|
المواقف المحرجة سواء كنت انت بطلها او شخص اخر
بسم الله الرحمن الرحيم اللهم صل على محمد وال محمد السلام عليكم ورحمة الله وبركاته عموما دائما ماتحدث لنا او لغيرنا و في بعض الاحيان لاناس لا نعرفهم مواقف محرجة وتكون محرجة فى لحظتها ولكن تكون مسلية عندما نتذكرها . فما هو أطرف موقف تعرضت له أو سمعت عنه؟؟ |
نعاودلكم واحد القصة واحد بنت العائلة تزوجت وخوها قالهم والو غي انا اللي نهز معاهم العمارية هي هاديك دخلت العروسة للعمارية وبقاو هادوك اللي هازين كيشطحو بيها تاقنين خدمتهم ومولفين الهزان فواحد اللقطة هوما رجعو بيها اللو وهو تفلتلو من الكتف العمارية وتتكركب اختو فالارض هههههههه شوهة واشمن شوهة واتجامعو عليها جمعوها من الارض وفوتوها ديركت لبتها كمدت جنابها ههههه اما خوها خوا الدار عياو ميقلبو والو سلت سلتا ديال الصح. واتسجلت اللقطة فالكاسيط ديال العرس لحد الان اللي شافها كيسخف بالضحك. |
واحد الاخت كتعاود على موقف غش في امتحان: كان عندي فرض فالفيزياء والكيمياء ومامراجعة والو ...ايوا يالالا وانا نقول لواحد البنت صاحبتي انا نعطيك الكيمياء وانت عطيني الفيزياء قالت لي ولا عليك صافي ..ضمن بعدا الفزياء ههههههههههه وانا نمشي نقلب على اللي مراجع الكيمياء ولقيت واحد الولد وتافقت معاه نعطيه الفيزياء وهو يعيطيني الكمياء ..تلفتوا ياك ماعليش ايوا دخلنا القسم كلست البنت قدامي والولد ورايا ..البنت اللي كتبتها ترميها ليا وانا نكتب ونعطي للي ورايا ومسكين تاهو يخرج ويعطيني ونكتب ونعطي للقدامي حتى سالينا هههههههههههههه..سالينا احنا الاولين..وخرجنا وبدينا نتناقشوا فالاجوبة البنت كتقوليه خرج ليا كدا وكيقول ليها الولد ياه حتى انا ههههههههههه وانا ميتة بالضحك مشيت فحالي وخليتهم ..ونهار بغا يعطينا الاستاد الاوراق لقا انهم مناقلين وانا لا حيت بدلت شوية فالاجوبة والطريقة ههههههههههههههه ..ولكن الحمدلله ماقال والو وبقاو هما كيتعجبوا ..وصدقت انا جايبة معدلي فالفرض هههههههههههه ياااااااااربي تسمح ليا كانت اول مرة واخر مرة |
شنو زعمة حتا واحد معمر حصلو شي موقف طريف او سمع به؟؟ |
شنو زعمة حتا واحد معمر حصلو شي موقف طريف او سمع به؟؟ |
ما عليهش انا نقول لكم واحد الطريفة واخا صغيرة هدا واحد الاستاد شوية مسكين مزنزن اللهم عافيه ولا تبتلينا المهم عندو مشكل مع الاساتذة حسب ما كيظن هو جلست حداه ابقيت كندور معاه الهضرا اكنشكر له فالاساتدة كنقل له فلان بعد راه راجل مزيان اهو يقول لي فلان اااا الله انعل جدو اجد اللي يقول مزيان على نيتو انعاود له لكن افلانة كاع احسن منهم اااااااا فلانة الله احرق بوها ابو اللي اقول احسن منهم لالالالالا السي فلان الاستاد الفلاني هو ف الحقيقة شوي ااااااااا فلان الله اتلفو وتلف اللي اقول شوي ابقيت كنضحك انعود انشكر له انعد له ف الاساتذة والاستاذات حتى شبعني سبان بلا ما ينتبه المهم المشاركة هههههه شكرا اختي |
ههههههههههههههههههههههههههه
ههههههههههههههههههههههههههههه قتلتوني بالضحك ليلى خدمتي نبيهة ههههههههه و محمد بن محمد هذاك الاستاذ راه ماكنش يحملك غير انت حيث شبعك سبان و خلا الاخرين هههههههههههه |
ليلى انت شيطانة تبارك الله عليك عرفت دبري على راسك في الامتحان |
اختي كان كتسنى نتيجة فالامتحان ديال المفتشين فقنيطرة....تقريبا نهار ثاني يوم فعيد الفطر تدق الباب مشى واحد ولد خويا يحل الباب وجا يجري مع الدروج ويعيط عليها ا فلانة راه البوليس جاو جاو وهي تنوض بحد السرعة وانا من الفرحة ديالي كنعيط لخويا واجري راهم جاو راها النتيجة بانت واختي مشات كتلبس شي لبيسة نيت باش تبان بيها... مشات واحد ختي اخرى طلت مع الشرجم وهي تقول لينا راه هذا غير واحد الراجل كيسقسي ... راه انا من هاذ الموقف ضحكت حتى بكيت وطحت من طولي على الارض واللي زاد من ضحكي ولد خويا غير اللي شافو كيقول عليه بوليسي انشالله يعجبكم هاذ الموقف |
تبرك الله عليك يا ليلى
أنت مرحة حفظك الله و رعاك |
ههههههههههههههههههههههههههههههه
شبعتوني ضحك حتى نسيت راسي |
اقتباس:
شكرا لك محمد على المشاركة الطريفة دمت بالف خير ودائما متألق |
اقتباس:
مشكورة الهام على المشاركة وولكن عاودي لينا شي موقف من عندك انا متأكدة انو عندك بزاف ميتعاود في انتظار موقفك الطريف |
اقتباس:
لا يا غزال راه ماشي انا. راه واحد الاخت هي اللي كتعاود بلسانها |
اقتباس:
مشكورة يا غزال على الموقف الطريف واكيد عجبنا في انتظار المزيد |
اقتباس:
الله يبارك فيك يا ملاك ويحفظك يا رب في انتظار مواقفك الطريفة يا ملاك |
hhhhhhhh ههههههههه قتلتوني بالضحك الله يعطيكم الخير شكرا اختي ليلى
|
اقتباس:
بصحتك اختي ايوا حنا نتسناوك تعاودي لينا شي طريفة .كنعرفو بلي جودي عندها ميتعاود يالله جودي نحن في انتظارك |
hhhhhhhhhhh merci
|
انا واحد المرة مني كنت كنقرا في لافاك طلعت لطوبيس وكان عامر وكلشي كيدفع باش يدخل ويشد بلاصة
ختكم حتى هيا خاصها تدفع باش تدخل وتجلس على شي كرسي الى بقى المهم دفع يا ما تدفع اوا طلعت وانا طالعة في دروج تاع الطوبيس كنلقا رجل فيها صندالة ووحدة لا وانا نتخلع الى زاد الطوبيس بقيت حفيانة حيت من كثرة الدافيع شي حد عفط عليا (ياك فهمتوها).بديت كندفع عاوتاني باش نخرج ونجيب صندالتي وفعلا لقيتها ولبستها ورجعت لطوبيس وما بقات لا بلاصة لا والو ختكم مشات واقفة المهم ما نمشيش حفيانة |
اقتباس:
ههههههه اه صراحة اللهم تمشي واقفة ولا حفيانة تبارك الله عليك توأمي |
الســــلام عليكم و رحمة الله تعالى وبركـــاته ^^ فعلا أختي هنـاك عدة مواقف محرجة و لي خصيصا ما لا يحصى هههههههههه و من البديهي و طبيعي أن أشارككم بها حتى تنفرج الصدور .... |
1- واحد نهار منين كنت فالتاسعة -أي العام الماضي- اختارت السادة تلميدين كفوئين من كل قسم عندها باش يحضرو للتقاء 2 رجال ألمانيين في المؤسسة صيفطاتهم النيابة... لمهيم كنت أنا منهم..دخلنا و كتبنا ليهم فسبورة قبل ما يجيو Willkommen يعني مرحبا بيكم... جاو بداو كيهدرو غير بالألمانيا للي كاعما مفرزة ما فهمنا حتى حاجة غير كيهدرو معا السادة المهيم تفاعلنا شويا و هضرنا شويا معاهم محيت سولنا واحد فيهم... شويا و هو يكولينا واش نهضر بالفرنسوية وا ضحكنااااا محيت تااا عدبنا شحار عاد بانت ليه.. لمهيم دخل المدير و هو داك الألماني إ سول واحد البنت واش عندك ختك ؟ قاتلو أأأ ؟ جا المدير كيغوت و قاليها واش عندك ختيييييك.. وا لموت ديال الضحك وا مفهمناش كيفاش فهمها و سادة ضحكات و كولشي... نتمنى تعجبكوم... |
2- واحد نهار فالتاسعة نيت, كنا عند سادة دالفيزياء و المهيم قوت الهدرا فالقيسم و ضحك جات هيا تعصباااات و قاتلينا : sayé j'en ai marre de vous !! وا كولنا ضحكنــــا , إلا عرفتو لاش ؟؟؟ محيت فكراتنا بأغنية نجاة عتابو ديال j'en ai marre. |
3- هاد العام فحصة ديال الإنجليزية كانت السادة كاتقول أسئلة و أجوبة وانتا خاصك تعاود تقول سؤال و اللي جاس حداك إ جاوبك... لموهيم قاتلي أنا و اختي -التوأم ديالي- نديرو و أنا ما فهمش اللغة مزيان محيت قرينا الإنجليزية إوا واحد سؤال what does hi look like أنا حسابني شنو كاتبغي دير و أصلا بدينا الأسئلة ‘لى الأخت ديال اللي حداك - يعني توأمي سولني شنو سميت ختك و شحال فعمرها و هذا السؤال- إوا بقينا كان تفتفو وسادا كات عاونا و كاتقول slim tall short average weight يعني الوصف إوا بقينا كان خلطو ليها كولشي قولنا طويلا و قصيرا و old nd young إوا سادة كانت غا طيح بالضحك. |
انتظروا مني المزيد إن شـــاء الله. |
اقتباس:
هههههههههههههههههههههه حتا أنا ديما فصداع مع طوبيس |
أستاذنا ديال اللغة العربية كعراااار نشوفوه غير ساعتين في الأسبوع ودوز علينا كحلا لمهيم كان يشرح الدرس ديال كيفية قراءة الصورة أو الملصق الإشهاري وهو يقول لينا يدل اللون الأسود على الخوف والحزن , والأحمر على الخطر فعلى ماذا يدل الأصفر يا ترى؟ بقينا ساكتين حيت عارفينو ما يقولش نعم إجابة صحيحة أبدا,1 صاحبتي تجلس قدامي فالمقعد ماكانتش عايشة معانا فالدرس كانت تقلب فصفاحي ديال لكتاب وحد شويا وهي توقف أستاذ أستاذ أستاذ بلغوات وملي قلها مالكي قالتلو " لنغير سلوكنا" لقسم كامل تقلب بالضحك ضحكنا حتا بكينا والغريب أنها بقات كتشوف فينا مستغربة علاياش كانضحكو وكانت هادي أول مرة نشوفو فيها الضحكة ديال أستادنا لي ديما زعفان ومقلق |
اقتباس:
شكرا لك ايمن على مشاركتك لنا ذكرياتك اكيد اعجبتنا دامت روحك المرحة وفي انتظار عودتك |
اقتباس:
ههههه ايوا راه عندها الحق"لنغير سلوكنا" راها غيرت من الاستاذ اللي تغير القلق ديالو الدائم الى ضحك مشكورة alice-beauty |
| الساعة الآن 19:58 |
Powered by vBulletin® Copyright ©2000 - 2026, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها