|
أيام الدراسة وذكرياتنا داخل الأقسام
السلام عليكم ورحمة الله و بركاته أظن ان العنوان واضح جدا اخواني،اخواتي اذن كل واحد(ة) يشارك معنا ببعض ذكرياته ايام الدراسة فأجمل الذكريات هي تلك التي قضيناها في المدارس حيث لها نكهة خاصة بعض الذكريات جاءت على لسان اصحابها: الاولى: اختي الاكبر مني الى جبدها شي حد وحل معاها والصغيرة فينا درويشة .كان واحد الاستاذ بدا تيقري اختي الكبيرة والعام التالي الاخ .وملي جيث انا تنبان ظريفة مع قصيرة ورقيوقة قال لي باينة لي انتي احسن من خوتك مع من الاول ضربتو على الاجتهاد والاسئلة والاجوبة فرح ما جا فين كمل العام حتى قال لي الى جيتي تقراي عندي العام الجاي نخرج باباك من الشرجم ونقتلك وندخل الحبس وانا فرحاان المصيبة اظرفنا جات لعندو عيط ليها وقال ليها 2 كلمات بدلي القسم ما حملتكش من سميتك .واختي خويويفة عطاتها غير البكاء حتى قالت تبدل المؤسسة خايفة على سمعتها ... انما ما عرفتش مع ذلك كنت تنقرا مزيان .و تنجادل الاساتذة الى معجباتنيش فكرتهم اثناء النقاش ....والله يسمح لي منهم . الثانية نعاود ليكم على الرياضيات و ما ادراك ما الرياضيات ، ما عمرني عرفت كيفاش الناس كيفهموهم ، امشا لي راس الخيط من الاول و بقيت بحال السطل ، كان واحد الاستاذ ديال الرياضيات الله اذكروا بخير متحمس بزاف و كيبغي اقري مسكين و كيبقى يشرح لي ، يشرح لي و انا كنشوف فيه ما كنقشع والو فذاك الشي للي كيقول ، والله الى كنت كنحاول نفهم و لكن حتى حاجة ما كدخل لي لراسي ، و نهار الامتحان ديال الرياضيات كان ديما عندي كحل ، كنجيب ديما ناقص 2 ، فالحقيقة عندي 0 و لكن ديك ) ـ 2 ( حيت كيقول لي خلي الورقة خاوية الى ما عرفتيش و ما تكتبيش الخزعبلات ، كانت سوايع الرياضيات كدوز عندي بحال الدهر و كنت كنطلب من الله غير ما اقولش لي سيري للسبورة حيت كنولي ضحكة فالقسم تذكرت اختي المسكينة كانت عكسي تحب الدراسة و الحفاظة ؛ في امتحان الباكالوريا قالت لها صديقتها : غادي ندير نوي بلونش ، يعني قبل الامتحان لن تنام ليلة كاملة ، اختي المسكينة قلدتها و لم تكن متعودة على السهر ، وسهرت الليل كله تحفظ دروس التاريخ و الجغرافيا رغم صراخ امي و هي تقول لها ان التلاميذ لا يسهرون ليلة الامتحان ، و رغم محاولات ابي دون جدوى ، اصبح الصباح و عيناها حمراوان ، ذهبت الى القسم ، ذاك يوم الامتحان الاخير ، اتدرون ماذا وقع لها !!!! لقد نامت في القسم ، في الامتحان ، و ايقضها الاستاذ المراقب مرتين و كل مرة تقفز مذعورة و بكت كثيرا ، لم تستطع التركيز و الكتابة ، فلا ادري ما كتبته لكن كل ما اعرف انها لم تنجح المسكينة لانها لم تحسن التصرف |
الثالثة كنت تانقرا في السابعة أو كنت داخلة لساعة اللغة العربية إوا كانت معايا واحد البنت فيها الهضرة بزاااااف. ديرونجات الأستاذ. أو هو يقوليها يا الله أبنتي صرفي ليا فعل خرج في المضارع ، أو كونا نيت تانقراو أزمنة الأفعال. البنت على نيتها ناضت أو بدات تاتصرف . الله قالت : أنا أخرج أو الأستاذ قاليها يالله أبنتي سربي سربي أو تايدفعها جيهة الباب تاخرجها. أنا داك الديكور قتلني بالضحك أو بلا هوايا طلقت واحد لالاتي ضحكة. الأستاذ خنزر فيا أو قالي ياك ماتانتي تصرفي فعل خرج في المضارع ، أو مع كنت تانقرى عندو مزيان غير قالها ليا أو ضور وجهو زعما غير نبهني. |
الرابعة في القسم التالت تاني كنت مسؤولة على الخزانة انا وواحد البنت انا كنت مجتهدة وهي كانت كسولة هههه المهم كانت كلفاتنا الامعلمة نرتبو الخزانة اوا وانا كنرتب طاحت من يدي واحد البطة تيال جبس ماتسوى حتى 2 ريال ولكن البنت لي معايا قالت لي ناري اش درتي قفرتيها راه الى عرفات المعلمة راه ماعرفت اش دير ليك وانا خوافة ونية المهم عام عيشاتني فيه هاديك البنت في الابتزاز بكل انواعه نوريها في الامتحان ونقاد ليها التمارين ونعطيها لي بغات زعما منعاودش ليكوم حتى ولاو كيجيوني الكوشمار في اخر السنة جات عندنا المعلمة وقالت لينا انا وياها هاد الخزانة عامرة بالخوى الخاوي رميو عليا هاد الزبل وخصوصا هادشي لي بالجبس راه غير كيوسخ الخزانة .... ناري على شمتة وفقصة بغيت نبكي على عام ديال الابتزاز لي دوزاتو عليا هاديك الجنية |
hhhh
drôle d'histoires merci pour le partage |
الخامسة في قسم الثالت كان عندنا جدول الضرب وختكم ما عندهاش الوقت باش تحفظ فين غادي نخلي اللعب هههه واحد المعلم الله يعمر ليه الدار كان تيضرب لي ما حفض جدول الضرب كنا في االول تنكونو عدد كبير تنتسلخو بيني وبينكم المعلم كان تيحن علي وتيضربني في الاول غير بشوية لانني تنقرا عندو مزيان ولكن جدول الضرب ما عنديش معاه .العدد المسلوخين تينقص حتى بقيت بوحدي واحد النهار جاتنمي الحكرة وكان البرد .صافي عرفت راسي الاخرين غادين يضحكو علي غير قال لي عاقلة مزيان 5*4 واحد الدري قال لي 20 بشوية وااستاذ سمعو وانا نفرح راني جاوبت وهو يقول لي مزيان و 4*5 وقال لي قال ليها الجواب نسلخو وانا نوحل http://www.beautymaroc.com/vb/images/smilies/55088.gif عرفت راسي واكلاها وكلاها وانا نقول ليه شوف راني تنقرا مزيان وانا ما عندش مع الضرب ما بقا لي غير الجدول ديالو راني ماشي ديال الضرب انا ديال الزائد والناقص صافي . الاستاذ هو يتفرشخ بلبضحك وملي بقا تيضحك قلت ليه الحمد لله نمشي نجلس بلاصتي ياك وهو يستسلم .وقال لي سيري اجحا ديال القسم هههه |
اقتباس:
شكرا لمرورك ولترك بصمتك اخي ونتمنى ان تشارك معنا بذكرى من ذكريات ايام دراستك |
اترككم الان لتتحفونا بذكرياتكم |
سأشارككم إحياء ذكريات المدرسة بإحدى طرائفي بإيجاز :
في السنة الأولى ابتدائي كنت من الذين يجلسون في الطاولات الأخيرة في الفصل ، لأنني كنت مهووسا باللعب بالأقلام و بالرسم الذي أتتمتع بمهوبته إلى الآن ، المهم أن المعلمة ( أعلم ان هذا الاسم قديــــم :harhar1:) كانت تدرس حرف الضاد ، لهذا رسمت ضفدعة ، طبيعي انها رسمت شكلا دائريا به نقطتان ( عينان ) ، و تخرج منه اربعة قطع مستقيمية ( أطراف الضفدع ) ، فهمست في أذن زميلي : معلمة يا حصرة و ما كتعرف ترسم حتى جرانا ( ضفدع ) .. فانتفض زميلي من مكانه من شدة الضحك .. لاحظت المعلمة ردة فعله فتوجهت إليه بعنف شديد : ما الذي اضحكك و إلا .. خوفا من عقابها اخبرها بما قلت له ... غضبت غضبا شديدا و اوقفت الدرس و أقسمت علي أن أرسم ضفدعة .. أثبتت مهارتي برسم لضفدعي حقيقي ، فلم "تسرط" المعلمة ذلك ، و لم تستطع أيضا عقابي أمام أنظار التلاميذ لأني فعلت ما امرت به ... تحياتي لكل المعلمات و المعلمين .:icon30: |
اقتباس:
هههه dd1اثبت جدارتك في الرسم اخي:icon30: .تبارك الله عليك وعلى موهبتك2k والف شكر لمشاركتنا ذكرياتك دمت متألقا |
فكرة جميلة
بوركت أختي أنا لما كنت أدرس في القسم الاول ابتدائي وخلال الايام الأولى للدراسة ،دخلت القسم طبعا بعدما رافقتني والدتي رحمها الله ،المهم، دخلت ودرست الحصة الأولى وعندما حان وقت الإستراحة خرجت من المدرسة وعدت إلى البيت ،دهشت والدتي لما رأتني عدت مبكرا ،قلت لها لقد انتهينا من الدرس وأنا لم أكن أعلم أنه علينا البقاء في المدرسة حتى الساعة 12 ،عندها قامت بإرجاعي إلى المدرسة وبقيت حتى 12 ولم أكررها مرة آخرى .الله يسمح لينا منها او صافي . |
في السنة السادسة ابتدائي ،حدث شجار بين إحدى التلميذات ولم تكن الأستاذة موجودة ولما حضرت بدأت كل واحدة منهن تحكي سبب الخلاف بطريقتها .
استمعت الأستاذة لهن وبعدها نادتني قائلة : تعالي يا بنيتي واحكي لي قصة شجارهما فأنا اعرف أنك لا تكذبين ،قلت لها الحقيقة طبعا ولكن لم أعد أذكر ما فعلت لهما . |
اقتباس:
ههههه دغيا قريتي جميلة عندك هادي اختي سلمت من كل سوء |
تبارك الله عليكم هادي ذكرى اخرى على لسان صاحبتها: المهم انا غادي نعاود ليكوم على وحدة كانت وقعتلي كنا فالباك والساعة الاخيرة ديال الاجتماعيات وديك ساعا كانت الستة كادجي فالليل ايوا كملنا وخاصنا نخرجو وحنى خارجين مزروبين وهو الاستاذ. يقولنا بلاتي نهضر معاكوم ايوا حنا واقفين كاملين حدا الباب وانا دجيني غير نطفي الضو وهربت وهو يتبعني مسكين ومع الظلام ماشافنيشي تخبعتلو. ايوا رجع بقا كيسول التلاميذ ساعا معرفنيشي كن حصلت اووووووووووووووووو الله يسامحنا من الاساتذة وصافي |
هادي ذكرى اخرى على لسان صاحبتها:
كنت فالصغر فالاستراحة كنتجمعوا حنا تقريبا 4 ديال لبنات و كنجريو و كنقزو من سور ديال المدرسة و كنمشيو لشي ديور قراب للمدرسة و كنحمقوهم بالسرسار ديال الدار ، كل نهار فديك لوقيتة كنسرسرو و كنهربو نرجعو للمدرسة ، واحد لنهار عسو علينا غير سرسرنا و غاديين هاربين نرجعو للمدرسة و هو يجري مورانا واحد الراجل شد وحدة معانا و داها عند المديرة ، ناري و كانت واعرة ، ديك البنت كلات شي ضربات حارين بالتيو داك ليموني ديال الجردة و قالت ليهم الاسماء ديالنا ، جابونا من الاقسام و عطاتنا المديرة شي دقات حارين باقي دبا عاقلة |
كانو كيقولو لنا احنا المجتهدين نجيبو جافيل باش نحكو الطاولات اوا جبنا جافيل وانا زعما حادقة كلست كنحك الطاولات حتى كملت وهو يبان لي الباب ديال الخزانة موسخ وانا نمشي بلاعجز كنحك فيك وجلابة المعلم معلقة فيه المهم تخيلو كيف غاتولي واحد شوية جا المعلم ولقا جلابته حالتها وقالي اش هاد المصيبة درتي ؟ قلت له ماتخافش اوستاد دابا نغسلها اوا وهو يقولي يلاه ورينا اش غاديري هانا خرج نرجع نلقاها ناشفة اوا خرج وانا نشد القرعة ديال جافيل وكنقزك البونج ونمسح هههههههههه ولا اللون بغا يرجع ليها رجع بغا يبكي غلى جلابته مسكين قلها للمدير قل له اش بغيتيني ندير ليها انت الي عطيتها لها تصاوبها , ها هي صوباتها هههههههه |
كنا كنقراو فواحد المدرسة مطرفة شوية اوا خرجنا مع 12.00 ومشينا كنلعبو فواحد الخلاء وهو يعيط علينا واحد الولد قالنا اجيو تشوفو اش لقيت المهم مشينا وحنا نلقاو وليد رضيع صغير بقينا كنلعبو معاه واحد الساعة وهو يدوز واحد المخزني وهو يسولنا اش كديرو هنا قلنا له غير غاديين فحالنا وهو يسولنا ولد من هذا وحنا نقولو ليه ولد هاد الولد المخزني بغا يحماق هذاك الولد عنده 8 سنين وكيقول له ولدي هدا ماتديهش المهم المخزني عيط على البوليس ملي جاو كيسولو فالولد وكيقولهم ولدي ولدي حتى بغاو يديو الرضيع وهو يقولهم راه ولدي هداك انا الي لقيتو الاول ههههههههههههههههه |
والله يا أختي ليلى طرائفك جميلة جدا... أتمنى ان أستحضر ولو واحدة يمكنني المشاركة بها......
شكرا لك... ضحك ومرح و مراوغات.. تلك هي أيام الطفولة.... |
تبارك الله عليك ليلى غادي نكوليك واحد الواقعة ليا في السانكيام في هذا العام جا الجراد تقولي واش السماء هي اللي كتقطرو و الجو مغيم بيه ماتصوريش بحالا ش كانت الوقت انا كنت شيطانة شيطانة بزاف صحاباتي ديما دايرا ليهم شي مصيبة وقالولي غير عقلي ليها غادي رجعوها ليك .. المهم كنت في القاعة ديال الماط مركزة مع الدرس ديال الدوال وما نحس غير وواحد الجرادة فوق المعقد ديالي ونغوت واحد الغوتة كلشي خنزر فيا والاستاذ جمد بلاصتو وقالي مالك مالك كتغوتي قلتليه جرادة وجرادة قالي انت خايفة من الجرادة وهو يضربها بحال الاضارب شي كورة وقالي يللا تبعيها وقمت خارجة والتلامذ كيضحكو فيا اوا هاذي اللي تفكرتها دابا |
اوا أختي اش غانقول ليك ......سير الله يعطيك شي رضا ما عمرو ما يتسالا ...الله يفرشك بالرضا و غطيك بالرضا
كنت وحيدة في بيتي و انا اقرا مغامراتك اللطيفة ايام الطفولة ....ضحكت حتى ارتدت اصوات ضحكي من جدران البيت و خشيت ان يسمعني الجيران !!!!!!! عندما وصلت الى فعلتك بالجلابية ديال المعلم ...فقدت صوابي بالضحك...... أللا تبارك الله عليك اتمنى لك التوفيق دمت بالف خير اختي العزيزة .....المشاغبة سابقا |
اقتباس:
بل ردك اجمل اخي مصطفى.ان شاء الله تستحضر الكثير وتشارك معنا ونحن في انتظارك دمت بخير |
اقتباس:
هههههه هيا تبعتي الجرادة يا غزال زوينة عندك هادي تبارك الله عليك وخلاص في انتظار المزيد وا متنسايناش |
اقتباس:
باراكا عليا غي هاد الدعيوة ديالك يا ايمان اللهم آمين وبصتك الضحكة الله يجعل ايامك كلها فرح في انتظار تفاعلك معنا راه باينة عندك ميتعاود غي بيني وبينك ههههه |
| الساعة الآن 11:32 |
Powered by vBulletin® Copyright ©2000 - 2026, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها