تسجيل الدخول

مشاهدة النسخة كاملة : لْحَكْمَة رَاهَا لْكَلْمَة

scout202
22-02-2009, 17:55
لْحَكْمَة رَاهَا لْكَلْمَة


قُلْتْ كَلْمَه، قُلْتِ كَلْمَه،

نْسَالُو عْلَ اطْرِيقْ وَ مَنْبَعْ لْمَا.

لْسَانْ ثْقَالْ سَكنُ السُّؤَالْ،

وَ َلعْقَلْ يْطِيبْ فَبَرْمَه.

خْدِيتْ وَرْقَه وَ رْسَمْتْ طِيرْ،

بْصَوْتْ وَاحَدْ قُلْنَا حْمَامَه.

خْدِتِ وَرْقَه وَرْسَمْتِ بِيرْ،

مَا فِيهْ لاَ دْلُو وَلاَ مَا.

تَبْنَ عَشْ فْقَاعْ لْبِيرْ،

وَفِيهْ نَعْسَتْ لَحْمَامَه.

وَعْلَى ذْرَعْنَا لَّوَّنَا وْشَامْ،

شَجَرَه خَضْرَه، ظَّلَّلْ حَوْمَه.

تَشْرَقْ اُلشَّمْسْ وَ يَكْبَرْ اُلرّْبِيعْ،

وَيَتْصَالْحُو مْعَ لَغْمَامَه.

سَاعَاتْ لْحَقْ رَاهَ بَايْنَه،

مَافِيهَا لاَ خْصَامْ وَ لاَ نْدَامَه.


scout202
tanger: Decembre2007
بولعلام
23-02-2009, 13:13
كيفاش سميت راسك سكوت وانت قوال
سفينتك اللسان ومجدافك الكلمة
بحرك ..بحرالشعر والمعنى
ورايتك..راية السلم والهنا
لك أنت اخي القوال سكوت
scout202
23-02-2009, 13:42
كيفاش سميت راسك سكوت وانت قوال
سفينتك اللسان ومجدافك الكلمة
بحرك ..بحرالشعر والمعنى
ورايتك..راية السلم والهنا
لك أنت اخي القوال سكوت

مشكور أخي بوعلام على الرد الجميل والرائع
سكوت يعني " كشاف" والكشاف دائما مستعد

تقبل تحياتي
أبو حسام الهواري
24-02-2009, 06:54
الصمت حكمة و منو تتفرق الحكايم
لو ما نطق ولد ليمامة ما يجيه ولد لحنش هايم
قالها سيدي عبد الرحمن المجذوب
حتى الى فهمنا سكوت بمعناها السطحي
scout202
24-02-2009, 22:38
قالها سيدي عبد الرحمن المجذوب
حتى الى فهمنا سكوت بمعناها السطحي



ردك أخي حسام معطر بعبق الماضي، الذي ننير به درب الكلمة والحكمة و قوافي اللسان المثقل بكيل الاستلهامات النابعة من بؤر مضاءة وأخرى حالكة من حياتنا اليومية.
كل الود والتقدير
tijani
25-02-2009, 10:49
" سكوت " يخرج عن أطواره ويصبح " سكود "..سكود المعاني المطرزة .سكود الزجل الجميل المعبر
بالتوفيق
تحياتي
scout202
25-02-2009, 17:35
" سكوت " يخرج عن أطواره ويصبح " سكود "..سكود المعاني المطرزة .سكود الزجل الجميل المعبر
بالتوفيق
تحياتي

حفظنا الله وإياكم أخي التجاني من سكود.
هههههههههه
مشكور أخي على تشجعيك الذي لا يتوقف
تقبل تحياتي
نجيب أمين
25-02-2009, 19:13
الكلمه بنت الجود..مدادها ماينشف ما يفضي..صداقها ما يكشف ما يصدي...فالراس عنايه....للدواخل مرايه.....تقبل مروري وشكرا
aborayaan
25-02-2009, 23:18
القاري كلام سكوت
لا زم يسكت ويخمم
محمل بنغمة وحكمة
تفرج عليه الهم
scout202
26-02-2009, 21:14
سي أمين/ أمين
طَلْ عْلِينَا
بْجْدَبْةُ،
بَلْسَانُو لْمَمْشُوقْ
بَارَك لِينَا
بَكْلامْ لْمَوْزون
رَاهْ مَسْكُون
وَ بَقْوَافِيهْ،
شَدْ عْلَ يْدِّينَا
.................
مشكور أخي أمين على مرورك المجدوبي المتميزة
tadlaouia
26-02-2009, 21:29
اسيدي تبارك الله عليكم كاملين
كاع الي علق نسج لينا كلام الحكمة
الله يدومكم ديما سالمين
وبالكلمة تردو عليها بالكلمة
كلام دايزو الكلام
والي دخل هنا ما يتلام

مشكور اخي الكشاف
scout202
27-02-2009, 13:33
القاري كلام سكوت
لا زم يسكت ويخمم
محمل بنغمة وحكمة
تفرج عليه الهم

ألف تخميمة..
وتخميمة
والنشوة ..
غير بالنغيمة
الحكمة بالكلمة
الدور..
في طْبَق المعنى
عندها قيمة


مشكور أخي أبو ريان على مرورك الطيب
scout202
27-02-2009, 13:54
اسيدي تبارك الله عليكم كاملين
كاع الي علق نسج لينا كلام الحكمة
الله يدومكم ديما سالمين
وبالكلمة تردو عليها بالكلمة
كلام دايزو الكلام
والي دخل هنا ما يتلام

مشكور اخي الكشاف

صوت التدلاوية..
جاي بالنخوة
ما يترنح...
مافيه شكوة
جات تحضر
لعرس...
بكلام لمرصع
وألف دعوة

كل الشكر والتقدير أختي على مرورك الكريم