aborayaan
24-03-2009, 01:28
وانا فطريق الغربة المشوكة
طريق محجرة ملوكة
صبت فكرون يعاني
على ضهرو مقلوب وهو يقاوم
فالخوف من الموت كان عايم
يحاول ينجى
يتململ يمين ويسار
لامن يسندو يقلب حالو
يوقف على الرجل ديالو
فكرت نحملو بيديّا
مسكين عز عليّا
قلت وانا مالي
خليه يتعلم مزيان يتألم
ياك حتى أنا ما مرتاح
ياك تانا قادفاني لرياح
حتى عمات عيني
على جمال الشمس فشروقها
ونسايم الصباح فهبوبها
كملت طريقي
لاّ ما قديت
لصوت الرحمة لبيت
قلت نقلب حالو
الله يشوف من حالي
حملتو بين يدّي
وقفتو على رجليه
حنى راسو وخاف
مسكين طالع لو الزعاف
خدم سلاحو ضدي
وطلق ماه فيدي
وانا نفهم الحكاية
يدين خرين قلبوه
ما تلا عارف صاحبو من عدوه
اتقلقت فالبداية
وقلت هذي نهاية الحكاية
الفكرون على رجليه وقف
وانا ما زال غريب وسط حبابي
آش من حل لعذابي
مشيت خطوتين ورجعت خطوة
وعاد رجعت خطوة ثانية
حملتو الفكرون بين يدّيّا
هاد المرة بعدتو عليّا
خفت يجرب سلاحو ثاني فيا
خبّا راسو ما شاف فيّا
تمنيتو يشوف
حملتو لبيتي وأويتو
الما والطعام عطيتو
يكون فرحان تمنيتو
راس الفكرون ما خرج
الجوع فمصارنو ينغج
اللقمة قدّامو ما زاد ليها
خاف يتحاسب عليها
وشكون عرف!!!
هكذا كان حالي معاه
يام ويام نعطيه طعامو وماه
ونزول من حداه
على الله يخرج قفاه
هكذا كان حالي معاه
بقيت مراقبو يّام وليالي
نساني الهم ديالي
وفليلة وانا راصد فعالو
ومقلق من هبالو
علاش يرفض الرزق ديالو
جاتني فكرة مجنونة
وانا بالحق مجنون
ويلا كان الحق جنون
الله يلعن العقل
حليت كتاب القصايد
وقريت بصوت جاهد
قصيدة الخير والشر
وصراعهم من المهد لقبر
هكذا هو لقدر
حلين كتاب القصايد
وقريت بصوت جاهد
قصيدة المحبة
اللّي كبرات حبة حبة
حتى لتاحمات رواح الحباب
هناك سديت الكتاب
وحصلات المعجزة
فكروني خرج راسو ورجليه
زحف قرب ليّا وعلاّ راسو فيّا
وانا نفهم الحكاية
غدانا ماشي طعام وما
غدانا علم وفهاما
قالها فكروني الحكيم
اهتم اخويا بالتعليم
اهتم اخويا بالتعليم
طريق محجرة ملوكة
صبت فكرون يعاني
على ضهرو مقلوب وهو يقاوم
فالخوف من الموت كان عايم
يحاول ينجى
يتململ يمين ويسار
لامن يسندو يقلب حالو
يوقف على الرجل ديالو
فكرت نحملو بيديّا
مسكين عز عليّا
قلت وانا مالي
خليه يتعلم مزيان يتألم
ياك حتى أنا ما مرتاح
ياك تانا قادفاني لرياح
حتى عمات عيني
على جمال الشمس فشروقها
ونسايم الصباح فهبوبها
كملت طريقي
لاّ ما قديت
لصوت الرحمة لبيت
قلت نقلب حالو
الله يشوف من حالي
حملتو بين يدّي
وقفتو على رجليه
حنى راسو وخاف
مسكين طالع لو الزعاف
خدم سلاحو ضدي
وطلق ماه فيدي
وانا نفهم الحكاية
يدين خرين قلبوه
ما تلا عارف صاحبو من عدوه
اتقلقت فالبداية
وقلت هذي نهاية الحكاية
الفكرون على رجليه وقف
وانا ما زال غريب وسط حبابي
آش من حل لعذابي
مشيت خطوتين ورجعت خطوة
وعاد رجعت خطوة ثانية
حملتو الفكرون بين يدّيّا
هاد المرة بعدتو عليّا
خفت يجرب سلاحو ثاني فيا
خبّا راسو ما شاف فيّا
تمنيتو يشوف
حملتو لبيتي وأويتو
الما والطعام عطيتو
يكون فرحان تمنيتو
راس الفكرون ما خرج
الجوع فمصارنو ينغج
اللقمة قدّامو ما زاد ليها
خاف يتحاسب عليها
وشكون عرف!!!
هكذا كان حالي معاه
يام ويام نعطيه طعامو وماه
ونزول من حداه
على الله يخرج قفاه
هكذا كان حالي معاه
بقيت مراقبو يّام وليالي
نساني الهم ديالي
وفليلة وانا راصد فعالو
ومقلق من هبالو
علاش يرفض الرزق ديالو
جاتني فكرة مجنونة
وانا بالحق مجنون
ويلا كان الحق جنون
الله يلعن العقل
حليت كتاب القصايد
وقريت بصوت جاهد
قصيدة الخير والشر
وصراعهم من المهد لقبر
هكذا هو لقدر
حلين كتاب القصايد
وقريت بصوت جاهد
قصيدة المحبة
اللّي كبرات حبة حبة
حتى لتاحمات رواح الحباب
هناك سديت الكتاب
وحصلات المعجزة
فكروني خرج راسو ورجليه
زحف قرب ليّا وعلاّ راسو فيّا
وانا نفهم الحكاية
غدانا ماشي طعام وما
غدانا علم وفهاما
قالها فكروني الحكيم
اهتم اخويا بالتعليم
اهتم اخويا بالتعليم