منتديات دفاتر التربوية التعليمية المغربية - ادخل لتستمتع بأعذب ما أنتجته المجموعة الشهيرة المشاهب

- دفاتر الترفيه والتسلية (https://www.dafatir.net/vb/forumdisplay.php?f=190)

إلى الأمام
واعدنا والميعاد ليوم***ماجاري فالقدس وبيروت
هما استاعنو بالعجم وروم **** حنا مانخليوا الدم يفوت
كل دولة تعطي العوين *** نواجهو المصير بمرة
إفريقيا والشرق اثنين *** المغرب العربي يا حصرا
الدنيا كلها مسلمين *** كيف نديرو لهاد الحقرة
ياك هذا زعما وقت اخر **** والسلاح فيديكم موجود
كل واحد منكم صابر***** يستنى لاخر ينوض
لعدى لقى الوجبة و غدر*** **زعم وتعدى الحدود
وكتب على حيوط القدس إسمه بالعبرية****لكن
نادينا للسلام مابغيتو **** جربتو فشعب بريء صاواريخ نووية
شعب العلم ما هديتو**** ماساندنا هتلير ولا جيوشو النزية
لكن الى الأمام ***الى الأمام
غزوا قصبة غديرة******ولا عدى الأمم خلاتو
يا حصرة عينو بصيرة **** على الشعب ضاعت حياتو
يا أهل النجدة و الغيرة **** نكايد و مصايب ما فاتو
قلب الشرق مصايب *** منكر بالبيان
تحركات الصهيون من جديد**** وغزات لبنان
فالحاضر والغايب **** صرخات الحبايب
شعلات النيران من نعيد ****دخانها يبان
*****************************

دابا تشوف
لسلاف خلاوا وصية****أمانة لأجيال ليوم
حكاوا مسليل هي****وصلت فالزمان المعلوم
دابا تشوف دابا تشوف
دابا تشوف وتعدرني داباتشوف
الزمان الماجي دابا تشوف
تشوف ياخلاني دابا تشوف
ويهيم حالك انت و دابا تشوف****** كيف هام حالي أنا و أجي تشوف
يبان ضوك أنت و دابا تشوف ****** كيف بان ضوي أنا و أجي تشوف
ويهيم حالك انت و دابا تشوف****** كيف هام حالي أنا و أجي تشوف
تزيان أيامك أنت و دابا تشوف ****** كيف زيانت أيامي أنا و أجي تشوف
قرن العشرين ما خرجنا من محانو في زمانو****هايمانو
ويكون بغرد الخلال**** نحارب الأيام
الملة والمغقول غيبو ***والقوت مرار طلعت وزانو
راسي راسي يا لايمي *****وعراجت الأعوام
الشباب اللي نديرو فكتافي با ويلي جلاوه بالتخدير
ضاع وقتو وبقى متلافي مان اللعن وسقط فالبير
ماطالب ياقوت والذهب ولا فضة**** ما طالب خيول مسرجة ولا جاموس
بغيت أنا سعدي يفيدني غير فالشدة**** من يدري يوريني الطريق نقطع وندوز
لاتخلعك الحياة ليها تجند****خدم بالجد لاتبقاش كشلان
تجيك الساعة زينة وليها تكون واجد******لاترفد هم لاتأمنش بالنسيان
دابا تشوف دابا تشوف
دابا تشوف وتعدرني داباتشوف
دابا تشوف الزمان الماجي دابا تشوف
تشوف ياخلاني دابا تشوف
راه الفلك يدور والسوايع بدالة
*****************************

لقد ذكرتنا باللأيام الخوالي شكرا لك ا

لمجد للاثتقاضة. المجد لامهات الشهداء.المجد لمحمد جمال الدرة
المجد لشهداء الحاضر و المستقبل. المجد لاطفال الحجارة
يا عرب يا مسلمين يا سلالة اسماعيل
هده جحارة من سجيل ترميها اطفال كطير ابابيل
المجد للاثتقاضة النصر لفلسطين
ضاعت طبريا ضاعت حطين
فكل المعارك يا صلاح الدين عاد التاريخ خطواتو
خسارة جنود ماتو نساتهم السنين
لعدو جمع قواتو و بتخطيط متين وزع فلسطين
و احنا ما زلنا يا حسرة بماضينا معجين
ياما حكينا عن صلاح و الرمح الناحر
لدهم والدرع والسيف المسلول
ياما حكينا عن صلاح الدين القاهر
عن الماضي والشجاعة والاصول
داك الزمان فاش صلاح الدين نتاصر
من يومها و باب خيامو مسدول
لخيام رشا ثوبها سيف لهند تكسر
لدهم الواثب يالعربي ولى معلول

من ضعف اللأمة سارت عيادها تفزع
غلا حالها على الضعيف وكتر التلياع
يتكلف هاد العيد بعدو تاني يرجع
عيد ثاني يزيد لحالو توجاع
شارب الهموم ياخي وبها يقطع
هكداك طول النهار عقلو في تصداع
من غلا لمعيشة راه لخصيّم صبرو ترفع
بهايمو وكلابو بايتة الليلة في تجواع
لاحولة غير بيك يالعالي تنفع
ضعف الأمة الزايدة في ضياع
كبش الضحية آناري ولا يخلع
هكداك اللوز والثمر والكركاع
كسوة الصغار كل عام سومها يطلع
معاها جيب المسكين ياويلو في توزاع
لاحولة غير بيك يالعالي تنفع
ضعف الأمة الزايدة في ضياع
خجل ماضيها نزل حلف لا بغى يطلع
طايحة تابعة طايحة بتثلات وترباع
حاضرها مهزوم والخوف من عيونو يسطع
المستقبل الزاهر خلّاه في تساع
كلمات= محمد باطما
لمشاهب