|
عمي أدريس اااا عمي أدريس.
علاش أعمي في الأول تاواحد ماكان كي جاوبك |
تحية عمي ادريس
قل لي أعمي دريس علاش هاد الصراع و الخصام بين التعليم العمومي و الخصوصي و اخا هما خوت ؟؟؟ |
يال العاار لم يجببني ععمي ادريس عن سؤالي
مغاديش نسولك داابا حيت عندك 2 اسئلة |
اقتباس:
سمعتك آ وليدي !..علحقاش احنا هكذا دايرين؛ كنتسناوا ديما حتى يبدا شي واحد عاد نتبعوه ! راه احنا ياوليدي العزيز مراضين بالتبعية،ما كنتيقوش في راسنا ! هاذ الشي علاش الملك المحبوب ديالنا باغي يدخل ليهم مفهوم "المبادرة"وخاص اللي يفهمو !إيوا ولدي الله يرضى عليك إلا بانت ليك شي حاجة مزيانة خاصك اديرها ماترددش ،ويلا قلتي لشي مغربي غادي ندير كذا كون متأكد باللي غادي يحكم ليك على الفكرة بالفشل من الأول! إيوا عالله تفيقوا وتعيقوا آوليداتي ! |
2k2k2k2k والله ياعمي إدريس كلامك كله موزون وفيه الحكمة والصراحة تبارك الله عليك وخلاص |
اقتباس:
جواب عمي ادريس: إيوا حتى قابيل وهابيل راهما كانوا خوت وقابيل اقتل هابيل ما شي كاع غير تخاصموا !..كنتمناوا غير مايقتلش التعليم الخصوصي التعليم العمومي ! |
اقتباس:
جواب عمي ادريس: غبرتي يا الشقية هاذ ليام !! سؤالك كان قبيح ماعرفتش علاش ما حذفوهش ملي اختارقوا المنتدى! راه غير كنضحك معاك !.. كيقول المثل المصري،وبالمناسبة تعجبني في الأشقاء المصريين لباقتهم:"يا مْأَمِّنِ الرِّجّالْ يا مْأَمِّنِ المَيَّه في الغِربالْ !"هاذ الشي حينت"مصر هي أم الدنيا"كما يرون، يعني أنثى ..ونحن نقول حسب سيدي عبدالرحمان المجدوب: "حديث النسا يونّس،ويعلم الفهامة##يديروا ليك شَرْكَة من الريح،ويحسنوا ليك بلا مَا " ويقول أيضا : مزّين النسا بضحكات##لو كان فيها يدوموا الحوت في الما عوّام##وهما بلا ما يعوموا إيوا آش ظهر ليك؟واش مانديروش الثقة غير في الرجال،ونتيقوا في العيالات؟ |
يعني الا متقناش لا في الرجال ولا نساء يعني منتقوش حتى في راسنا حيت انا بنت ونتا راجل
|
اقتباس:
جواب عمي ادريس: الله يخليك ويعطيك الصحة آ السي الشرقاوي.. صدق كلامك أنساك أن تسأل،لذلك فسأسألك :آش كيجيك الفنان التشكيلي الكبير أحمد الشرقاوي المزداد سنة 1934 ومات رحمه الله سنة 1967 يعني عاش 33 عاما فقط ؟! هاذيك الصورة اللي دايرها أكيد تحمل لك ذكرى معينة..ما حكايتها؟ |
اقتباس:
جواب عمي ادريس: وشكون اللي قال ليك مانتيقوش حتى في راسنا؟..حنا تكلمنا عى علاقة الرجل بالمرأة والعكس ..ماشي على أنفسنا.. بغيتي رأيي الشخصي؛الثقة في نظري مازال كاينة..بدليل مازال كاينين الناس اللي هما نية كيف ما كنقولوا..يعني مازال كاينين اللي كيعتابروهم العايقين كْوانَبْ ! كون فعلا ما كايناش الثقة كون حتى واحد ماتدّار بيه،وكون راه ما تكونش الفوارق الاجتماعية الفضيعة اللي كنعرفوها كاملين ..بزاف دايرين لا باس حينت آخرين داروا فيهم الثقة..اللولين طلعوا والاخرين نزلوا !..الانتخابات خير دليل ! شفتي دابا أسئلتك فين رداتني؟! |
اقتباس:
جواب عمي ادريس: وشكون اللي قال ليك مانتيقوش حتى في راسنا؟..حنا تكلمنا عى علاقة الرجل بالمرأة والعكس ..ماشي على أنفسنا.. بغيتي رأيي الشخصي؛الثقة في نظري مازال كاينة..بدليل مازال كاينين الناس اللي هما نية كيف ما كنقولوا..يعني مازال كاينين اللي كيعتابروهم العايقين كْوانَبْ ! كون فعلا ما كايناش الثقة كون حتى واحد ماتدّار بيه،وكون راه ما تكونش الفوارق الاجتماعية الفضيعة اللي كنعرفوها كاملين ..بزاف دايرين لا باس حينت آخرين داروا فيهم الثقة..اللولين طلعوا والاخرين نزلوا !..الانتخابات خير دليل ! |
اييييه حتى انا حنا كنا 3 صحابات ودارتها بينا 3 كانت كتقول لينا راه خسرات فلوس سوايع وبقينا انا وصحبتي اخرى كندبرو ليها الفلوس وكاانت كتقول لينا راه باها حصل عندها اللفلوس وخداهم حتا خدات منا 600dh وفي الاخير هي نجحات لعام لي داز باك وحنا سقطنا حيت كوانب دابا هاد العام كنعاودو الباك
|
لماذا الصينيون صغار القامة؟؟؟؟؟؟؟؟؟؟؟؟؟؟؟؟؟؟؟؟؟
|
اقتباس:
جواب عمي ادريس: كاع ما باينة عليك غبية؟ المهم هاذ العام ثقي في راسك ..والإنسان قد يستفيد من أخطائه مالم يستفده من إيجابياته ! يلا مانجحتيش هاذ العام ما تبقايش تسوليني ولا تجاوبيني ! |
ايوا تجربة كدير العقل حيت حنا كمونيين
وان شاء الله هاد العام نجحوا ونزززززيد نسولك حتى تجري عليا |
اقتباس:
جواب عمي ادريس: ها الأسئلة الزوينة !..قول لي الأسئلة ديال أصحاب الثانوي ! الجواب بسيط جدا،وستستنتجه بنفسك..يلا تولدتي ومعاك شي حاجة ثقيلة هازها معاك فوق راسك..كيفاش غادي تكون القامة ديالك ملي تكبر؟.. إيوا ها علاش..ذيك الحاجة الثقيلة اللي هازينها الصينيين فوق راسهم هي الدماغ ! |
اقتباس:
|
اما احسن تكون دكي في الدراسة ولا الحياة
|
لماذا للصينيين أعين صغيرة وممتدة إذن،
|
اعود بالله من الشيطان الرجيم
كم عمرها ؟؟ |
اقتباس:
جواب عمي ادريس: مطالبون بالذكاء في الدراسة من أجل النجاح في الحياة .. لكنه رغم أنني كنت مجتهدا ـ حتى لا أقول ذكيا ـ فإنني أجد نفسي أحيانا في أمس الحاجة إلى من لم ينجحوا في الدراسة!..فالأستاذ الجامعي مثلا قد يحتاج إلى شهادة السكنى من مقدم الحي الذي ليست له حتى الشهادة الابتدائية ! |
السلام ا عمي
اشنو اسم زوج النملة؟r4tr4t |
اقتباس:
جواب عمي ادريس: سأجيبك بسؤال..ولماذا للحمار أعين كبيرة و غير ممتدة إذن؟ مع احتراماتي لهذا الحيوان الذي أحبه كباقي الحيوانات ! |
اقتباس:
جواب عمي ادريس: لاباس علي ملي ماسولتينيش باش كتعرف ذكر النمل من الأنثى ! إسمه نَمُّولْ .. أمزح .. إسمه الشَّيْصَبَان ! اسم جميل أليس كذلك ؟ |
اقتباس:
|
ما اسم الهدهد الذي كلم النبي سليمان عليه السلام، هههههههههههههههههههههههه
|
جواب عمي ادريس:
أجل فأنا أعرف هذه النكتة وكانت توحي لي بأن تكون هناك مسابقة على شاكلتها أي أن يسأل أحدهم سؤالا فيجيبه ألآخر بسؤال ويأتي آخر ليضيف سؤالا مع الحفاظ على التسلسل المنطقي للأسئلة ..يمكن تجربتها.. أما عن جوابي ففي سؤالي جواب واضح ألا وهو أن الحمار مما هو معروف عنه من غباء ـ إن صحت المعلومات رغم أنه لا أحد قام بدراسة سلوك الحمار ليؤكد ذاك الغباء ـ لديه عينان واسعتان ومع ذلك فهو غبي،أما الصينيون فأعينهم ضيقة ولكنهم يرون بعيدا أي أذكياء ..! |
اقتباس:
|
اقتباس:
|
السلام عليكم عمي ادريس
علاش كنعسوا ممددين وماشي واقفين بحال الدجاج |
علاش وزير التربية ديما ناعس! أو ملي كايفيق كا يسوق تراكتور ؟ |
اقتباس:
جواب عمي ادريس: اسمه الهدهد ! |
اقتباس:
جواب عمي ادريس: أنت تجيب على سؤالك ..على الأقل فهو يتذكر الطريق من أول مرة ؛فماذا تقول عن مجموعة من الآدميين ـ أقصد المتعلمين ـ الذين لا يتذكرون ما علمته لهم رغم أنك تكرره حدّ الملل ؟ أرأيت كم نظلم الحمير ؟ |
اقتباس:
جواب عمي ادريس: لأنه ليس لدينا ريش ! آجي بعدا..شكون اللي قال ليك بأننا كنعسوا ممددين ؟ماكتشوفيش ذوك الناس ـ اللي ماخاصهومش ينعسوا ـ ناعسين وهوما جالسين ؟ |
اقتباس:
جواب عمي ادريس: سؤال زوين وذكي ! لأن قطاع التربية الوطنية غير منتج مثل الحرث ! |
واش أعمي ادريس كتعرف المثال اللي كايقول "قلة الشغل مصيبة"؟
|
اقتباس:
جواب عمي ادريس: ما عمرني ماسمعتو حينت أنا ديما خدام ! واخا كاينين شي وحدين يلا قلتي ليهم واش ماخدامش ؟يجيبك:ماكيخدم غير الحمار ! |
اقتباس:
|
السلام عليكم ياعمي ادريس
شنو نعمل باش ننجح في الامتحان- المهني طبعا- |
اقتباس:
جواب عمي ادريس: ركّز مزيان على الأجوبة ما تبقاش تدخل وتخرج في الهضرة..الزيادة ما عندك ماتدير بيها ..ما فيها باس تدي معاك ما يلزم إلى سمحت الوقت بالنقلة؛إذ أنه ماشي معقول واحد ينجح حينت نقل ولاخر سقط حينت اعتمد على نفسه،كما أنه ماشي معقول قاعة فيها أساتذة طالقين اللعب وقاعة أخرى فيها الزيار! أنا بصراحة أخجل من إخراج أوراق أو كتاب وأشرع في النقل حتى ولو سمح لنا المراقبون بذلك..اجتزت الامتحان مرتين وفي المرة الثالثة جاب الله النصيب والحقيقة أنني حاولت أن أكون ملتزما بما يطلب مني دون زيادة..وفرحت لما رأيت اسمي من بين الناجحين ولكن فرحتي لم تكتمل حين رأيت من هم أقل مني مستوى ينجحون أيضا ! لا أحد يستطيع أن يشرح لنا ما يحدث في الامتحانات المهنية،لكن المؤكد أن هناك معايير لا يعرفها إلا ذووا الشأن ... لأن الجواب عن سؤالك تلزمه الجدية لم تطاوعني نفسي أن أمازحك ..فلكل مقام مقال ! دير مجهودك وانسى بأنك دوزتي الامتحان..لا تتوقع النتائج السارة حتى لا تصدم !بل توقع النتائج السيئة حتى تفرح بما هو أقل سوءاً ..هذه حكمتي الخاصة .. |
| الساعة الآن 13:26 |
Powered by vBulletin® Copyright ©2000 - 2026, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها