|
هدا كلامي ف المرا....
مراتي ......
مـْراتي نجيبْها من دار البَّاها نعـرَّسْ أنحضـَّر الخـْوانْ إلى كان قلبي حبها وبْغاها بالحق إلى كان ذبحْ علِيها وسمَّاها بالحق إلى كان علمْها وربَّاها معايَ ترتاح مزيانْ إلى تقبلْ عيشـْتي وترضاها تـْرَك الغـْنانْ إلى بغاتْ نعيش مْعاها تسمعْ الكلام ْ طبـَّق الحـْكامْ.. ما تعـْصاها تجنبْ الخصامْ أمَا تمـْتـَمْ بْ شْـفاها مطـْواعَه بْ الدوامْ ألا راه الدَّبْـزَه تلـْقاها مسْرارَه فْ الغـْرام ما تحداني ب جـْفاها ألا تلقى ضرَّه حـْداها المْرا راهْ كيفْ سلـْعه شي باعْ أشي شْراها بالحق تبلغ الرَّفـْعه إلى تحتارمْ أديرْني بحال بَّاها تـْعاون علْ الزمان ما يكون العـْناد عْماها أجـيني يا لالا َّ كيفْ الوردَه هي تعطـَّرْ وانا نڭول حْليلتي محْلاها خـْلي لـْوانك شهـْده ِوِذوب القلب فْ هواها نزيدكم ألا براكه ؟ههههههههه سمحو لي أنون النسوة ..غير بغيت دوزو الوكاند مرتاحات ههههههه |
أسجل المرور ولي عودة لهذه المناوشة....مودتي أخي التيجاني
|
مررت وسأعود .. تقبل تحياتي.
|
تشرفت النساء ببوحك يا أيها المبدع القدير ، حرفية في اختيار الكلمات ، وتمكن من أدوات الفن..دمت رقراقا يا أخي..
|
المْرا راهْ كيفْ سلـْعه شي باعْ أشي شْراها نزيدكم ألا براكه ؟ههههههههه سمحو لي أنون النسوة ..غير بغيت دوزو الوكاند مرتاحات ههههههه أفين هي الراحة من بعد هاذ السم اللي زرعت؟ أولى قول لي: جيت تكحلها...عميتيها...:blow: |
لمرا كائن رقيق ومزيان كتخليني تايه بحبها ولهان الى سمعت غنة صوتها الرنان يطير قلبي فرحان بها ونشوان شهدو علي يا ناس هذ الزمان انا مانقدرنفرط فذاك الزين الوسنان اعذرني اخي التيجاني ان تطفلت على الزجل...واقول لك: ابدعت ايها الحريف فيما نظمت.... دام لك الألق والتألق لك تحياتي ومودتي.... |
أسي التجاني..
كيفاش لمرا غادي ترتاح معاك أو نتا نيتك ناقصة من الأول أو على الدبزة معول أنتا بغيتي خدامة ماشي مرا تعيش معاك شوفتك لمرا ناقصة من الأول كيفاش تبغيها تحتارمك أو معاك تطول تهددها بالضرة أو على عوانها معول هذا مستحيل تديرو مولات لعقل راك غالط أمولاي فقوالك أو لحكمة خاطيا فعالك سمع نصيحتي ليك بلا ما تزيد فالكلام أو طول ارجع لقرآن أو السنة أو لِّما فهمتيها لا تنسى تسول الوالدة و مالين الحكمة و العقل علَّاه عقلك إتنور أو ترجع علا عنادك أو قوالك أو طلب اسماحة من اللي حطاتك نهار الأول سمح ليا السي التجاني را ه جاتني الحمية على بنات جنسي...هههههه |
اقتباس:
و عبرت على التجاني راه هو اللي خاصو الدبزة |
شفتك أخويا التيجاني جبدت كاع اللي مخبي ليك فالقلب هههههههههههه ماتكشف كل أوراقك خلي شي حاجة لدواير الزمان... تحياتي لك أخي زايد على هذه المتعة والمناوشة التي زادت من زخم المساهمات النسوية.. |
من العنوان يعلن التيجاني (مراتي) أي ليست أية أمرأة... المرأة كما يراها ... لابد من شروط ...بنت دارهم... ...الحب...التربية...القناعة...الطاعة ...الإبتسام...الإحترام....حتى تعيش معه مرتاحة...وإلا ستجد العتاب والخصام...أو الضرة...إن لم يقل الفراق.
كما عليها مساعدته على الزمن والإعتناء بنفسها حتى تنال المكانة في قلبه... لقد وفيت بوعدي وعدت لألامس المضامين ...مودتي |
بلا تحزار بلا تصفيق التيجاني خاصو يفيق كثر بزاف هاذ المرة وزاد في الظلم والحكرة واش المرا بنادم ولا عبد أو خادم شوف زين الرجال آش كال وتعلم منو حسن لمقال كيف انت كتشرط هي من حقها تشرط الى ماكان سيدي ومولاي عمرو ما يطيح لي في لبال تزيد نزيدو هههههههههههههههههه بلا تحية هاذ المرة ههههههههههههههههه |
تبارك الله عليك أستاذ التيجاني ..
قل لي انت منوضها حرب مع النساء وأنا أتساءل لماذا غاب التيجاني عن بلاهوادة ؟.. بقيتي تمة .. الله يزيدك احتراماتي |
اقتباس:
إن صدحت بلابل السلام على التيجاني السلام.... ههههههه:_1_prv: |
اسمع آ السي التيجاني هاذ الشاعر الوديع آش كيقول في حواء : أآدمُ لو تعلمُ.. حواء لم يكفها.. أن تبيح لنا.. أكل التفاحة! أآدمُ لو تعلمُ.. حواء لم يكفها.. أن تغص حلقنا.. وتحتل في قلبنا.. كل المساحة! أآدم لو تعلم.. حواء صارت.. تنصب للعطشى.. كمينا جوار الواحة! وتؤرق جفوننا.. كلما ارتمينا،كَلَلاً، على أرائِكِ الراحة! أآدم لو تعلم.. حواء صارت.. تُشْهِر صوبنا.. بنادق عينيها، وترمينا قنابل (...).. فتمضي في جراحنا ذباحة، والقلبُ لم.. ينْسَ بعدُ جراحه! ع.الحق الغلاق اللهم اكفنا شرهن |
السي التيجاني ضحكها ليا
وخى كانت غايبة علي حيث المرا الحرة ما تقبل هذ الهضرة و ما تخاف من الضرة بعزة نفسها معروفة باينة للعيان مكشوفة و السي التيجاني عينو ف الدبزة و الله ما تبقى عندو امرا وخي تخرج تخدم غ بالخبزة. ...................... مع تحياتي و لي عودة للموضوع ان شاء الله . لكني أسجل بأن السي التيجاني بدأ يتلقى الدعم . و هذا يتنافى مع ما أعلنه في البداية. ( قال عندو 100 مرا بوحدة) مع تحياتي للغلاق |
الاستاذ نورالدين فاهي
في انتظار عودتك تقبل شكري مودتي |
الشاعر علال
أكيد تشرفت بعض النساء ببوحي لكن الاكيد ايضا أن هناك من لم يعجبها بوحي ها انت كتشوف ..ماكلت غير الحق .وكما علق الزجال أمين : تلك شروطي في المرأة التي أختارها ..أنا حر ..هههههههه لكن متى تشرفنا انت باسمك الحقيقي في هذا المنتدى يا ابن الشرق ؟ مودتي |
خوي المزيودة خويا التيجاني لم اكن اعلم ان لك صوتا مدويا مجلجلا في الزجل شكرا على المساهمة |
اقتباس:
محامية انت واشمن محامية ....... بالحق ، أنا وياكم والزمن طوييييييييييييييييل هههههههههه مودتي ايتها البارعة |
اقتباس:
راك عرفتي العيالات ..شويه د العصى عاد إسكتو ودخلو سوق روسهم هههههههه بالحق شي وحدات واعرات شويه .. مودتي |
اقتباس:
شكرا على هذه الزجلية التي تردين فيها علي لكن في الحقيقة أنا أعني دائما المرأة القبيحة الافعال لا كل النساء . وكنت أنتظر منكن هجاء القبيح من الرجال لا الاكتفاء بالرد علي ....إمكن عزيزه عليكم المدابزه هههههههههههههه مودتي |
اقتباس:
أنا كنعاير المرا الخايبه ماشي العيالات كلهم واه .... ماترودنيش عدو النساء ...أولا باغيين غير الدابزو معاي ؟ ههههههههه في الحقيقة كما سبق وأن أشرت ، كنت أنتظر هجاء الخبيث من الرجال كرد فعل على هجائي للنساء القبيحات الافعال .لكن الاخوات مع الاسف يكتفين بالرد على زجلياتي فقط ..طبعا هو رد مقبول وأعتز به ، لكن يجب السير معي في الخط الصحيح . مودتي |
اقتباس:
طبعا لازالت عندي بعض الصواريخ الاخرى التي لم أطلقها بعد داير ب حسابي ..عارفهم ماسهلاتش سعدت برأيك مودتي أيها الصديق |
اقتباس:
تعرفين لماذا ؟ لانك تتكلمين عن المرأة عامة ..لكن أقصد فئة فقط ...فئة الطالحات .اللهم أن تعتقدن خطأ أن كل النساء صالحات ههههههههه انتظري مني هدايا أخرى أنت وفوزية أمين و.... مودتي |
اقتباس:
القرطاس واجد ..والطرائد كثيرة ههههههههه بالحق شي وحدات لقيتهم واعرات. خصني معاهم سلاح جديد ههههههه طبعا اعذر غيبتي في بلا هوادة ..لقد فتحت جبهات كثيرة ..الوقت يداهني ..العمل ..البيرمي ..هههههه شكرا على القصيدة الجميلة مودتي ايها الودود البهي |
اقتباس:
|
سمعني يالتجاني و حل و دنك و تول راك دخلتي لحمام العيالات بلا ما تعول و أنا على مرارت خصامهم سول يتحاماو عليك شي يغوت و شي يولول سيدي عبد الرحمن المجدوب قال سمعو يا النسا و ردو البال سوقكم سوق مطيار يوصي الداخل يرد البال توريو من الربح قنطار و تديو راس المال كلامكم تديرو منو موال و ديما تقلبو عل المحال التجاني قدو يصبر شحال على خصامكم ما هو عوال حتى أنا ... غير تكلمت حيث بقا في الحال لكن كلام الحق يتقال المرا فيها الزوجة و الأم و الخاتات والمثل يقول اللي ماعندو بنات ما يعرفو حد باش مات قلوبهم بالعطف و الحنان عمرات يديونا منها الكافي بلا حسابات واخا يغلطو بعض المرات نغفرو لهم راه غير عيالات سمع يالتجاني و افهم حتى الرجال فيهم الشماتة و الشهم منهم اللي يقيل ينكر و يبات يفهم يتحاسب مع مراتو عل الدرهم و فيهم بحالك ما شاء الله متفهم واخا قصيدة مراتي كلام مستلهم من واقع هاذ الزمان المتجهم باراكا من الحزن باراكا من الهم النسا و الرجال لحكمة ربي خلقهم و لاستمرار الحياة ربي زاوجهم يوصلو السفينة للبر ربي يعاونهم |
أتصور لو كنت بينهن . كن يوزعنك ..
تحية لك أخي التيجاني ولهن .. عجبوني فيك .. |
اقتباس:
اقتباس:
حتى انت يا خاي نور الدين آش فيه ما يتوزع؟ باراكا علي وزيعة نفسه بين حبو للمرا والنقمة عليها تحياتي اخي نور |
اقتباس:
رائع أخي إلهامك... كريمة قريحتك.. نظمت في الجنسين فعدلت.... دمت أخي متألقا |
اقتباس:
ثم إني لم أطلب الدعم من أحد ..وإن جاء من أحد فأهلا وسهلا ألا خفتي نغلبوكم ؟ ههههههههه سكود آخر راه واجد ..قريب نطلقو ... مودتي |
أخي العزيز الزبير
شكرا على التشجيع والاطراء سعدت بتعليقك مودتي |
الأخت أم أيمن
شكرا على الاطراء طبعا افتعلت هذه المناوشة لإدخال شيء من الحيوية والنشاط على النصوص ...والعقول أيضا والنفوس ومرحبا بك دائما قارئة ومعلقة مودتي |
الاستاذ إدريس
شكرا على الزجلية المعبرة لو اعتنيت بها قليلا لجاءت رائعة طبعا أوافقك الراي على طول الخط مودتي |
اقتباس:
اقتباس:
عرفتي علاش ؟ لحقاش غلبتهوم ف الكلام هههههههههه واخا عجبك كلامهم ...بالحق تسنى واحد سكود آخر ف النسا .... مودتي |
| الساعة الآن 03:52 |
Powered by vBulletin® Copyright ©2000 - 2026, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها