تسجيل الدخول

مشاهدة النسخة كاملة : آه يازمان

aymane07
20-04-2009, 22:19
آه يا زمان

زمان مايشبه زمان
هذا زان ماشي لينا

زمان مايشبه زمان
هذا يجرحنا لاخر يكوينا

زمان مايشبه زمان
فين كنا و كيف ولينا

زمان مايشبه زمان
بعد العز ذقنا الغبينة

زمان مايشبه زمان
ركعنا للذل وليه تحنينا

زمان مايشبه زمان
شربنا المرار لاحد يواسينا

زمان مايشبه زمان
ربي العالي قادر ينجينا

زمان مايشبه زمان
يفاجي الكروب للهم ينسينا

زمان مايشبه زمان آه يا زمان آه يازمان
oum othmane
20-04-2009, 22:46
فعلا زمان لايشبه زمان .سلمت يداك أخي الكريم.
saida saad
21-04-2009, 08:11
علاش يا أيمن...؟؟؟
هاد الزمان حتى هو زمان
وخا الظلم والطغيان
وقمع الاخ لخوه الإنسان:
هادا جايع حفيان
وذاك متخوم شبعان
فين داك الزمان ؟؟؟
عار الجار على جارو
وعمرو ما سد عليه باب دارو
علاش لي مانرجعو داك الزمان
احنا ولاد هاد الزمان...
يا خويا يا أيمن؟؟
تقبل مروري .الله يفاجيها علينا ...
aymane07
21-04-2009, 09:57
شكرا على المرور الكريم
aborayaan
21-04-2009, 10:39
الزمان هو الزمان
العيب راه فينا
الزمان هوالزمان
حنا لّي طاطينا
قبلنا الذل ورضينا
الزمان هوالزمان
حنا علحق غمضنا عينا
وعبّاد الهوى ولّينا
الزمان هو الزمان
حنى علماضي وقفنا وبكينا
عجبنا البكا ونزلنا يدينا
حتى ركبوا العديان علينا
الزمان هو الزمان
قبلنا الفرقة
وعليها غنينا
بنينا مجاد كاذبة
مع خوتنا تعادينا
الزمان هو الزمان
حرثنا الجهل
وخلينا العدو يحصد فينا
الزمان هو الزمان
نطلبوا الله يهدينا
تقبل مروري المتواضع يا بن مدينتي
aymane07
21-04-2009, 17:49
الزمان هو الزمان
العيب راه فينا
الزمان هوالزمان
حنا لّي طاطينا
قبلنا الذل ورضينا
الزمان هوالزمان
حنا علحق غمضنا عينا
وعبّاد الهوى ولّينا
الزمان هو الزمان
حنى علماضي وقفنا وبكينا
عجبنا البكا ونزلنا يدينا
حتى ركبوا العديان علينا
الزمان هو الزمان
قبلنا الفرقة
وعليها غنينا
بنينا مجاد كاذبة
مع خوتنا تعادينا
الزمان هو الزمان
حرثنا الجهل
وخلينا العدو يحصد فينا
الزمان هو الزمان
نطلبوا الله يهدينا
تقبل مروري المتواضع يا بن مدينتي
شكرا على المرور الزجلي الرائع