|
اسمع اسي أمين - 3-
اسمع أسي أمين -3-
خويا أمين اسمع نوصيكْ فْ سوق النسَا ردْ البالْ نارْها شاعـله دْفاها يغـْريكْ المْرا واعـْره..نهْلا يبـْْليكْ ظـّلْ ساهي يتغيّـرْ الحالْ مصروفها وصْداعْها يجْـليكْ ظـّلْ تخمّمْ تڭول ْجا الهْـبالْ نطلب تمﱠ ربي يشفيكْ غـْرامها مَغرام بْ كلمة ْشحالْ؟ واجْده ! تبيعْ فيك أتشريكْ البيرْ الواكحْ عمرو ما يرْويكْ كاس المْرا كيف كاس المْرار غير شرْبو ألا خـْليهْ كثرة ْ الهدْره زيدْها الخـْبارْ راديو قديمْ شْدو ورْميهْ عودْ يابس ماليهْ زْهارْ عرشْ الشوك ڭاعْ لا تسقيهْ حْـنشْ من الحناشْ هي فْ الدار رد بالك لا تمسَّد ليهْ حبابك يلقاوْ القلبْ الحارّ ْ تفرشكْ فراشْ أتزطمْ عليهْ القلب الناشفْ جمْرو يَحـْمار ألقلب الحنين ضْحِيكه ترْضيهْ حمـّرْ العين فْ عينها تكـْبارْ والشعـر الموسّخْ لا تحـنـِّي ليهْ الطيرْ طيرْ واخـَّا فَ الـْغارْ غيرْ شْدو.. وقـصْ جـَنـْحيهْ راهْ العقلْ الناقصْ يا حـضّارْ غير الله يكونْ فْ عون مّـليهْ |
تبارك الله عليك اخويا التيجاني
والله راني بغيت ندير شي بركة قلت حتى نشوف واش غاتفلتو من يدين شي عيالات معانا او لا... تحيتي لقلمك الجزلي المتجلي اخوك عزالدين |
مناوشات جميلة بينك اخي زايد وبين النجيب....لكنك تفتح على نفسك ابواب النقمة من لدن النساء فاحذر ....هههههههههههههههههههه تقبل اعجابي بزجلك الراقي.... لك تحياتي ومودتي... |
آآآسي التيجاني ما تقسّح راسك هدا راه زمان خر تحياتي أخي التيجاني |
مولاي التيجاني
راك مهلي فسي أمين إيوا رخف اشويل على لمرا لا يتقلقو علينا الأخوات الدفاتريات راهم غي كيحميو فطرح رائعة منك هذه الزجلية تقبل تقديري واحترامي محبتي |
خطواتك سريعة في عالم الزجل. أتمنى لك المزيد من العطاء يا صاحب القلم الرصين. تحياتي |
شكرا لك أخي عز الدين على القراءة والتعليق
إمكن مغديش نفلتو .......ربما هن الان يشحذن سلاحهن على كل هذا هو المقصود ..تنشيط الفقرة .. بالحق غير مايعايرونيش البوحدي ...اعيرو الراجل ..اي راجل إكون مايسوى مايصلاح الى كاين بعدا هههههههههههه مودتي |
معاك الحق أسي أمين
هدا زمان آخر شكرا على المتابعة والتفاعل مودتي |
يا التيجاني ربي يهديك المرا فخيالك ماشي هديك حل عينيك زول الضبابة اللي حكاوا ليك كلهم كذابة المرا زرع سقيتيه يعطيك تعاملها بجفاف راها تسطيك وصفت كاسها بكاس المرار ومازال ما جبت زين لخبار كاسها للحبيب شهد مقطر من حلاه يرشف بلا ما يعبر يكفيها معاه تحس بالأمان ترفد الدبيلة وامحاين الزمان من بنات حوا عزل زينة المنبت رزينة، فبيتك تحصن وتثبت فالباب تلقاك بسمتها وضاحة كيالما الڭليل تهزك فكفوف الراحة تربي الولاد ولمالك صاينة تحضي غيبتك وخرجاتها باينة ب اهلك تفرح، تضايف وتهادي لغلطاتك تغفر،ما تكره ماتعادي العيالات اصناف أيا التيجاني عرفت واحد، لا تعمم بلعاني حكايات النسا دروب مفرقة اللي تزوجت وطولت، ولا المطلقة الناس كيقولوا البيوت اسرار بين المرا والراجل المولى ستار شوف خاي أمين بالنسا مرفق فاهم الطبيعة، رواها ومصدق |
الاستاذ فؤاد
شكرا على المرور البهي يا أمير القوافي شهادتك أعتز بها كثيرا يا أخي اكيد فتحت على نفسي النار ..لا بأس ..سأقاوم .. ارى غير إهجمو..ويعايرو الراجل، ماشي يانا هههههههههههههههه مودتي |
اقتباس:
اقتباس:
ولايهمك ، كما يقول المصريون غادي نعطيهم العصا حتى يسكتو ونساحبو لي ليها يليها هههههههههههههه مودتي |
اقتباس:
أعوذ بالله من الشيطان الرجيم ورد في الحديث الشريف:والله لو وضعوا القمر في يمينا ............على أترك هذا........... وأنا أقول :و الله لو وضعت الزجليتين كل على كفة لرجحت كفة زجليتك لا تنقيصا من الأخرى بل ما تلمسناه من المرأة بشكل عام ونحن صغارا و أطفالا و كهولا و حتى شيوخا.. لقد أجدت نظما أختي فوزية أمين و أطربت نغما بزجليتك هذه.. تقبلي مني هذه الأبيات كما اشتهتُ خُِلِقَتْ حتى إذا كمُلَتْ في قالب الحسن لا طول ولا قصر و الحسن أصبح مشغوفا بصورتها و الصد عذبها و التيه و الخفر فالبدر طلعتها و الغصن قامتها و المسك نكهتها ما مثلها بشر كلها أفرغت من ماء لــــؤلـــــــؤة في كل جارحة من حسنها قمر النصر لأمهاتنا و لأخواتنا ولزوجاتنا و لبناتنا ولكل الدفاتريات اللواتي أهمس في أذنهن كي أقول :إيوا زيدو لو ها السي التيجاني انعل شيطانو وتجرأ عليكن../ أنا نعاونكم عليه وحتى السي أمين قلبو رهيف .راه في صفكن |
اقتباس:
الله الله ما هذا العرس الزجلي اختي فوزيةأمين؟ كل يوم اكتشف فيك مواهب متعددة....ماشاء الله عليك....حقا قد انتشيت بقصيدتك الزجلية ايما انتشاء... احذرك اخوي الامين وزايد من المبدعة فوزية فحرفها قوي ومعناه بهي وقلمها ندي..وسهمها عتي.... اسجل اعجابي بابداعك ايتها الفوزية التي فازت برضانا ومحبتنا لها ولانتاجاتها الراقية... لك تحياتي وتقديري.... |
كنت أود تقديم الشكر والامتنان لأخي أبي العزة نصير النساء وأمير القوافي الشاعر الفنان لكن وجدتني ضيفة تخضع لإباء إباء يمنعني من احتكار المكان قبل أن أنعم بإذن صاحبه بسخاء |
ايوا تبارك الله على السي التيجاني
واش محلف على المرا و لا دايرها بلعاني؟ ماعندي مانكول دابا ولكن عنداك رانا جايا تسناني |
اقتباس:
ببساطة شديدة ،لقد شدتني زجليتك إليها بعنف و حنية وأعدت قراءتها مرات عديدة بل سأعمل على نسخها و الاحتفاظ بها ضمن رائعات صديقي و أخي أمير القوافي بدون منازع فؤاد-م.وهذا استئذان قبلي ،ارجو الموافقة عليه. لك مني أطيب تحية و سلام.. تنكر لي دهري و لم يدر أنني**أعز و أن النائبات تهون و بات يريني الخطب كيف اعتداؤه**و بت أريه الصبر كيف يكون |
أخي التيجاني
تزجلت و وفيت. ومدحت لتفتح عليك باب جهنم وفيتها حقها من نمرودية الرجل،لكنك لن تتوان في الإدعان لها لحظة تأخذ منك المحفظة عند الباب لتعود فورا عند البقال (صح) زجلية دايزها لكلام بالحق ابقيتي تنبش تنبش حتى اخرج ليك لحنش(ماشي هي اللي حنش استغفر الله).. أطيب المودة |
اقتباس:
أخجلتني أخي أبا العزة بتعبيرك المفعم بالأحاسيس الرقيقة... لقد شرفتني بمجرد التعبير عن إعجابك بما جادت به قريحتي ، وتصر على أن تزيدني شرفا بنسخه ضمن مختاراتك. لاشك أني سأغدو مدينة لك بالشرفين. لك أخي كامل الصلاحية فيما تريد، فجودك شملني كما أسرني فضلك. دمت لي نصيرا ومشجعا. وتقبل أخي مودتي الخالصة. |
اقتباس:
مرحبا بك أللا فيروز مرحبا ب لي جا وجاب ، بالحق ماشي السكر ههههههههههه لا...الكلام المرصع أرى ماعندكم ..مازال مالقيت السلاح ..عندي مائة امرأة ب راجل ههههههههههه السكود واجد ..غير بغيت نتسنى شويه ...على ما تجمعوا أنضرب ضربه وحده مودتي |
اقتباس:
|
الزجالة فوزية
تبارك الله عليك .. وريت حنة إيديك سخنتي الطرح بالحق الله يهديك راه الفرح نردو قرح الردود لا تغريك كلامي واعر إزيد الجرح تحصلي ..تمه نشويك مانهيك ما نشرح خرجي الطريق ألا نمحيك إمكن عيقت ؟ ههههههههههه مودتي |
وااهلي انت من بكري عيقت من زمان لنصك الثاني تنكرت خوذ راحتك معايا يا التيجاني اللي اعطاك،اعطاني ماخلاني لا تطمع ف ودي،إيلا باركت كلامك بغيض،على المرا تجاوزت ماحجل ليك ف يوم عذابها ف لحمل ولا ضيم الموحمة، والشادة ف لحبل تقول لي نشويك وانت فجمرك مشوي يعلم الله آش بيك، وعلاش مطوي واش فالدنيا لبيب على المرا يبعد يرتاح ف رحبتها، وصدرها يوسد |
BRAVOOOOOOOOOOOOOOOOOOOOOOOOO fouziaaaaaaaaaaaaaaaa
|
بجوح بيكم مجهدين الله يبارك فيكم |
آآآآآآآآسي التيجاني تكايس على النسا وايااااااااك قلبك عليهم يتجبر ويقسا ولا تحااااول تهرب او تضربها بنعسا فوزية راها اهنا نايبة على جميع النسا ورد بالك قبل ما نجبدو العصا |
صراحة أسجل إعجابي الشديد بأختي و حبيبتي فوزية التي أبهرتني بكلامها قبل نظمها .و سعيدة بانبثاق الشاعرة التي كانت تدفنها في دواخلها.
أحسست بها منذ الوهلة الأولى و هاهي تثلج صدري بهذه الزجلية الرائعة المعبرة. دمت هادئة و ديعة جميلة هادئة. تهلاي لي ف السي التيجاني حتى نسالي ليه. مع كل الاحترام و التقدير |
و على عجل، أتقدم بخطى متواضعة أمام حضرة أمراء الزجل.لأخط بعض ما جال في خلدي هذه اللحظة. آ السي التيجاني اسمع نوصيك و على الحق لا تغمض عينيك أمك مرا، اختك امرا ، وخالتك و عمتك و مولات الدار اللي تواتيك حتى هي امرا. المرا بلسم لجراح إلا لقات راجل ديال بصاح و انا بغيت نفهم واش عندك دماغ بحال الناس ولا عندك حجرة تم. واش اصباع لليد تتشابه؟ را عهدي بيك على بال و منبه و شفتك اعمى و بلا ماتخمم و ف اصناف النسا تعمم. صاوب كلامك و اعرف كيفاش تكلم. المرا را اصناف مصنفة و الفاهم يهديه الخالق للعاقلة ماشي التالفة آآالسي التيجاني. را شحال من راجل غ راجل بلعاني و نكول و بلا معاني انت راجل غافل ولا كتغافل واش تقدر تعيش بلا مرا سميحة و تولي محضار ناقصاه لويحة و قدام المحضرة تابعاه الفضيحة. يسراق لواح مفرقة ها المصلصلة ها المسمقة ها الناقصة ها المطرطقة. إيوى افهم كلامي و اروى و اللي يكول المرا كاس امرار من حر لهيب هواها تكوى. طاح ف ذيبة عضاتو و بنيابها المغروسة ف ضلعاتو انهش ب كلامو امرا من قلبها بغاتو ولا يمكن تكون اختو،عمتو، وعلاش اللا حتى اللي ولداتو؟ أسمعني آالسي التيجاني محال واش كلامك هذا تكون دايرها غ بلعاني حيث شوفة ف صورتك مخطوفة وراتني طيبة القلب و محبة للناس ف العين مكشوفة. لا تكابر يا راجل را شي رجال غ مهازل و لا كنت واحد منهم را ما بقاك ف الهم حاصل.. ( مع احترامي لكل رجل يقدر وجود المرأة) |
على لمرة لا تنقم
حضي راسك لاتندم راها صبحت كتحكم في البيت وفي لمحاكم لمرة نصف المجتمع بلا بها تشدنا لوجاع الطريق من دونها مانع الكل بهذا الشي مقتانع |
[quote=صوت الهدوء;715623]
آآآآآآآآسي التيجاني تكايس على النسا وايااااااااك قلبك عليهم يتجبر ويقسا ولا تحااااول تهرب او تضربها بنعسا فوزية راها اهنا نايبة على جميع النسا ورد بالك قبل ما نجبدو العصا [/quote]المرا تبقى مرا ديم تالفه من ضعفها ما تبرا شجره واقفه مافيها تمرا زهره شارفه بيضه ولا سمرا يالله زيدو ونزيد ..أراك ال القرطاس نحاربها من دون الناس :blow: ههههههههههههههه |
الاستاذة فيروز
جميل ما قرأت لك اقترح نشرها في صفحة مستقلة لا مذيلة مودتي |
الاستاذ النفراوي
شكرا على النصيحة ، وإن شممت قليلا من الخوف من المرأة هههههههههههههه ماتخافش ..دب يموت ليها الحوت اترجع تربع ف الدار احسن ليها هههههههههه مودتي |
اقتباس:
قرأت ،ولم أدر هل أضحك مما قرأت لك أو تشتعل نيران غضبي .استرسلت في قراءة روائع الردود وخاصة نصيري المرأة من الإخوة الرجال ،والمحاميات الكفؤات من النساء ،بْرد خاطري ورتاح واختريت أني نضحك ههههههههه:aass::blow: |
أخي تيجاني
تبارك الله عليك فالقالب ماشي فالقلب :harhar1: أختي فوزية استمري في عملك ،الله يعاونك على التيجاني ولي يجي من جيهتو dd1 أختي فيروز ،أختي صوت الهدوء الله يرضى عليكم،عنداكم تخليو الساحة خاوية على فوزية ،أنا مع المشجعين مسانداكم :icon30: الاخوة المساندون الرسميون راكم على صواب غير عنداكم يرشيكم التيجاني :evil_lol: وتتقلبو علينا :blow: |
الاستاذ النفراوي
شكرا على النصيحة ، وإن شممت فليلا من الخوف من المرأة هههههههههههههه ماتخافش ..دب يموت ليها الحوت اترجع تربع ف الدار احسن ليها هههههههههه مودتي السيي التيجاني غير تهنا:1aa: واخا تكلس فالدار ،تخرجلك من دفاتر :harhar1: |
تبارك الله كلشي هادشي بلا خباري
اسيدي تبارك الله عليكم ما عندي ما يتسالك اختكم تادلوية |
[quote=tijani;715133][/size]
مرحبا بك أللا فيروز مرحبا ب لي جا وجاب ، بالحق ماشي السكر ههههههههههه لا...الكلام المرصع أرى ماعندكم ..مازال مالقيت السلاح ..عندي مائة امرأة ب راجل ههههههههههه السكود واجد ..غير بغيت نتسنى شويه ...على ما تجمعوا أنضرب ضربه وحده مودتي[/quot أسي التيجاني انهاك الله و انعل الشيطان.عارف شحال من قضية غادي ترفع ضدك..؟لالالاماشي بزاف ..معشر الدفاتريات قلبهم كبير وُ تيعزوك..غادي يسمحو ليك هذا الزلة ..المصيبة هي إيلا اجبرت الاستدعاء ديال المحكمة فيها لادريسا ديالك.. عاد زدتيها بالسكود ..غادي يدور وِيرجع حتى لعندك ..والحمد لله أنا بعيد عليك ..تفرقع بوحدك أخويا../ |
اقتباس:
المراة عليها تشجع زعم وزيد زيد لقدام اختار ليك شي مادام اتتهلافيها تهلافيك تكون لباس إواتيك المراة معزتها كبيرة كبيرة كانت او صغيرة اختار على قد يديك اعرف فين تحط رجليك النسا طوب واحجار وانت احسن الاختيار |
اقتباس:
لقد تم ما طلبته مني شكرا على اهتمامك |
اقتباس:
تعياي ما توصي أنا غدي نبقى نستعمل الضربة القاضيه ههههههههههههه انتظري ردي قريبا بالحق ماعندي ما يسالكم ..لازم نشجع حتى ما تصابوش ب السكته ال..........راكم عارفات مودتي |
اقتباس:
واخا عارفك كاتميلي لبنات جنسك ههههههههههههه مودتي |
| الساعة الآن 07:03 |
Powered by vBulletin® Copyright ©2000 - 2026, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها