|
الوصفات المجربة الرائعة من اللقاء المفتوح
بسم الله الرحمن الرحيم السلام عليكم ورحمة الله وبركاته
http://www.anaqamaghribia.com/vb/ima...ilies/1/67.gifhttp://www.anaqamaghribia.com/vb/ima...ilies/1/67.gifhttp://www.anaqamaghribia.com/vb/ima...ilies/1/67.gif الى كنتوا من مستمعات اللقاء الفتوح الي في الراديو وسمعتوا شي وصفة وجربتوها وطلعت زوينا نشاركوا بها هنا ويكون الموضوع متجدد وتعم الفائدة ان شاء الله علينا كلنا كنتمنى يكون التفاعل من المشرفات والعضوات ان شاء الله |
السلام عليكم و رحمة الله و بركاته.......
فكرة جميلة جدا .....جزاك الله خيرا اختي ام اسماء للاشارة فاللقاء المفتوح برنامج يبث على الاداعة المغربية و على قناة المغربية من الاثنين الى الجمعة على الساعة التاسعة صباحا الى غاية الساعة الثانية عشر.. لي عودة للموضوع ان شاء الله ...... |
السلام عليكم.من فصلكم اريد مقادير لاكلاص وتكون مجربة.وشكرا |
عندي ليك يا اختي لاكلاص ديما كنديرو وكيجي افضل من ديال الزنقة بشهادة الجميع ا اليك المقادير حك بوريسيما 2بيضات 2 دانونات ديال الفاني حامضة كبيرة ..
الطريقة نديرو بوريسيما فالفريكو مدة ساعة ومن بعد نفتحوه ونطربوه بزربة وخا غير بالطراب ديال اليد الى مكنش موجود ديال الضوء ونديروه في شي حاجة ديال انوكس ونردوه لفريكو ناخدو البيض ونزيدو ليه 6ديال المعالق كبار ديال سنيدة وحامضة معصورة ونطربوه مزيان واحنا كنزيدو ليه دانونات ومن بعد نخرجو الخليط الاول ونضيفوه للثاني بالنسبة للنكهات انت غادا تفرقي على حسب شنو عندك ممكن تديري معقة ديال الشكلاط فنص الخليط والنص الثاني تزيدي ليه الفاني اما الى كان موجود عندك النكهات فاكيد غادا تتفنني فيه وديري 5 ديال الاشكال او 6 نكهة البسطاش مع الملون اخضر والحامض بالملون اصفر وطبعا نكهة الفريز بالملون احمر والفاني خلي لونه ابيض وتديري الجميع فطاسات مفرقة وترجعيه للفريكو مدة 3ساعات غير جربوه والله متندمو عليه غاديين تهناو من ديال الزنقة ملحوظة** منين تطربو مش ضروري يختر طربي في 5 دقايق الخليط الاول و5 دقايق الخليط الثاني نتمنى يعجبكم . |
شكرا لك أختي وفية دفاتر على الوصفة دمت متألقة |
شكرا لمروركم على موضوعي وهذا شرف لي ووسام على صدري وهذه وصفة مجربة********** الروز بالفروماج المقادير************** ------ * 1/4 روز كلاصي مسلوق *3او4 خيزو على حسب الحجم محكوك في الحكاكة الرقيقة * بصلة مشلضة رقيقة * 2 فروماج * شوية الملح * شوية ابزار * شوية زيت او زبدة الطريقة ------- نشحروا البصلة في الزيت او الزبدة حتى ترخى ثم نضيف خيزو ونبداوا نحركوا حتى نحسوا به داب نضيفوا شوية ديال الملح والابزار ثم نضيفوا الفروماج ونحركوا بعد دلك نضيفوا الروز ونحركوا مزيان حتى ينسجم الخليط . كيجي لونوا سومو غزال والمداق لديد. ملاحضة ------- الروز الى بغينا نسلقوه كنديروا عبار ديال الروز ب 3 ديال الماء وكنديروا معاه شوية ديال الملح وشوية ديال الزبدة او الزيت ونردوه على نار مهيلة بزاف حتى ينشف الماء كيجي بحال الى فورتيه. بالصحة والراحة ايوا جربوه وردوا عليا الخبار عصير رايبي كذاب هههههههه طرف ديال الكرعة الحمرا مفور 3 ليمونات معصرين دانون فاني خنيشة فاني السكر على حساب |
فرماج ديال الدار نصف لتر حليب 2 كؤوس حليب غبرة 2 فرمجات مربعات 1 خمارة نديروا كلشي في الخلاط ثم قريعات والى ثلاجة كيجي جاري من بعد غدي يقصاح بوحدوا المايونيز المقادير : _1 كأس صغير ديال الحليب _1 كأس و ربع صغير ديال الزيت _ ربع كأس صغير ديال الخل _ 2 فرمجات _ شوية الملح الطريقة : في الخلاط الكهربائي كنعملو الحليب + ربع كأس الزيت + الفرماج + شوية الملح. و خلطهم مزيان من بعد نزيد الزيت اللي بقات شوية بشوية مع التخلاط و آخر حاجة هي الخل و بطبيعة الحال مع التخلاط في الخلاط الكهربائي حتى تعقد |
خيزو مقلي من اللقاء المفتوح
تاخدي القدر اللي بغيتي تقطعيه بحال الفريت وتدردري عليه الملحة وتخليه شي ساعتين من بعد تغمسيه فالطحين فالطحين تم البيض وتقليه |
| الساعة الآن 05:04 |
Powered by vBulletin® Copyright ©2000 - 2026, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها