|
اقتباس:
جواب عمي ادريس : ياك شفتي يابنيتي بعدا ؟ راني راضي عليك دنيا وآخرة ! |
شكرا ووواهيا عمي
وا قول ليا ا عمي العزيز علاش مكنقدروش نشدو الما بيدينا وحتى برجلينا يلا |
شنو كاتجي لطيفة بنت ولدعمي الحسين للجيلالي ولد بنت خال الوالد؟
يالاه جاوب بالزربة اعمي ادريس وبلا ما تفكر أولا تستعن بصديق |
اقتباس:
جواب عمي ادريس : هانتي اختاري الجواب اللي يناسبك : ـ علاحقاش كاين السطل فاش نديروه . ـ يمكن لينا نشدوه بيدينا يلا درناه في الثلاجة حتى يتجمد . ـ علا حقاش كنخافوا نبللوا يدينا ورجلينا . ـ علاحقاش كنضيعوه بلا منستعملوه. مازال باغية شي جواب آخر أيتها الشقية ؟ |
اقتباس:
جواب عمي ادريس: هاااه ! اعترفت بعدا أن الجيلالي هو ولد بنت خال الوالد ؟ تبع معايا مزيان يلا ماكان عندك مايدار:(باينة غير من السؤال ما عندك مايدار ) الجيلالي هو ولد خال عم أبيها . |
أأأه بصح اجوبة صحيحة
عمي ادريس قول ليا علاش كروية الشكل وماشي مربعة مع العلم ان الانسان في حياته العادية كيكون وسط مربع طالع نازل بحال مني كاتبغي تجيب شي ورقة من شي ادارة |
اقتباس:
جواب عمي ادريس : عنداك آبنيتي تبقاي مقابلاني تسوليني وتنساي قرايتك !أنا غير نصحتك لاحقاش أنا قريت حتى حفيت،وخدمت حتى عييت ! مرحبا بالأسئلة ديالكم ،قشابتي واسعة وعريضة الحمد لله .. ـ لو كانت الأرض مربعة آبنيتي غادي يسحابوها les extraterrestres شي مسمنة ،وكون كلاوها وكلاونا معاها شحال هاذي ! إيوا قولي سبحان الله العظيم ! |
عمي ادريس انتهيت للتو من قراءة كل أجوبتك الذكية وشدتني ملكاتك الفكاهية المتعددة لكنني استغرب كيف لا توظفها في إبداعاتك وصدقني لا أنتظر منك جوابا من أجوبتك إياها
تحياتي |
اقتباس:
:1aa::1aa: شكرا لك أخي نورالدين منير دفاتر .. فكرة سهلة التنفيذ أخي،لكنها صعبة التطبيق ! سأحاول أن أعمل بها بحول الله ،فالطبع يغلب التطبع ! إنك أخي لا تعدم روح الفكاهة،والدليل جيلالياتك وما أدراك ما جيلالياتك ؟! مع تحية عمك ادريس،الصديق الأنيس . |
اقتباس:
وصدقني لا أنتظر منك جوابا من أجوبتك إياها |
شكرا لك وكن متأكدا ان الدراسة في المقام الاول والمهم هو تنظيم الوقت
اوا قول ليا قلبت ليك راسك بالاسئلة اااااه عاد فهمت شتي غلبتك ا با الحاج هههه |
اقتباس:
راني غير خايف على قرايتك ،وراه قشابتي واسعة كيف ما قلت ليك ..ما لك دابا مازال سهرانة ياالله ؛كتقراي ولا كتسناي تحصليني ؟ إلا عندك مازال شي أسئلة غير زيدي مازال و لا عليك،المهم الأجوبة كتعجبك ؟ |
راها عطلة
والاجوبة كتضحكني قول ليا علاش العرب ضاعو و ولاو النصارى لي كيضرب بيهم المثل |
جواب عمي ادريس :
هاذيك التصويرة بعدا كتشبه ليك تماما في شخصيتك ! ـ حينت قال ليهم أحمد شوقي : ناموا ولا تستيقظوا مافاز إلا النُّوَمُ ! غير ما تنسايش آبنيتي راه النصارى ضاربهم لخلا ماشي كيضرب بيهم المثل ! الدليل هو أنهم كايديوا واليديهم ملي كيكبروا لدور العجزة وكينساوهم ،أما احنا مازال باقي فينا الروح الإنسانية واخا هكذاك ! علاه أنا كون ماكنتوا نتوما آوليداتي بجنبي،آش كنت غادي ندير ؟ إيوا آبنيتي أنا غادي نمشي نعس،يلا بقيتي فايقة فيقيني للفجر الله يرضى عليك ،راه قريب ! |
مررت لأسلم عليكم أبنائي بناتي الأعزاء ..عمتم مساء ..
أخيرا يوم مر بلا أسئلة ..هي فرصة لأستريح إذن .. تقبلوا تحياتي العطرة ..تررلم تررلم ترررم !! |
جـــــــــــــــــــــــــــــــــــــــــــــــــ ـاري البحث
. . . . |
اهلالالا عمي ادريس كيف الحال والاحوال
قول ليا علاش الاخ كريم كيقلب ديما كيكتب جاري البحث ياكما طاحت ليه شي 200dh في المنتدى |
اقتباس:
جواب عمي ادريس : راني والفت أسئلتك..فين غبتي ؟ ألا تعرفين الجواب؟أين ذهبت نباهتك ؟ قولي الله يحسن عون اصحاب الداخلية !ما شي راه المراقب العام ؟(مقدم الحومة ديال دفاتر !) ـ ملحوظة: راه كانت طاحت لي واحد 200 درهم مصور فيها مولاي عبدالحفيظ رحمة الله عليه،إلالقيتيها آلسي كريم خليك كريم واعطيها لي الله يرضى عليك! |
hhhhhhh عمي ادريس يبحث عن نقوده لي طاحت ليه مني كاان مسخر ييجيب الخميرة عام 123 هجرية
ادا كان التعليم مهنة لا تعطي لموظفيها حقوقهم علاش ختاريتوهها مع العلم انه من شحال هادي وماليها كيعانيو |
جواب عمي ادريس :
ذيك الساعة آبنيتي ماكانتش الخميرة الكيميائية ،كان كلشي بلدي وطبيعي وماكانوش الحوانت ! كون كنا عايشين بالخميرة الرومية ـ اللي كتعرفيها ـ كنت غادي نعيش هاذ العمر كله؟ مهنة التعليم ما اختاريناهاش،لما كنت صغير كنت كنحلم نولي بوليسي باش نشد ال****ة !الساعة ملي كبرنا ولينا كنقلبوا غير على شهادات خبزية ! الحمد لله رجل التعليم دابا ما كاياكلش غير الخبز،كاياكل كلشي إلا موالين لكريدي ! رجل التعليم كان ومازال شريفا عفيفا مهما حاولوا يطيحوا بيه ! المعاناة ما خطات حتى واحد في هاذ البلاد السعيدة،غير اللي كاين هو أن رجال التعليم ما كايخافوش كيقولوا اللي كاين !يلا سكتنا شكون اللي غادي يهضر غيرنا ؟ جريتي لي لساني هاذ المرة! |
hhhhhhhhh اوا شفتي مني كتوصل لجوهر المشكل كتكون الجدية ولك مزيان بنادم يدافع على حقو
قول ليا علاش مني كنحطو شي تعليق وكيقرااو طالب حتى حد مكيعبرك |
جواب عمي ادريس:
إيوا خاصنا نشوفوا شكون هذا اللي كتبتي ليه تعليق وما عبركش حشومة عليه .. إذا استمر الحال على ما هو عليه يمكنك تغيير صفة طالب إلى "آخر" مثلا ..يعني شي كذبة بيضاء غير ما تكونش كذبة سوداء ! شخصيا لا أبخل بالردود على أي كان فهذا من باب الأدب .. |
انا متعمدة ندير طالب لان كلشي عندو حرية التعبير
وشكرااا جزيلا وهدا واضح من تدخلي في قصتك شكرا لك قول ليا واش كتعرف طيب |
جواب عمي ادريس:
كنعرف نطيب الأومليت بلا ما نكسر البيض ! عنداك تسوليني كيفاش ! |
أيهما أسبق البيضة ام الدجاجة يا عمي إدريس ؟ |
جواب عمي ادريس:
هااي مرحبا الأستاذ الكريم لقد سبق لي وأجبت عن هذا السؤال ،ولكن لا بأس أن أذكر بالجواب لأنه لا أحد يعرفه غيري كما قلت: الجواب موجود في الآية الكريمة:"ويخرج الحي من الميت ويخرج الميت من الحي " أي أن البيضة هي الأسبق !أعجبك الجواب أم تريد جوابا آخرَ ؟ |
اهلا عمي ادريس كيف حالك
قول ليا الا دارو ليك عملية تقلب الجنس ديالك يعني تولي مرا(استسمح) وتزوجتي غادي تيق في راجلك او في رجال كلهم |
جواب عمي ادريس:
مرحبا بك يا شقية ! خاصني دابا نجاوبك كرجل أو كامرأة أو ما بينهما ؟ |
answer me like a man
|
جواب عمي ادريس:
But i cant answer now because i'm a man and i'll must be a woman in order to inswer you ! So we must have a woman called:3amti drissa who does that ! |
تبارك الله على عمي ادريس مادا تقول في اضراب يوم الخميس المقبل ؟؟ |
مرحبا عمي إدريس: لماذا عمي إدريس يجيب على الأسئلة التعجيزي؟ |
جواب عمي ادريس:
صباح الخير أم علاء الإضرابات بصفة عامة بالنسبة إلي ما بقات عندها معنى ..ما تعرفي شكون المسؤول على هاذ الميوعة :واش الحكومة أو النقابات براسها ؟ بصراحة ما بقينا كنتيقوا في حد،الأغلبية كدير الإضراب غير باش ترتاح مع راسها وماعارفين حتى سمية النقابة اللي دايراه ولا اعلاش دايراه ! الإضراب بالنسبة للأغلبية يساوي يوم عطلة ليس إلا ! حتى النقابات ولات كدير الإضراب حينت نقابة أخرى دايراه،أو بعض المرات كديرو نقابة عنادا مع أخرى أو لإفشال إضراب الأخرى ! إيوا واش هاذي هي الفلسفة النقابية في نظرك ؟ |
جواب عمي ادريس:
مرحبا oussamabar ليبين لكم بأن كلمة مستحيل لا توجد إلا في قاموس الضعفاء كما قال نابليون ! |
مرحبا عمي إدريس: لماذا نحبك كثيرا في هذا المنتدى؟ سؤال صعب... |
اقتباس:
جواب عمي ادريس: لأنه ما في قلبكم سوى الحب عزيزي ! |
قولي أ عمي دريس ، هل الغباء وراثي أو نتيجة المحيط؟؟؟؟ |
اقتباس:
جواب عمي ادريس: واش كتسول عليه لا حقاش انت غبي ـ مع احتراماتي ـ أو عندك بحث فيه؟ عندنا احنا المحيط هو نتيجة غبائنا وليس العكس..فالذكي بإمكانه أن يحول الكاريان مثلا إلى جنة ،والغبي يحول الجنة إلى كاريان ! |
تبارك الله عليك أ سي دريس |
جواب عمي ادريس:
ماعندي مانتسالك ملي فهمتي كلامي وما تقلقتيش آالسي ابراهيم !كنت خايف نكون تسرعت في الجواب ..تبارك الله عليك حتى انت ..سؤالك كان مهما جدا ..! احتراماتي مرة أخرى. |
| الساعة الآن 22:06 |
Powered by vBulletin® Copyright ©2000 - 2026, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها