المساعد الشخصي الرقمي

مشاهدة النسخة كاملة : الامثال المغربية

بلسم الحياة
29-01-2009, 20:25
السلام عليكم ورحمة الله تعالى وبركاته
هناك كثير من الطلبة والطالبات من اصحاب تخصص الادب العربي
يقومو ن ببحوت عن الامثال المغربية ومعناها ونظرا لصعوبة هذا النوع من البحوت لقلة المراجع
ارتايت ان اطرحه في المنتدىللكل مادام المنتدى فيه اعضاء من جميع انحاء المغرب
على ان يكتب كل عضو الامثال الشعبية المشهورة في منطقتهم
نتمنى ان نستفيد حتى نحن ونتواصل اكتر فيما بيننا
أبو عبدالرحمن 79
29-01-2009, 22:11
جزاك الله خيرا على الفكرة

الطيبة

وبالتوفيق لكم

ينقل الى دفتر الامثال

الشعبية المغربية
أبو عبدالرحمن 79
29-01-2009, 22:20
بعض الامثال الرائجة في منطقتنا

**الناس طوب وو حجر**

**القرد عند أمو غزال**

**اتبع حرفة بوك ليغلبوك**

لك مني اطيب الاماني
بلسم الحياة
29-01-2009, 22:34
شكرا اخي المجاهد79 على مشاركتك الطيبة
لك مني ازكى التحية والتقدير على مساعدتك
بلسم الحياة
30-01-2009, 12:20
من بعض الامثال في جهتنا
1
نهيه نهيه والى عما سير وخليه
2
كفي القدرة على فمها تطلع البنت لمها
3
السفيه كيهدر غير بلي فيه
4
انا باللقمة لفمه وهو بالعود لعيني
5
سال المجرب لا تسال الطبيب
6
ولي عودة ان شاء الله
toufitri
30-01-2009, 15:17
1-عز الخيل مرابطها2-كبر الشان لبوجعران3-الشبكة تعيب فالغربال تقوليه يا بوعيون كبار4-الزين يحشم على زينه و الخايب غير الا هداه الله
الزبير
05-02-2009, 17:45
*مول البغل ايعس أو مول الحمار ينعس
*الخابية كاتسخر على الغراف
*مضيغ العلك ما يفك
*الروح عزيزة عند الله
بلسم الحياة
09-02-2009, 21:14
الهامة ولات ركامة وبوجعران ولا عريس
ليما شبه خالو يطلع والو
الزين كيحشم على زينه والخايب غير الا هداه الله
abou3ataa
10-02-2009, 00:54
الي ابغاك ابغيه اولقلبك حوزو ..ولي اجفاك اجفيه اتعداه اودوزو

الي ما عندو ابنات ماعرفو حد فوقاش مات

الي قرب شي عود لعينو كيعميها

اضربني اوبكا اوسبقني اوشكا

الموس الماضي كيقطع اجواه

الي جر شي شطبة كتلسق فيه

الي دركك بخيط دركو بحيط

مية تفكيرة اوتفكيرة ولا قطعة بمقص

حتى دار مااخطاها كيدار

الي اسحر امعا ادراري كيصبح فاطر

حاول اعلى احميرك اتحج اعليه

مول التاج او محتاج

خدام الرجال سيدهوم..

الي عضو لحنش كيخاف من لحبل

الي القا راحتو فلهبال اش ابغا ايدير ابلعقل

الي اشتيه راكب عالقصبة كوليه مبروك العود

كون الخوخ ايداوي كون داوى راسوا

كون الحمام ابيض ..كون بيض اقبابو

ضربة بدمها ولا كلمة بسمها

الي ابغاها كاع.. ايخاليها كاع

ما كاسبق للسوق غير مول اشفنج

سيمانت المشماش داغيا كتفوت

الي عجبك رخصو فالسوق اتخلي نصو

اوالشاطر يتعشا جوج اعشاوات

الي ماعندوا افلوس اكلا مو مسوس

الشبكة كتعيب الغربال ..كتكولو يا بواعيون اكبار

ادي بنت الدار لكبيرة وخا اتكون اهبيلة

ملي احتاجيتك ياوجهي خبشوك لمشوش

الحنة حرشة والحناية عمشة والعروسة فيها بوتفتاف

للحديث بقية ان شاء الله
بلسم الحياة
10-02-2009, 19:26
aboujihad (http://www.************/vb/member.php?u=2557)
شكرا للك على هذه الامثال وعلى مشاركتك الفعالة