك شي وحدين
غير : - "كان هنا مسكين "
كي كانت ذيك السحابة
دغية غبرات فالحين
ودات معاها الصابا
راه شي ناس فزمانا كي الوحوش فالغابة
القوي منهم ياكل الضعيف
ولو يكون خوه ....ياعجبا!!!
كل واحد منهم كيفكر غا فراسو
ما هامينو احبابو ولا ناسو
مستاغل امصايب الناس وداير منها اعراسو
ياك نبينا وصى على عاشر جار
واحنا ها الدار على الدار
وشي ما جايب لجارو اخبار
فينك يا ديك ليام الزينة
لي كانت فيها الجورة بالصح
اسرار الجار ما تفضح
واليوم ما كثار فينا غا التبركيك
نضلو انمضغوا فسيرت جيرانا
واخا امشاركين معاهم الملحة والدكيك
الله يصلح من حالنا ويسمح لينا على فعالنا
كون ياخويا بالخيرمتفائل
وانشر رجليك على قد لحافك
وعيش عمرك رزين وعاقل
واتمتع بالزكيفة فالكاس
واحمد ربي وشكرو عليها
ولا تحصر همك فالخاوي
وتموت بالحسرة والغبينة عليها
راه الناس فهاذ الدنيا كلها معادن
كاين الرخيص فيهم وكاين الغالي
وما عالم بالقلوب غير ربي لكريم العالي
ها لي ثمانو اغلا من الذهب والجوهر والماس
ها لي ارخص من الحديد والقصدير والنحاس
والناس هما الناس هكذا حالتهم ديما
من ذاك الزمان الغابر
ها لي الزغبي واصلة فيه لعظم
ومكمدها لقلــــــبو وصــــــــابر
وها لي عاطياه الدنيا بلا احساب
وضحياتو معمرين السبيطارات ولمقابر
ها لي فالناس كي لكتاب
عنوانو ايدل عليه
ها لي كي لمقدر والمكتاب
خصك صبر أيوب إلى اتبليت بيه
لي ما عندكش معاه ، وكان براني عليك
تدخل لدارك وتسد بابها عليك
ولي عايش فيها وفقاعها معاك
وريني يا الفاهم كي اتدير معاه ؟؟؟
ليد منك ولو تكون مجذامة
كي اتدير تقطعها وتسمح فيها ؟؟؟
كي اتدير اتعيش بلا بيها ؟؟؟
واخ اتبات وتظل اتخبي على الناس فيها
المرض ، المرض مايتسنى ما يرحم
غادي يقضي عليك وعليها
وهذي هي المشكلة
لي حاروا فيها موالين لعقول ولفهام
ما تنفع معاها حتى شي حيلة
كثرت التفكير فيها يهرس الهام
وتزيدك سقام على اسقام
هذا هو واقعنا المر ، ماشي خيال ولا اوهام
كثرت التفكير فيه اتزيدك سقام على اسقام
إلى قطعت وصل لرحام
غادي تعصى وتغضب مولاك
ويلا كان ايهمك وايعنيك رضاه
غادي تصلهم ولو على حساب رضاك
وربي راه مطالع وعالم
إلى نساوك احبابك ربي عمرو ما ينساك
شوف شحال من ورطة طحتي فيها فحياتك
وخرجك منها الجاه العالي سالم غانم
لا رجا يا ربي إلا رجاك
ما احنا غير اعبيد ضعاف بين ايديك
طالبين رعايتك واحماك
طالبين رعايتك وحماك
طااااااالبين رعاااااااايتك وحمااااااك ....
كلمات : محمد محبوبي .
البيضاء – بتاريخ : 30/10/2008 .
أخي الفاضل : " زايد التجاني " تحية طيبة
وبعد ....
فنزولا عند رغبتك الكريمة ، ها أنذا أرد على قصيدتك الزجلية : ( مكلوم القلب ) ، أتمنى أن أكون قد أفلحت ولو بعض الشيء في محاولتي هاته ، ومعذرة على تأخري الخارج عن إرادتي .
أخوك محمد .
رد على مكلوم القلب .
يا مكلوم القلب ، يا خويا التجاني
حالتك طيرات النعاس من عياني
وبت انتهته وحدي ونحكي للنجوم ماكواني
يا مكلوم القلب ، يا مكلوم القلب
قول لي ياخويا آش بغيت عندي
قصيدتك ، هيجات اشجوني
وفيقات ما بي
وادموعي كي الويدان سالت على خدي
وزدت على كيتي ميات كية
الجرح ، الجرح لي تتكلم عليه
راه فيك وفي
بالله عليك ياخويا
اتكايس عليك وعلي
الجرح راه ماشي واحد ، راهم جروح
شي منهم ايصيب الذات
وشي منهم ايصيب الروح
هذي ضربة بدمها ، هذي كلمة بسمها
والجراح لي تقول عليها برات
نذوبها كل ساعة تفكرك فدمها
انصيحت ليك ياخويا
اتكايس على راسك
وما تبقاشي غا زايد فيه
شي يوم ينهار ساسك
وما يخسروا عليك شي وحدين
غير : - "كان هنا مسكين "
كي كانت ذيك السحابة
دغية غبرات فالحين
ودات معاها الصابا
راه شي ناس فزمانا كي الوحوش فالغابة
القوي منهم ياكل الضعيف
ولو يكون خوه ....ياعجبا!!!
كل واحد منهم كيفكر غا فراسو
ما هامينو احبابو ولا ناسو
مستاغل امصايب الناس وداير منها اعراسو
ياك نبينا وصى على عاشر جار
واحنا ها الدار على الدار
وشي ما جايب لجارو اخبار
فينك يا ديك ليام الزينة
لي كانت فيها الجورة بالصح
اسرار الجار ما تفضح
واليوم ما كثار فينا غا التبركيك
نضلو انمضغوا فسيرت جيرانا
واخا امشاركين معاهم الملحة والدكيك
الله يصلح من حالنا ويسمح لينا على فعالنا
كون ياخويا بالخيرمتفائل
وانشر رجليك على قد لحافك
وعيش عمرك رزين وعاقل
واتمتع بالزكيفة فالكاس
واحمد ربي وشكرو عليها
ولا تحصر همك فالخاوي
وتموت بالحسرة والغبينة عليها
راه الناس فهاذ الدنيا كلها معادن
كاين الرخيص فيهم وكاين الغالي
وما عالم بالقلوب غير ربي لكريم العالي
ها لي ثمانو اغلا من الذهب والجوهر والماس
ها لي ارخص من الحديد والقصدير والنحاس
والناس هما الناس هكذا حالتهم ديما
من ذاك الزمان الغابر
ها لي الزغبي واصلة فيه لعظم
ومكمدها لقلــــــبو وصــــــــابر
وها لي عاطياه الدنيا بلا احساب
وضحياتو معمرين السبيطارات ولمقابر
ها لي فالناس كي لكتاب
عنوانو ايدل عليه
ها لي كي لمقدر والمكتاب
خصك صبر أيوب إلى اتبليت بيه
لي ما عندكش معاه ، وكان براني عليك
تدخل لدارك وتسد بابها عليك
ولي عايش فيها وفقاعها معاك
وريني يا الفاهم كي اتدير معاه ؟؟؟
ليد منك ولو تكون مجذامة
كي اتدير تقطعها وتسمح فيها ؟؟؟
كي اتدير اتعيش بلا بيها ؟؟؟
واخ اتبات وتظل اتخبي على الناس فيها
المرض ، المرض مايتسنى ما يرحم
غادي يقضي عليك وعليها
وهذي هي المشكلة
لي حاروا فيها موالين لعقول ولفهام
ما تنفع معاها حتى شي حيلة
كثرت التفكير فيها يهرس الهام
وتزيدك سقام على اسقام
هذا هو واقعنا المر ، ماشي خيال ولا اوهام
كثرت التفكير فيه اتزيدك سقام على اسقام
إلى قطعت وصل لرحام
غادي تعصى وتغضب مولاك
ويلا كان ايهمك وايعنيك رضاه
غادي تصلهم ولو على حساب رضاك
وربي راه مطالع وعالم
إلى نساوك احبابك ربي عمرو ما ينساك
شوف شحال من ورطة طحتي فيها فحياتك
وخرجك منها الجاه العالي سالم غانم
لا رجا يا ربي إلا رجاك
ما احنا غير اعبيد ضعاف بين ايديك
طالبين رعايتك واحماك
طالبين رعايتك وحماك
طااااااالبين رعاااااااايتك وحمااااااك ....
كلمات : محمد محبوبي .
البيضاء – بتاريخ : 30/10/2008 .