|
الصورة بالالوان
الصورة بالألوان لمراية فاش شفت و جهي البارح اليوم صبحات بالألوانالوجه اللي كان فيها مبشور فارح فارق البسمة مغبّر . . . بالذل و اﻟﺤﯖﺮة و الشوفة حزينة مهزوز ف ثقتي الغوتة رجعات لدواخلي و الغنا من حلقي بسال بعدما كنت رأس أصبحت ذنب خفافت الريح اللي جا يهزني قزِّيبَة مجرورة ف الويل من كثرة الصَّفْع مبهوض فشوفتي بالابيض و لكحل كنت مستور الألوان فضحوني لكثف اللي هز السلهام طاح واش أنا نيت بن آدم و لاَّ مصران طويل ؟ بعدما كان ظلي يخلع أصبحت نخاف من ظلي و السيف اللي كان ف يدي يلمع جمع الصدا حفا ما بقا ينفع. و الله لو كان الأمر بيدي نرجع منين جيت و لاَّ نسرع نوصل فين بغيت و لاَ هاذ اﻟﯖﻌﺪة تحت أغصان الذل. أمة بَرََكْتها ف القلة منين كنا قلال اللي وقف ف طريق الشمس 100 بين الشّدّة و الرّدّة و اليوم كشكوشة الحملة المسلم بالألوان على حد الشوف ما برَّد الجوف لقيت وجهي بلا نخوة السماء ما ديالي و الماء ما ديالي و زايد الأرض بالثقل. ما ظنيتي الفأر يولد ليك اﻟﻌﯖﺒﺔ و يوقف ف طريقك يا اللي اعتصمتي باحبال الزبل ! ! ! بالألوان بان وجهي بلا دم أنا اللي نفطر بالدم و الدموع نتغذى بالدم و الدموع نتعشى بالدم و الدموع دموع الرجال . . . و دفين الناس بالقبايل كبَّد الدم ف عروقي فرعون مازال تيبحث فينا على موسى. ولدوا يا لعيالات !! شعلات فينا العافية . . . وَ لاَ بغا يَتْزاد فينا شي فحل يحل خيوط كبَّة الشر يشد ف اﻟﯖﻤﺮة وِ جبَّد قامتي نولي قد ظلي يمد يدُّه فوق السحاب يستَّف النجوم يشكَّل برج سعدي و يصحح ألوان الصورة. أحداث غزة ورزازات في 27/12/2008 عبد العزيز المكي الناصري |
يسرني أن أكون أول المارين .....لي عودة لهذا الزجل الرصين.....تحياتي
|
زجل جيد وأفكار ثرة
اسلوب شاعري مشوق ماعدا البداية نتمنى ان تعود الصورة الحقيقية بأبعادها الختلفة اشكرك على هذه الزجلية النابعة من القلب كما أجدها وأحسها .. أضحكني تشبيهك : واش انا بنادم الا مصران طويل ؟ ههههههه مودتي |
اقتباس:
هذا تواضع منك اخي الكريم امين/امين. |
أسلوب أخاذ وموهبة شعرية واضحة ... لك لك التقدير والإحترام. |
اخي التيجاني و اخي ابو المعاني جد مسرور بمروركم و كذا التوقيع و الانطباعات.
|
إيقاعات جميلة جدا أطرت صورة العرب اليوم...أتمنى أن يصحو الضمير العربي على هذه الإيقاعات وينظر بتأمل في ( لمرايا )...
شكرا لشاعرنا المبدع الذي أقحم قضايا عربية قومية ضمن إبداعاته... |
اقتباس:
اخوك عبد العزيز |
| الساعة الآن 04:45 |
Powered by vBulletin® Copyright ©2000 - 2026, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها