|
الصورة بالألوان لمرايةفاش شفت وجهي البارح اليوم صبحات بالألوان الوجه اللي كان فيها مبشور فارح فارق البسمة مغبّر . . . بالذل و اﻟﺤﯖﺮة و الشوفة حزينة مهزوز ف ثقتي الغوتة رجعات لدواخلي و الغنا من حلقي بسال بعدما كنت رأس أصبحت ذنب خفافت الريح اللي جا يهزني قزِّيبَة مجرورة ف الويل من كثرة الصَّفْع مبهوض فشوفتي بالابيض و لكحل كنت مستور الألوان فضحوني لكثف اللي هز السلهام طاح واش أنا نيت بن آدم و لاَّ مصران طويل ؟ بعدما كان ظلي يخلع أصبحت نخاف من ظلي و السيف اللي كان ف يدي يلمع جمع الصدا حفا ما بقا ينفع. و الله لو كان الأمر بيدي نرجع منين جيت و لاَّ نسرع نوصل فين بغيت و لاَ هاذ اﻟﯖﻌﺪة تحت أغصان الذل. أمة بَرََكْتها ف القلة منين كنا قلال اللي وقف ف طريق الشمس 100 بين الشّدّة و الرّدّة و اليوم كشكوشة الحملة المسلم بالألوان على حد الشوف ما برَّد الجوف لقيت وجهي بلا نخوة السماء ما ديالي و الماء ما ديالي و زايد الأرض بالثقل. ما ظنيتي الفأر يولد ليك اﻟﻌﯖﺒﺔ و يوقف ف طريقك يا اللي اعتصمتي بحبال الزبل !! بالألوان بان وجهي بلا دم أنا اللي نفطر بالدم و الدموع نتغذى بالدم و الدموع نتعشى بالدم و الدموع دموع الرجال . . . و دفين الناس بالقبايل كبَّد الدم ف عروقي فرعون مازال تيبحث فينا على موسى. ولدوا يا لعيالات !! شعلات فينا العافية . . . وَ لاَ بغا يَتْزاد فينا شي فحل يحل خيوط كبَّة الشر يشد ف اﻟﯖﻤﺮة وِ جبَّد قامتي نولي قد ظلي يمد يدُّه فوق السحاب يستَّف النجوم يشكَّل برج سعدي و يصحح ألوان الصورة. ورزازات في 27/12/2008 عبد العزيز المكي الناصري |
شكرا لك على منتوجك ومرورك. تحياتي |
ماشاء الله عليك يا زجال الدفاتر...ابدعت يا شهبندر الكلمات بالتوفيق ادعو لك ..واحييك.. |
اقتباس:
شكرا لمرورك أختي الكريمة. بارك الله فيك. تحياتي |
انت الزاهي دوما .......شكرا لك على قصيدتك التي نفتخر بها
|
| الساعة الآن 15:01 |
Powered by vBulletin® Copyright ©2000 - 2026, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها