عبد العزيز المكي الناصري
02-04-2009, 17:40
الصورة بالألوان
لمراية فاش شفت و جهي البارح
اليوم صبحات بالألوان
الوجه اللي كان فيها مبشور
فارح
فارق البسمة
مغبّر . . . بالذل و اﻟﺤﯖﺮة
و الشوفة
حزينة
مهزوز ف ثقتي
الغوتة رجعات لدواخلي
و الغنا من حلقي بسال
بعدما كنت رأس
أصبحت ذنب
خفافت
الريح اللي جا يهزني
قزِّيبَة مجرورة ف الويل
من كثرة الصَّفْع
مبهوض فشوفتي
بالابيض و لكحل
كنت مستور
الألوان فضحوني
لكثف اللي هز السلهام
طاح
واش أنا نيت بن آدم
و لاَّ مصران طويل ؟
بعدما كان ظلي يخلع
أصبحت نخاف من ظلي
و السيف اللي كان ف يدي يلمع
جمع الصدا
حفا
ما بقا ينفع.
و الله لو كان الأمر بيدي
نرجع منين جيت
و لاَّ نسرع نوصل فين بغيت
و لاَ هاذ اﻟﯖﻌﺪة
تحت أغصان الذل.
أمة بَرََكْتها ف القلة
منين كنا قلال
اللي وقف ف طريق الشمس
100 بين الشّدّة و الرّدّة
و اليوم كشكوشة الحملة
المسلم بالألوان
على حد الشوف
ما برَّد الجوف
لقيت وجهي بلا نخوة
السماء ما ديالي
و الماء ما ديالي
و زايد الأرض بالثقل.
ما ظنيتي الفأر يولد ليك اﻟﻌﯖﺒﺔ
و يوقف ف طريقك
يا اللي اعتصمتي باحبال الزبل ! ! !
بالألوان بان وجهي بلا دم
أنا اللي نفطر بالدم
و الدموع
نتغذى بالدم و الدموع
نتعشى بالدم و الدموع
دموع الرجال . . .
و دفين الناس بالقبايل
كبَّد الدم ف عروقي
فرعون مازال تيبحث فينا على موسى.
ولدوا يا لعيالات !!
شعلات فينا العافية . . .
وَ لاَ بغا يَتْزاد فينا شي فحل
يحل خيوط
كبَّة الشر
يشد ف اﻟﯖﻤﺮة
وِ جبَّد قامتي
نولي قد ظلي
يمد يدُّه فوق السحاب
يستَّف النجوم
يشكَّل برج سعدي
و يصحح ألوان الصورة.
أحداث غزة
ورزازات في 27/12/2008
عبد العزيز المكي الناصري
لمراية فاش شفت و جهي البارح
اليوم صبحات بالألوان
الوجه اللي كان فيها مبشور
فارح
فارق البسمة
مغبّر . . . بالذل و اﻟﺤﯖﺮة
و الشوفة
حزينة
مهزوز ف ثقتي
الغوتة رجعات لدواخلي
و الغنا من حلقي بسال
بعدما كنت رأس
أصبحت ذنب
خفافت
الريح اللي جا يهزني
قزِّيبَة مجرورة ف الويل
من كثرة الصَّفْع
مبهوض فشوفتي
بالابيض و لكحل
كنت مستور
الألوان فضحوني
لكثف اللي هز السلهام
طاح
واش أنا نيت بن آدم
و لاَّ مصران طويل ؟
بعدما كان ظلي يخلع
أصبحت نخاف من ظلي
و السيف اللي كان ف يدي يلمع
جمع الصدا
حفا
ما بقا ينفع.
و الله لو كان الأمر بيدي
نرجع منين جيت
و لاَّ نسرع نوصل فين بغيت
و لاَ هاذ اﻟﯖﻌﺪة
تحت أغصان الذل.
أمة بَرََكْتها ف القلة
منين كنا قلال
اللي وقف ف طريق الشمس
100 بين الشّدّة و الرّدّة
و اليوم كشكوشة الحملة
المسلم بالألوان
على حد الشوف
ما برَّد الجوف
لقيت وجهي بلا نخوة
السماء ما ديالي
و الماء ما ديالي
و زايد الأرض بالثقل.
ما ظنيتي الفأر يولد ليك اﻟﻌﯖﺒﺔ
و يوقف ف طريقك
يا اللي اعتصمتي باحبال الزبل ! ! !
بالألوان بان وجهي بلا دم
أنا اللي نفطر بالدم
و الدموع
نتغذى بالدم و الدموع
نتعشى بالدم و الدموع
دموع الرجال . . .
و دفين الناس بالقبايل
كبَّد الدم ف عروقي
فرعون مازال تيبحث فينا على موسى.
ولدوا يا لعيالات !!
شعلات فينا العافية . . .
وَ لاَ بغا يَتْزاد فينا شي فحل
يحل خيوط
كبَّة الشر
يشد ف اﻟﯖﻤﺮة
وِ جبَّد قامتي
نولي قد ظلي
يمد يدُّه فوق السحاب
يستَّف النجوم
يشكَّل برج سعدي
و يصحح ألوان الصورة.
أحداث غزة
ورزازات في 27/12/2008
عبد العزيز المكي الناصري