أبو المعاني
30-12-2007, 12:04
نبدا باسم الله لكريم عظيم الشان***************الجليل الرحيم ما خفاتو خافية
ونثني بالصلاة على النبي العدنان*************سيدنا محمد زين السمية
فصة المعلمين قصة مشهورة************اسمع وصغى يا العايش في سلام
على كتافهم صاك فيه خبزة وهيدورة*******وخادين طريقهوم وزايدين للقدام
يرتاحو فكل حفرة وكل دورة************ هذا حالهوم هذي سنين وعوام
يوصلو بحال إلى لعبو ماتش د الكورة*********العرق ولعيا وكثرة التخمام
آش نقول على الفرعية المقهورة************مايعرف حالها غير العزيز العلام
لا طريق لا بيسطا لامنجورة************لا حانوت تقول دازت فحرب الفيتنام
أو بحال إلى راها فقندهار او تورابورا**********نطلبو مولانا يكون هذا آخر عام
فرعية باردة طول العام ثلج وسمورة**********وخا تعيا تحضي لابد تمرض بالزكام
وف يونيو عاد يسخن الحال وتبان لخضورة*********يكون الموسم الدراسي تسالا يا سلام
ما عرفنا واش كنتقدمو ولا راجعين للورا************حتى قدامينا فالتعليم عاد ضاعت الأحلام
رفيقهم الراديو كيسمعو برامجو المبتورة*********يسمعو بزز حين يتقاضى لكلام
ها برنامج خديجة ها عبد السلام ها عمورة********يسمعوها وخا ماتعجبهومش ديك الأنغام
يا رحيم يا رحمن قدرتك منصورة************سهل فانتقال زوين يا سيد الكرام
:ggg: r4t :frusty: :mad:
ونثني بالصلاة على النبي العدنان*************سيدنا محمد زين السمية
فصة المعلمين قصة مشهورة************اسمع وصغى يا العايش في سلام
على كتافهم صاك فيه خبزة وهيدورة*******وخادين طريقهوم وزايدين للقدام
يرتاحو فكل حفرة وكل دورة************ هذا حالهوم هذي سنين وعوام
يوصلو بحال إلى لعبو ماتش د الكورة*********العرق ولعيا وكثرة التخمام
آش نقول على الفرعية المقهورة************مايعرف حالها غير العزيز العلام
لا طريق لا بيسطا لامنجورة************لا حانوت تقول دازت فحرب الفيتنام
أو بحال إلى راها فقندهار او تورابورا**********نطلبو مولانا يكون هذا آخر عام
فرعية باردة طول العام ثلج وسمورة**********وخا تعيا تحضي لابد تمرض بالزكام
وف يونيو عاد يسخن الحال وتبان لخضورة*********يكون الموسم الدراسي تسالا يا سلام
ما عرفنا واش كنتقدمو ولا راجعين للورا************حتى قدامينا فالتعليم عاد ضاعت الأحلام
رفيقهم الراديو كيسمعو برامجو المبتورة*********يسمعو بزز حين يتقاضى لكلام
ها برنامج خديجة ها عبد السلام ها عمورة********يسمعوها وخا ماتعجبهومش ديك الأنغام
يا رحيم يا رحمن قدرتك منصورة************سهل فانتقال زوين يا سيد الكرام
:ggg: r4t :frusty: :mad: