مثلي تماما وجاءني تنويه من النيابة ولما طلبت الانتقال سنة 1982 لم يرسل المدير طلبي وهدا واحد من مقالب هدا المدير. il m'a fait d'autres farces mais ma bonne foi l'emporte toujours

مشكور كثيرا

في اول سنة كتب لي احد التلاميذ على السبورة حرف O وفوقة همزة مضمومة

كاس افريقيا..
 

في سنتي الثانية بالفرعية، واثناء مشاهدتي مباراة نهاية كاس افريقيا، وكانت خلال وقت الدراسة، التلاميذ في القسم وحب الكرة يومئذ محرض قوي على وضع التدريس جانبا هذا اليوم، سمعت طرقا على باب المنزل، سالت التلميذ عن الامر فقال:
ـ هناك شخص يريد رؤيتك،
ـ قل له ان ياتي هنا..
ـ قال لك انت ان تاتي..
ـ (بنرفزة وصوت المذيع يرتفع معلقا على لقطة ساخنة ) قل له ان ينتظر..
بعد قليل عاد الصبي:
ـ الشاب في القسم ويقول لك اسرع..
خرجت ساخطا عازما على ان اجعل هذا اليوم وبالا عليه.. وجدت الرجل جالسا الى مكتبي بلباس رسمي.. قال ببرود:
ـ وثائقك..
ناولته اياها.. قلت له:
ـ هل قطعت كل هذه المسافة في مثل هذا اليوم دليلا على نشاطك ام لكي تبرهن اننا لا نمارس واجباتنا..
لاحقا علمت ان المفتش المصون كان قد مر على باقي الفرعيات ووجدهم جميعهم ـ بما فيهم مديرنا ـ يتابعون المباراة النهائية..

بسم الله الرحمن الرحيم
اشارك معكم ببعض الطرائف التي وقعت لي

في بداية تعييني كنا جوجات مشاو معانا الاهل ديالنا 10 كلم ديال لابيست و انا تنضحك حيت الطريق بعيدة و زيد عليها لابيست و المنحدر و غياب و لو واحد الجدار تقول راه سكنين الناس تحتو .ماكاينة و لو بناية وحدة فين هاد الاطفال اللي غادي نقريو.المهم 10 كلم وانا تنضحك بدون انقطاع.الله اكبر واش كاينين بحال هاد المناطق؟؟؟؟؟ وصلنا الى المنزل الواسع تبارك الله اللي غادي نسكنوا فيه و نقريو فيه و بدات الاخت ديالكم كتبكيييييييييييييييييييييييي كولشي تقلب الى بكاءأما المعلمة اللي معايا خدات صاكها و بدات تقاد في حالتها و تمشط شعرها .


الثانية
في فرعية اخرى كنت انا و اختي في السكنية و تبارك الله تتعرفوا السكنيات ديال التعليم بحال القصر .المهم دخلت نتوضا و التواليت (أعزكم الله) ما عندهاش البوانيي دفعتها و تسدات عليا.و كان الحال الليل دقيت على اختي و قلت ليها خرجي و ارمي ليا شي موس من الشماسة راه نفتحها قالت لي لا و الله منخرج. اش ندير يا ربي واش غادي نبقا هنايا تلصباح؟؟؟؟.قلت ليها اعطيني شي معلقة من تحت الباب بمشقة الانفس دخلتها ليا تندابز مع ديك البارتيا اللي مرتبطة بالبوانيي باش نخرجها من الباب و تعوجت ليا المعلقة و هي تعطيني وحدة اخرى و في الاخير تمكنت من فتحه و الخروج الى بر الامان.

الثالثة

واحد النهار كنت غادي ندي معايا بنت اختي الى المدرسة كمستمعة. هيا هاديك فاقت و لبسات لها ماماها الحوايج و عطاتها فطورها في محفظتها و صافي قلت لها يالله .ركبت في السيارة اللور و بسم الله شدينا الطريق. وصلنا للمدرسة و هبطنا .خذيت الساروت باش نفتح القسم و سمعت الدراري ديال 3+4 تيضحكوا و بديت نستغرب هاد الدراري مربيين ماشي عادتهم هذه مهم نخلتهم و نسيت الامر دخلوا تلامذي و كنت ندرس 1+2 و دخلت معاهم و جلست في مكانها . هيا هاديك درنا الدروس ديالنا و قبل الاستراحة كانت عندنا حصة القراءة: اللحة القرائية و بديت نوض الدراري فرادى باش يقراوا. قلت بلاتي تقرا حتى هي فعلا هذا ما حصل انا تنقول ليها و هي تردد.
خرج الاطفال الى الاستراحة و بقيت هي .زعما راه خالتها اللي هي انا غادي تعطيعا الاكل و تشوف شنو خاصها فاذا بي بحركة عشوائية انظر الى الارض و ارى العجب . شفتها لابسة صندلة وحدة و رجل الاخرى حفيانة .قلت ليها فين صندلتك؟؟ قالت لي في الدار .أو عاوت السؤال و ردت بنفس الجواب و انا ميتة بالضحك قلت لها غي تتكذبي قولي لي فين هي؟ و بديت نقلب محفظتها و القمطر و لا شيئ و أنا لم استطع تمالك نفسي من الضحك قالت لي راه قلبت عليها ومالقيتها . لهذا كان التلاميذ ديال 3+4 تيضحكوا وانا ما جايبة للدنيا خبار.في آخر الحصة هزيتها حتى حطيتها في السيارة عاد خرجت التلاميذ.

نتمنى منكونش طولت عليكم بالكتابة استسمح راه بان ليا داكشي كثير