mahmohokamma
10-11-2008, 01:45
الراس لي سايط فيه الريح .
مايقضي لبخور بالشبة والحرمل
فالراس لي سايط فيه الريح
ما يكر فصاحبو يتخطى لمجمر
ولا يبخر بالزعتر والشيح
كيف لبرق ، دغيا مشات يام ربيع عمري
وجا الخريف بوراق ذابلة كيلعب بيها الريح
وبعد ما كنت قوي ومتين كالسارية
وليت انخطوي خطوة وحدة وانطيح
ولات ريوكي سايلة و فكلامي انتمتم
بعدكا كنت فالحضار بليغ وفصيح
لقنانف ايترعدو ولوجه اتكمش والراس شاب
بعدما كنت محبوب عند كراني جميل وفصيح
اشبابي يا ناس ضاع فعز النخوة وامشى مع الخوا
ضيعتو ما بين الكاس والغنا والزهو والشطيح
كنت غالط غلطة لعمر ، كانسحاب لي الشباب دايم
حتى فات الفوت عاد فهمت بلي راسي كان سايط فيه الريح
عمري كولو دوزتو فالذنوب ولمعاصي
وفعايلي فعايل الشياطن وكلامي ساقط وقبيح
كي اندير يا ناس مع الجاه العالي ؟؟؟
باش يغفر لي ذنوبي
وما بقى لي جهد باش نوفيه واخ غا شوية من حقو
كي اندير باش انصرف مكتوبي
لا صحة بقات عندي ، لا ركابي قادين ايهزوني
وانا حي وميت
كانتسنى الوقت لي فقبري يدفنوني
باش من وجه يا ناس نلقى بيه ربي ؟؟؟
وانا لي ظلمت نفسي
ماشي الناس لي ظلموني
هذي حكاية شلا ناس
لي من القوم الغافلين
إلى عطاك ربي الصحة فشبابك
كون يا عبد الله سيد العارفين
ولا تضيعش هاذ النعمة
وكون من الناس العاقلين
اتمتع واتنعم بلي حلل عليك مولاك
وكون ليه من الشاكرين
ويلا ضاق بيك الحال فيوم من ليام
كون على مابلاك ربي من القوم الصابرين
ربي ما ينساش عبدو وفرمشة عين ايفرج كربتوا
ويجعلو من اعبيدو الفايزين
ولي ما فاز برضا مولاه
ايحسب راسو من القوم الخاسرين
يا اعودو بالله ، يا اعودوا بالله
من القوم الخاسريييييييييييين
يااعودو بالله .
محمد محبوبي .
البيضاء . بتاريخ :
09/11/2008 .
مايقضي لبخور بالشبة والحرمل
فالراس لي سايط فيه الريح
ما يكر فصاحبو يتخطى لمجمر
ولا يبخر بالزعتر والشيح
كيف لبرق ، دغيا مشات يام ربيع عمري
وجا الخريف بوراق ذابلة كيلعب بيها الريح
وبعد ما كنت قوي ومتين كالسارية
وليت انخطوي خطوة وحدة وانطيح
ولات ريوكي سايلة و فكلامي انتمتم
بعدكا كنت فالحضار بليغ وفصيح
لقنانف ايترعدو ولوجه اتكمش والراس شاب
بعدما كنت محبوب عند كراني جميل وفصيح
اشبابي يا ناس ضاع فعز النخوة وامشى مع الخوا
ضيعتو ما بين الكاس والغنا والزهو والشطيح
كنت غالط غلطة لعمر ، كانسحاب لي الشباب دايم
حتى فات الفوت عاد فهمت بلي راسي كان سايط فيه الريح
عمري كولو دوزتو فالذنوب ولمعاصي
وفعايلي فعايل الشياطن وكلامي ساقط وقبيح
كي اندير يا ناس مع الجاه العالي ؟؟؟
باش يغفر لي ذنوبي
وما بقى لي جهد باش نوفيه واخ غا شوية من حقو
كي اندير باش انصرف مكتوبي
لا صحة بقات عندي ، لا ركابي قادين ايهزوني
وانا حي وميت
كانتسنى الوقت لي فقبري يدفنوني
باش من وجه يا ناس نلقى بيه ربي ؟؟؟
وانا لي ظلمت نفسي
ماشي الناس لي ظلموني
هذي حكاية شلا ناس
لي من القوم الغافلين
إلى عطاك ربي الصحة فشبابك
كون يا عبد الله سيد العارفين
ولا تضيعش هاذ النعمة
وكون من الناس العاقلين
اتمتع واتنعم بلي حلل عليك مولاك
وكون ليه من الشاكرين
ويلا ضاق بيك الحال فيوم من ليام
كون على مابلاك ربي من القوم الصابرين
ربي ما ينساش عبدو وفرمشة عين ايفرج كربتوا
ويجعلو من اعبيدو الفايزين
ولي ما فاز برضا مولاه
ايحسب راسو من القوم الخاسرين
يا اعودو بالله ، يا اعودوا بالله
من القوم الخاسريييييييييييين
يااعودو بالله .
محمد محبوبي .
البيضاء . بتاريخ :
09/11/2008 .