|
اقتباس:
هذاك بوزويهكة غير من شباه الرجال اللّي عندهم عقول ربّاة الحِجال ما رباتو مُّو على الرجلة موحال باينة مو من دك المقزبات المقرعات الراس للطالون مقرقبات فوجوهم ديما معجبات لولادهم فالزناقي مكركبات ولسرار رجالهم مسرسبات من ديورهم ديما خارجات وفولادهم راهم سامحات من كثرة السحور رجالها تكسحات قوات لاضوز ليهم عمات كانو رجال ولاّو بكمات النسا الحرار تربي الرجال وولاد التالفات غير بوزبال سامحيني ختي على هاد المقال فتنة النسا راها وبال فيه شلاّ ما يتقال خايف نكثر الكلام يتقال وختي عنّي ما تبقا تسال |
الله يعطيك الصحة يا أبا ريان
و الشكر الجزيل للأخت التدلاوية على فكرتها الرائعة. |
اقتباس:
زجل جميل و معاني قوية و في الصميم ........و محاولتك الاولى رائعة هي الاخرى ...او عندك الصح فداكشي كاع الي قلت ........هاد الزمان تفلسوا العيالات او تفلسوا الرجالة..........الله يدينا فالضو |
هانت أختي التادلوية، فطومات راه فيهم أو فيهم:
أيا صفية روحـــــي *****يا منة مـــــــن المنان زينت جنان قلبـــــي*****بعبق عطر الريــــحان أنت نور وشمـــــس*****نبت ساحر الأفنـــــان بنيت قمري قصـــرا*****قلبه دافىء الأركـــان رسمت بحبك أمـــلا*****سيدتي عذب الألحـان علمتني سحرعشق*****وبسمة القلب الولهان ونسجت لي حلمـــا*****بماء قلبك الإنســـــان ووهبتني قرة أعين*****منة رحيم رحمـــــان فطومتي يا سندي*****في احلك الأزمــــــــان بلسمت جرح قلبي*****قطــعت دابر أحزاني أنت مجد الأعالي*****وتاج وردي الأحيــــان فلك عهد ووفـــاء*****إكسيره عبير الأكــوان وحب قلب صدوق*****ياأميرة على أوطــاني به نفت كيد الـعدا***** ونخزي مكر الشيطان |
اقتباس:
يا العياشي سير كون راجل واش بقات فالكويديمة و النظاظر عري على كتافك باركا ما تحاضر للكذوب تتزرب و تبادر السحور راه اختك الي دارتو ليك وانا منك و منها تبريت يا ربي اش هاد الجلاخة باش تبليت راه فازماني تكويت صابرة و بوحدي بكيت يا رب راني عييت راني عييت |
اقتباس:
انصحك ان تضعها كموضوع قائم بذاته حتى يقرأها الجميع ....و انت تفعل ذلك لا تنس ان تغير كلمة فطومتي بالتوفيق |
اقتباس:
بارك الله فيك أختي أم أيمن .والله يسمح عليا من النسا. |
ألعياشي ... أفطومة ... ماتخليوش العيشة مسمومة شوي عليك وشوي عليها . مــــــــــاشي جوج حروف لي تْبرد الجوف التادلوية بغات تشوف شكون يغلب واش فطومة ولا العياشي بكلامات زينة ما تخلي فالقلب غبينة العياشي .. بو المعاني نعتك بالقرمودة آش قولك يا المنبودة؟ ظلي تخدمي وتردمي تربي الدراري ما تكلي طيبي لخواطر ما تملي وزيدك... العياشي عز الدين يدير رجل على رْجل يآمر وينهي بلا ما يتكلم غير يبركم وفطومة تفهم حتى تمنات فطومة تكون راجل هههه جاوبت فطومة : هادي جلاخة وهي قاصدة العياشي آش قولك يابو شواشي ههههههه نضحك أنا وتمتع بزين المعنى ولطف الكلمه وتبقى العيشة نغمة تعزفها فطومة للعياشي ديما مرة نكير مرة بسمة نوبة خصام نوبة مصالحة حتى تموت فطومة ويرتاح العياشي أما إلى مات العياشي ماتهنى فطومة ماتجف دمعتها ما تحلى لقمتها ما تعمار خيمتها . أختي فطومة (التادلوية )تبارك الله على الفكرة .جميلة جداً . أختي فطومة(أم إيمان ) إياك أن تتغيبي ،قفي بالرصاد للعياشي .هههه إخواني آل العياشي رفقاً بفطومات ولا تقصحو الهضرة عافاكم .راه فطومة على سبة .لا تتحمل القسوة . خليو غير فطومة تفش قلبها ههههههه تحية أخوية ،وتبارك الله عليكم. |
اقتباس:
|
اقتباس:
رائع حيت ما كا ينش ياكي..؟ هو فالحقيقة هادشي اللي خسو يكون.. اما اللي كاين نتوما عارفينه وحنا عارفينه.. وللكلام بقية تحيتي |
هاك أختي التادلاوية جواب كلامك عل المرا الخداما.
المرا خدامة ماشي معيورة يمكن خدمتها تخفف الضرورة وتخلي الحالة فالدار مستورة ولكلام الكالسات ماتكون مجرورة راه بالمفاهما تكون الأسرة مسرورة ولّي على اختيار النسا يسال سيد النبي فْصْل فهاد المقال كاين لّي ختار المال وكاين لّي عل لعروق يسال ولاخر على مولات الدين عوال ولكن فزمانا تخلطت لحوال لنساب تهجنات والدين قلال وبنادم تزير وحتاج المال واللبيب الفاهم فالكيل والمكيال يختار الهل والدين والمال تحياتي |
اقتباس:
الله يحفظك و صافي |
هاذي بنت العياشي أو فطومة كاتقول ليكم:
يا الوالد يا الوالدة.. اهملتوني ما حضيتوني.. نظل مقابلا لبيسي.. نضيع الوقت فالكلام الخاوي.. ما نقرا ما نحفظ كالسا غي نشاطي.. من حدا التلفزة يالولدة ما تنوضي.. من قناة لقناة كالسا تزابي.. هذا فيلم مصري هذا مكسيكي.. الجَّرات عندك أحسن مني.. دايرين عندك الحلقة أو كلامكم فالناس مايسالي.. ما تعطيني وقت ما تسوليني أشنو خاصني.. أنت يا الوالد من الخدما للقهاوي.. ما تدخل للدار حتى إطيب نعاسي.. ما تسولني كيف داز نهاري.. أو شحال جبت فالامتحان الأول أو الثاني.. نهار الحد كاع ملّي تسالي.. تبقى أنت أو الوالدة على التناكير اللي ما يسالي.. تشدني القفقفة أو الخلعة أنا أو خوتي.. نخافو لا ديروا لِلدِّين هي تقمش أونتا تبوني.. منبعد أنت تهزك السطافيت أو هي فلإسعاف تمشي.. نبقى أنا أو خوتي مشردين دالحين فالزناقي.. يا الوالد، يالولدة، توعاوا ، باركا من التخلف و هاذ العيشة.. أو فأولادكوم تهلاوا، راه هاذ الزمان صعابت العيشة.. تحياتي أو قبلوا على ما وجد.. |
اضحكتني اختي مداد قلم ههههههههههههههههههههههههههه مناوشة جميلة وتفضح سلوك بعض الامهات والاباء اتجاه ابنائهم.....كما اسجل اعجابي بالاخت ام ايمان والاخ بولعلام..وكل الاخوة الذين زينوا هذا الموضوع..... وفقكن/كم الله جميعا... لكن /كم تحياتي ومودتي.... |
اقتباس:
خصها غير ديرو في الفيترينة و....تمسح عليه الغبرة ...ههههه:bleh: هي خايدة راجل تديرو فكتفها ؟؟ ولا واخدة راجل يديرها تحت السباط وايني السي العياشي زدتي فيه ...حتى قجرني الا بغاالراجل تدير ليه المرا بحال هكا خصو يكون ليها سما .وليها غطا....ومن تحت رجليها سكة اما هو باغي يدخل ويخرج بحال الفندق ما هاز مسؤولية ...ما عاطي حرية وف الاخر باغي يضربها بتزويجة ويفقسهم هو ومراتو بالتفويجة اوا السي العياشي ملي تكون قد المسؤولية عاد طلب من المرا تخدمك بالنية |
اقتباس من ام ايمان رائع هادشي ...حتى انا بغيت نكون راجل.............:blink::blink::blink::blink: الا كان غير بحال هكا ..والله الا مبرعة ...كلنا بغينا نتبرعووووو...شكون كره ..ولا الدرديك غير على المراااه ههههههه [IMG]http://www.************/vb/images/0.gif[/IMG] اقتباس من ملاكشفتي اختي ام ايمان...يالله حتى حنا نوليو رجاااااااااال ههههههههههههههههه...راه القضية..زوينة ..عندو خدامة ماشي مرااا هههههههههه اقتباس من مداد قلم أعجبني موضوعك أللا الضاوية... غادي ندير فيه شي بركة أوقتما تييسر الأمر.. مرحبا بيك راني شفت المشاركة ديالك ...تبارك الله ..اوا هكاك حميوا الطرح باشما يغلبوناش ..واخا في الحقيقة انا هدفي يتوضحو بعض المسائل دمت ضاوية شعالة العوافي..أو جبادة المشاكل..:1aa: مقبولة منك امداد ....راني فعلا جبادة العوافي ..هههههههههههه لوكن ضاوية الحمد لله تحياتي..و احتراماتي.. تقبلي تحيتي وتقدير ي الله يرضي عليك ابنتي . |
اقتباس:
اوا السي ابو ريان الهضرة ديالك موزونة وما قلتي عيب في الكلام ما تحسبو علينا المرا المجنونة وانا نسال على خويا وخا يكتر الهضرا المعجونة وراني باقية نرد على هاد الهضرة ونخلي سمعة المرا موصونة انتظر ردي تبارك الله على خويا ابو ريان |
اقتباس:
الله يبارك فيك اختي ام ايمن ... مرحباا بيك في صفحتنا ...وشكرا على الاطراء اوا ارى لينا الا كاين شي دفاع قوي...راكي زعما من صحاب الاسرة |
اقتباس:
صراحة اعجبتني القصيدة جميلة جدااااا...ما عندي ما يتسالك اسي بوعلام ...اقصد العياشي :1aa: المشكل اني فتحت عدة جبهات ...يا ليث كان عندي الوقت...باغية نرد على كل واحد دابا صاوبتي الهضرة هههه.....ولكن هذا لا يخدم الموضوع:harhar1::harhar1: تقبل تحيتي وتقديري |
اقتباس:
اش هاد البلية تبلات فطومة الي شافها تجري وتحضر تقول عندها راجل مخير اوا الا شفناه في الزنقة نقولو هادا هو الراجل وفطومة مسكينة منو تتفكر ما باغي يشد طريق ما باغي يتتحضر اوا غير عدي افطومة دابا يجيب ليه الله الي عليه يتشطر هههههههههههههههههههههههههههههه تبارك الله على ام ايمان جالسة وتشرح في القصايد قصيدة جميلة تبارك الله عليك |
اقتباس سعيدة سعد:
التادلوية بغات تشوف شكون يغلب واش فطومة ولا العياشي بكلامات زينة ما تخلي فالقلب غبينة تادلوية بغات تفضح المشاكل الاسرية برؤية شعرية غادي تخفاف القضية وربنا يرضى عليا القضية ماشي دابيز ولكن العبرة بالتحفيز على طرح المشاكل وتصايب للاسرة الركائز ونعيشو عيشة الهنا وتولي العيشا فنا وكل واحد فيهم يتهنى أختي فطومة (التادلوية )تبارك الله على الفكرة .جميلة جداً . بارك الله فيك على التشجيع والاطراء ..الحمد لله ان الفكرة اعجبتكم تقبلي اختي سعيدة سعد تحيتي وتقديري |
اقتباس:
ما متفقاش معاك اخويا ابو ريان وغادي تسمع ردي على هاد الكلام :harhar1::harhar1: اوا غير تسنى تقبل تحيتي وتقديري |
اقتباس:
سيري الله يرضي عليك العياشي وفطومة دايرين المشاكل وولادهم مساكن تيدفعو الثمن اوهما زايدين غير في المناكر اوا الله يهدي ما خلق مشكورة مداد قلم ...ابنتي ..الله يرضى عليك اوا هاد البنات المرضيات بداو تيخدموووااا |
اقتباس:
شكرا الاخ فؤاد على التشجيع المتكرر ارى انا الاخوة والاخوات في جعبتهم كلام كثير يظهر شيئا فشيئا الله يعطيهم الصحة والراحة ما كاين غير فلق ليا نفلق ليك والعبرة بالدروس المستخرجة اوا لهلا يخطيكم كاملين :018::018::018: |
ومن تحت رجليها سكة
ايوا افطومة هانتي قلتيها بلسانك..المرا كيف التران( القطار) قوة الصداع ولي جا فطريقو الله يرحمو..هههه غادي نرجع..كاع لا تفرحي |
اقتباس:
اواا الحمد لله المرا ديما نيشان ماشي بحال العياشي تعلم الزيك زاك بالتفنان او بغا ينوض العوافي رجع او لالا بحال بحال هههههههه ويلا رجعتي ما تعول على بنان راه نحمرو ليك اليدين وبلا زيتون الجنان هههههههههه |
الليلة ليلة فطومة فالعمارية مامنها جوج لفم كي بلارت الفروج العنين كبار ناويين الخروج دازت سيمانة داز شهر فين فطومة؟ كاتشخر طار الزواق طار لعكر الدار راها مزبالة الفراش حالتو حالة ما تصبح ما تمسي هضر الراجل مالك اسي؟ سكت الراجل مالك اسي؟ دخل معطل ولا بكري راكي كتفركلي طول النهار تخممي طول الليل تحمحمي وخا هاكاك يديك النعاس تشخري وتحلمي او فالصباح تحمحمي الفطور بالنفخة تفيقي الراجل بالمهراز والشغل داز ما داز تحضي مسلسلاتك او لغدا ما علا بالك فالليل يدخل الراجل عيان راسو بين المطرقة والسندان تقول ليه جيب البوطة ( الله يذكر خويا بخير اللي قال " الفم الي يقول فنص الليل البوطة تقادات, عاد مازال تبوسو..ههه) الا بغا الراجل يربيها فطومة اللي ما منها جوج يوليو فيها هاجوج وماجوج عميتي العياشي بالزواق ضحيكات وشويفات النفاق من الجنب خرجتيليه والمرار جرعتيهليه الله يسامحلينا من حق العيالات..ههههههههههههههههههه |
السلام عليكم
أختي التدلاوية شكرا على الموضوع الشيق شكوى فطومة الموظفة فنيت شبابي فقرايتي باش نهنى ونرتاح فحياتي بنيت وأثثت داري ساعة تضاعفوا علي حزاني احسن عوانك أراسي من المحاين راك تعاني لمن نشكي همي وهوالي ويشاركني فيك أفقايسي العياشي مهجرو لي فيامي وخى ولدت معاه ولادي عيشني عيشة الزوفري حط حقك ها حقي باش نخلصو روض الدراري البقال الكزار ولواني ولينا نتحاسبوا بالعلالي عيشة العديان هادي وديت التهمة غالبك أناري ما ترحم ما تسكت صبياني الشكوى بك العالي يالمكرهني فيامي |
فكرة رائعة جدا ... سأعود |
اقتباس:
|
اقتباس:
الله يبارك فيك غاليتي أم أيمن ....صبري علي شوي غادي نعجبك..... تحيتي. |
السلام عليكم
تبارك الله على التادلاوية شعالة العوافي .. اكتشفت الموضوع لتوي .. شفتكم جابدين سيرتي ؟.. وانتوما فرقوا عليكم الغلاق باركا علي غير بلاهوادة .. منذ مدة جاءتني جنية الزجل وأردت أن أكتب عن امرأة مشرارة ،سأكتب ما أتذكره ،وحيث إن الجنية لم تلازمني لوقت طويل ،لأنها خافت مني،فقد اكتفيت بهذه الأبيات ،وهي على لسان رجل آخر طبعا : عندي مرا مشرارة كل صباح تجي بلابْشارة وتقول لي نوض يا العبارة اسيادك بناوا عمارة وانت مسكّنا في عصارة ديما محرذف بالشكارة ومطمّع فينا ال****ة غذانا بصارة وعشانا بصارة غدي تفركع لينا المرارة .. وهكذا انصرفت عني الجنية ولم أتمكن من متابعة الكتابة .. |
اقتباس:
في الحقيقة بديتي تقسح الهضرة السي زيااد هههههههههههه غير بشوية راه الدابيز بالتاويل يا ربي تجيب شكون الي يرد عليك اولا من بعد نصيب ليك شي رد يليق ههههههههه تقبل تحيتي وتقديري اخي عز الدين ملحوطة :..لمن أراد ان يرد على موضوع ..يجب ان يقتبسه حتى يعرف الرد على اي قصيدة ولا نجبد العصا :002::002::bleh::bleh: |
اقتباس:
وعليكم السلام لا شكر على دابيز ههههههه محاولتك رائعة ..لو انك اقتبست قصيدة الاخ ابي ريان لكفيتني مسؤولية الرد عليها ....سيري الله يرضي عليك ...ويكتر من امتالك :icon30::icon30: بردتي ليا القلب ..:018::018: |
اقتباس:
اخويا ادريس غير بشويا عليك هههههههههه لا زربةعلى صلاح ...هههههههههههه شكرا اخي ادريس على الاطراء عودة محمودة ....في انتظار مشاركتك تقبل تحيتي وتقديري |
تبارك الله على ام ايمن وعلى ام عثمان
محميين الطرح ..الله يرضي عليكم |
اقتباس:
وعليكم السلام قالها الظريف مول سوق عكاظ للهجو المجاني ...حتى انه ليس تكسبي ههههههه:bleh::bleh: انت ديما معطل ..:harhar1::harhar1: قل لهديك جنية الزجل... الله يعطيها الصحة ...وقول ليها دوز عندي راني باغياها ههههههههههه:_1_prv::_1_prv: المرا مسكينة تظل توجد ليك العصير في العصارة وانت ديما مقابلها غير بالضسارة راها مولات الدار وزينتها راها كي النوارة ولكن اش تقول للي سايطا ليه فالودن الفرفارة جامعاك من الزنقة اما كون راك مع الشمكارة اسير تكمش اودي ليها شي دوارة وشويوا وملي تسالي ضربو دورة فالسيارة وباركا ما تهز راسك الفوق راك ما تقدش على الطيارة اواااا تبرع ليا ها واحد الرد سريع حتى ترسل ليا الجنية مشكور اخي الغلاق الله يعطيك الصحة تقبل تحيتي وتقديري |
يا الله العيالات تبارك الله وماشاء الله عليكم ،كلكم الله يحفظكم: التدلاوية، أم إيمان ، أم عثمان...عافاكم حمرو لينا الوجه ،وبردو لينا القلب
كون كنت نعرف الزجل كون عاونتكم ولكن الله غالب،المهم رانا ف فريق التشجيع.. |
اقتباس:
ولا عليك أختي أم أيمن ....غير تهناي .....غادي نفرجوك عاونينا انت غير بالزغاريد مودتي وتحيتي. |
اقتباس:
بديت كنقسح الهضرة؟ واخا الالة.. هانا الطم علا الفم ما باقي نهضر غير بالاشارة..هههههههههه تحيتي اختي فطومة |
| الساعة الآن 06:16 |
Powered by vBulletin® Copyright ©2000 - 2026, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها