|
إلى عشاق الملحون 2
أمولاتي فاطما تبخليني حتى بالكلام
ما جا رسول ما قلت كلمه واش ما في قلبك رحمه يا اللي جَرْتِ بالحكمه وْحُبك ما في وسط القلب زاد زَنْدْ ضْرامي بردي الصهد الحامي بْلُوْصال وْلَمْصال اللي بْشفْتك ديك العذبيه الناسمه لازمة أمولاتي فاطمه انت بالْحال اسليمه حالتي بجفاك اسقيمه كيف نبقى منسي ديما بلا جريمه واش انتيا اليوم سمعك صامي جاوبي جواب كلامي بغيتك تصفي داك القلب اللاَيلنا عبدك و انتيا الحاكمه اللازمة أمولاتي إمتا نشوف قدك بَتْمايس كعلام منو الياس و الريحان تْعلم الشعر لغْديقْ مْظلمْ كَغْراب عليه مْرَسمْ و الطياعم يْلوح مَنْ جبينْ نورو سامي بيه تيزول غْمامي و السْنان حْسنْ مَنْ حَبْ لغمام و الجيد غْشى مَنْ مَنْ الرمى اللازمة أمولاتي عينيك جوج كيسان من عتيق لمدام من ذاق منهم شي يصبح هايم الورد عكري تحت صْوارمْ فاح ناسم و المَعْطْ سْطير طار بيه منامي بين الورود مْسامي و الحواجب نونين مْعرقين وشْفار بْغيرْ مْدام نايمه اللازمة أمولاتي خدي نفرشو بالشوق لْدوك لقدام ونقولَك أفاطما زطمي يا اللي داويتي جسمي آمري بالعز و احكمي ولا تحشمي نشوفك يا الباهيه قدامي الرقيب بصرو عامي و لحسود فْغفله ونا معاك تحت خيام الليل لَمْخيمه جات لْلاف رايف الهشامي ناويه تزور رْسامي تْلحفات~ بَثياب رفيعه وْجات كُلْياسْ الناعمه مْنين نْظرت زينها بَنْيامي قلت مَنْ صميم غْرامي كان هذي يقظه وَالا منام عهدي الشمس كبيل فَسْما(ك+3.) ساعه لاح نورها فَرْسامي كصورة اللآدامي وَلغزاله تضحك حتى طيح وتقول أنا الغزال فاطما نْشَرْتْ بْراحة السرور عْلامي لَمْغِيونه فَمامي ناشدْ لي بالشِعر عَلْعْطوفْ وْعَلْى الذرعين بْجوج واشمه هاك أراوي رْقايقي و انظامي فايق لحرير الشامي هاك فنْ قليل مثلو فْجيلْنا صايغْ لبْلاغه التامه وعلى ناس لَجْحودْ قُلْ مْعاني لا تفيدهم بكلامي والسلام عْلى هَلْ لعلم الجهال بقات هايمه بَحْسَنْ القول نختم كلامي ونزيد فَنْظامي قل قال بنعلي المالكي سلبتني لغزال فاطما لازمه الختم |
شكرا أخي على اختيار هذا النص الملحوني الجميل... وإليك سرابة المحبوب http://www.youtube.com/watch?v=xhhbqSpUB2g مودتي |
أشكرك أخي نجيب و أمين على التصفح وعلى الرد الجميل جمال روحك المرحة الذواقة../لكن للأسف الشديد . الرابط لم يفتح رغم محاولاتي المتكررة.
وصلتني هديتكم../ |
راقني هذا الزجل الراقي كلمة والزاهي معنى والمسبوك وزنا.... شكرا لك اخي ابو العزة على ذوقك الساحر لعذب الكلام وسحره... دمت عنوانا لجمال الابداع... تقبل مروري المتواضع ايها الصديق الحبيب... لك تحياتي وتقديري... |
...قصيدة أخرى بعنوان للاغيتة مولاتي أتمنى أن يشتغل الرابط متابعة ممتعة تحياتي |
أسعدني مرورك اللطيف أخي فؤاد وأسعدت أكثر لما تصفحت ركن المتغيبين أو مختفون ولاحظت سؤالك عن نزار منتدانا ( فواز).
و عما قريب سيكون لنا لقاء به إن شاء الله../ |
اقتباس:
فعلا اخي فقد ادمانا غيابه...فنعم الصديق هو الحبيب فواز....اتمنى ان يطل علينا فنحن نحتاجه ونحتاج اشعاره التي تهز الوجدان.... لك تحياتي ومودتي.... |
اللطــــــــفية الحاج احمد الغرابلي يعتبر الحاج احمد الغرابلي من اكبر شعراء فاس , حيث كتب بالإضافة إلى رائعة اللطفية , مليكة في صنف الغزل و المرسول , عاصر السلطانين مولاي الحسن الأول و مولاي عبد العزيز ,كان يحترف الدرازة , و توفي في مطلع القرن العشرين بفاس. *** يا لطف الله الخافي لطف بينا في ما جرات بيه القدار يا نعم الحي الكافي اكفينا شر الوقت ما نشوفو غيار يا مول الفضل الوافي فضلك ما يتنهى ولا تحدو سطار عجل بدواك الشافي ورحم ضعف الأمة الغارقة فالوزار قادر تبلي و تعافي وتنسخ الشدة بالعفو كما فالخبار ارحمنا يا رحمان يا قديم الاحسان لواخدت العصيان كلنا عاصين لولا ضعف الإيمان مايجور الزمان ويوليوا الطغيان بالقهر جايرين المسكين الهيمان فالشقا و المحان يتمنا الموت عيان ما وجدها فحين من هم الوقت مفافــــــــــي مايتفرغ لصلا فوقتها شي نهار تايه فتلول فيافــــــــــي ثارة يعثر ثارة يطيح بين لوعار بحنا بالمحريمات و المعاصي قوات وقلوب الناس ضحات غافلة على الموت والعلامات تنبات لورى ما خفات وقوات الضلمات والمكر و البهوت قوما صمت و عمات غرهم لحيات تبعو حب الشهوات فوق سحت السحوت لوراد الله يحافـــــــــــــــــي يهلكنا بنواع البلا يعم لقطار لكن بالجود يكافـــــــــــــــــي لوجه عين الرحمة يحد جمع الاشرار يا من لطفك موجود عن جميع لوجود ولا تنقص من جود للشقي والسعيد أنتا الله المعبود لحليم لودود فضلك دايم منفود فالدني و البعيد من يتعدى لحدود يوم ضيق اللحود يلقى فعلة ويعود من العذاب الشديد وصحاب النهج الصافي مأواهم الجنة بحورها و الثمــــــــار شلا نحكي بوصافي والمحروم الشاقي يدوق صهد الجمار ما زودنا لرحيل ما سلكنا سبيل وقلوب الناس تميل للطمع والحيال عاش المسكين دليل دون علة عليل والفاجر في تفضيل عند قوم الضلال لوكان لئيم بخيل تمدح هل الجيل ويقولو مرؤ عقيل من خيار الفضال والعالم كل خوافي يخفض من رفعوه العباد مهما كبار ويعود مصباحو طافي وقبرو حفرة من جحيم فيها احجار ما باقي مايعشاق في زمان النفاق لا عاهد لا ميثاق توجدو لاصديق الوقت صعاب ودياق او نعمات الأسواق لا باركة فارزاق خارجين الطريق الدين اغرب وانساق في جميع الافاق وهلو فقدوا لرفاق ما بقا مايليق الدم من دمو جافي وهل المال احراجوا على قبيط العمار نحكي ما رات شوافي ما يرفق غاني بالضعيف خوه او جار تأمل يا إنسان ما وقع فالزمان أنا و أنت للان فالقفر تايهين ما جنبنا عصيان ما فعلنا احسان ما خالفنا شيطان ما احسنا يقين امضا العمر خسران و انصرف فالحيان شوف الشيب إلى بان يفكد الراحلين وين سلافك وسلافي سكنو تحت غموق التراب غاب لخبار سعد لي جرحو رافي يخطى وتوب سريع من صميم لصيار لازمنا الاستغفار فالضيا والاسحار بالذل و الاحتقار والخشوع الكثير ونتوبو للقهار كفى بالجهار ونقولو يا جبار جبرلي كسير ومحي عنا لوزار يا مقيل لعثار فضلك شلا يحصار جود عنا بخير ونهاية رمز تحافي الله يعافينا جميع من دالاضرار بجاه النابي الوافي محمد تاج المرسلين سيد البرار يا راوي خود اقوافي ذكر بها ناس العقول جل الذكار والناظم ماهو خافي الحاج احمد لغرابلي افصيح الاشعار يا لطف الله الخافي الطف بنا في ما جرات بيه القدار |
| الساعة الآن 10:59 |
Powered by vBulletin® Copyright ©2000 - 2026, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها