|
اسمع نوصيك آسي التيجاني-3-
آ السي التيجاني اسمع نوصيك و على الحق لا تغمض عينيك أمك مرا، اختك امرا ، وخالتك و عمتك و مولات الدار اللي تواتيك حتى هي امرا. المرا بلسم لجراح إلا لقات راجل ديال بصاح و انا بغيت نفهم واش عندك دماغ بحال الناس ولا عندك حجرة تم. واش اصباع لليد تتشابه؟ را عهدي بيك على بال و منبه و شفتك اعمى و بلا ماتخمم و ف اصناف النسا تعمم. صاوب كلامك و اعرف كيفاش تكلم. المرا را اصناف مصنفة و الفاهم يهديه الخالق للعاقلة ماشي التالفة آآالسي التيجاني. را شحال من راجل غ راجل بلعاني و نكول و بلا معاني انت راجل غافل ولا كتغافل واش تقدر تعيش بلا مرا سميحة و تولي محضار ناقصاه لويحة و قدام المحضرة تابعاه الفضيحة. يسراق لواح مفرقة ها المصلصلة ها المسمقة ها الناقصة ها المطرطقة. إيوى افهم كلامي و اروى و اللي يكول المرا كاس امرار من حر لهيب هواها تكوى. طاح ف ذيبة عضاتو و بنيابها المغروسة ف ضلعاتو انهش ب كلامو امرا من قلبها بغاتو ولا يمكن تكون اختو،عمتو، وعلاش اللا حتى اللي ولداتو؟ أسمعني آالسي التيجاني محال واش كلامك هذا تكون دايرها غ بلعاني حيث شوفة ف صورتك مخطوفة وراتني طيبة القلب و محبة للناس ف العين مكشوفة. لا تكابر يا راجل را شي رجال غ مهازل و لا كنت واحد منهم را ما بقاك ف الهم حاصل.. 27-05-2009 |
والسي التيجاني تلاكاوا عليه العايلات
غادي يندموه على شي كليمات كالهم بالمزاح ماشي بالجد حيث هو راجل وكيفهم كل التحية لك أختي فيروز على هذا الزجل المنافح عن المرأة ، وإن كان فيه بعض القسوة على الأخ التيجاني مودتي عزيزتي |
أبدعت أختي فيروز لكن من قاصحة...رطابيت... انتبهي مع التيجاني...عليك بالتصعيد... وصيه،وصيه... ويلا تنكر، سير وخليه فيقيه، فكريه.. ياختي فيروز، لاتفوتيه ههاه..يصاوب كلامو؟ ما تعولي، غير نظمي واعطيه. راه فهمنا مرامو.. بالي بيه، ولاتحني عليه. |
اقتباس:
أشكرك أختي على مرورك الجميل . السي التيجاني عزيز علينا و نديروه في عينينا و لا جاك كلامنا قاصح عليه را هو الاول سبق لينا بغيتو يحل عينيه و ما يشوفش غ الحاجة الخايبة فيناd7k |
لك الله اخي زايد هههههههههههههه فقد تجمهرت النساء حولك ليستأصلن شأفتك....الم انبهك الى ما انت سائر اليه... فقد وددت مساعدتك...لكن الله غالب ههههههههههه شكرا للمبدعة اختي فيروز على القصيدة الزجلية الرائعة....ولكن لم افهم كلمة المحضرة...فحبذا لوشرحتها لي.... دمت متالقة ومبهرة... لك تحياتي ومودتي... |
فيروز يا بنت الناس عـْشي عليه قادرْ مهنيِّ وشابع نعاسْ لوحتي صمقها نادر فاش ندق الْ جْراسْ تسوﱠلني وتـبادر خوفي على شي ناس يتجرﱠع سمها وْصابر نارها يذوﱠب النحاسْ أهو يخممْ ساهرْ المرا كيف قرطاس إقتلْ ِوِِيجْـرحْ الحاضرْ هادشي غير الديسير ..مازال ماحطيت الطاجين لي سخون ..ماشي داللحم ...لا لا...لا....دالكلام والمعاني . ألا كاينه شي محاميه اخرى جيبوها تعاون ..ألا غير تصفق بحال بلابل ..والتادلاوية ...وشي وحدين مخلوعين هههههههههه |
تحية رائعة على ما جاء في ردك المفحم والمتقن... أسجل إعجابي بهذا الزجل الممتع. تقبلي ودي الأخوي |
اقتباس:
يا التيجاني رد بالك ماشي فوزية فيروز هديك كنت ماعندي مانسالك ودابا العرارم تخلطو ليك |
أختي فيروز ،r8 هاد الشي تبارك الله كيبرد الخاطر أخي التيجاني ،:blink: جبدت النحل عليك ،وَشْد القريص أنا سعيدة سعد :blow: أقول لفوزية وفيروز :002:،تبارك الله عليكم ،اللـــــــــــــــــــــه يرحم الوالدين لما بردولي فيه الخاطر ،على كلامو يستاهل كثر r4t أخي التيجاني ،dd1 أنا عزيز علي قول الحق ،ردودك كْتنوض الشيب :icon1366: |
هادشي غير الديسير ..مازال ماحطيت الطاجين لي سخون ..ماشي داللحم ...لا لا...لا....دالكلام والمعاني .
ألا كاينه شي محاميه اخرى جيبوها تعاون ..ألا غير تصفق بحال بلابل ..والتادلاوية ...وشي وحدين مخلوعين هههههههههه [/quote] ياك السي التيجاني ولينا غير ديال التصفيق والخلعة ...واحنا اللي مسطيات بغينا نحنو فيك شوية ههههههههههههههه الالة فوزية وفيروز خرجوا اللي في المزيودة بجوج هاذ السيد راسو قاسح :frusty: |
هههههه.. أهي عدوى "بلاهوادة " ؟..
|
اقتباس:
بل نريدها... قطع هبرة تبرا يعني: بلا تعاويدة. |
عَنْدَكْ مَا تْقُولِي تبارك الله عليك...
جزلية رائعة وأجمل ما فيها أنها حركت سواكن الأستاذ التيجاني وأبدع زجلية أخرى...هي كذلك رائعة... تحياتي ايتها الزجالة المحترمة...وتحياتي للأستاذ التيجاني.. |
تبارك الله عليكوم
حاميين الطرح هنا ...................... اختي فيروز و اخي التجاني راه الشعر ديالكم ماشاء الله تبارك الله .دايزو الكلام |
نظرا لضعف الصبيب لا أستطيع الرد في الوقت المناسب .
أختي فوزية ***أبارك لك الاشراف أولا *** لالا فوزية ما تخافيش علي هذاك غي شوية و لا تغبريش علي أنا را غي جديدة ف القضية. السي التيجاني بغيناه يفهم و يقدر و يحشم و لكن مازال زايد فيه باين لي. السيد فؤاد: كعادتك دائما تشرفني بمرورك الجميل و الرائع. "المحضرة" أخي جمع محضار و هو طالب القرآن الكريم ف الجامع أو المسيد. تقبل احترامي و شكرا جزيلا على توقيعك. السيد التيجاني: كتجاوب فوزية ف مكاني و اش نسيتي زعمة ولا درتيها بلعاني. تقبل مودتي أبو المعاني: شرفني مرورك وملاحظاتك القيمة الأخت سعيدة سعيد الله يبارك فيك و شكرا على التشجيع. الغلاق: و الله أستاذي لم أكن أنو الدخول في حرب ، و لا أتقن المجادلات .و لكن أثار حفيظتي الأستاذ التيجاني فجعلني أتحيز لبنات جنسي. أشكرك على المرور؟ و لو أنه كان على عجل و دون تعليق Lamgharir أشكرك على ردك الجميل. و تعليقك الرائع، أتمنى أن أكون عند حسن ظنكم جميعا أم إيمان : الله يبارك فيك أختي. شكرا على مرورك تقبلي ودي |
السلام عليكم
ماعندي مانتسالك آختي فيروز .. هذاك التيجاني يستاهل لأنه عدو لي من العيار الثقيل .. يلزمه قنبلة نووية كتلك التي ألقيت على هيروشيما ..لكن ارجو ألا تفجروا المنتدى .. على الأقل أخبروني مسبقا حتى أنفذ بجلدي .. كان الله في عونك أخي التيجاني وأنت تخوض حربا مع النساء .. "شي فمو جاب ليه بgرة ، وشي فمو جاب ليه نُgرَة !!" أطلب المساعدة ولا عليك ؛فلدي خبرة لا بأس بها في حرب النساء .. |
اقتباس:
شرفني كلامك و زادني دعما أشكرك |
| الساعة الآن 15:04 |
Powered by vBulletin® Copyright ©2000 - 2026, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها