|
غارت مني لحزان
مال هاد الهم ما بغا يفارقني
مال دمعي مابغا يتقاضى مال الدنيا ديما معادياني مالك يا دنيا آش هذا فرحان بحبابي وخلاني وانت مظلمة كيف العادة النوم في عيني جافاني وراسي مالقيت ليه وسادة لو كان نعرف آش بلاني نعرف سباب المنكدة مانا عاشق الحب جلاني والحبيب هجر وعادا مانا صاحب العشير كواني وفظلمو زاد وتمادا مانا عالم فقيه زماني ما عرف يوصّل يفادة مانا مريض المرض رشاني ومن لسقام الجهد تقاضى لوكان غي نعرف آش بلاني نعرف سباب المنكدة ياك هم الناس همي وفراحهم فراحي وفحب النس نفكر فنعاسي وفياقي ولا كنت وسط الحباب لكاس المحبة أنا الساقي يلا حضرت كلشي يبغيني ولاغبت يبكو لفراقي عطاني الله حب الناس من الحب نملك سواقي نشارك الكل فلفراح وفلحزان نكون باقي هذاك سر المحبة علاش سبقو لعناقي يمكن غارت لحزان من هاد الحب الراقي وحاصرتني سدت البيبان كالت زعما تشدد خناقي ولكن أنا بجهد الله على طريق المحبة باقي وخا تنزل دموعي ويدان لكاس المحبة أنا الساقي |
سعيد أن أكون أول المارين من هنا ايها الأخ الطيب
رائع منك هذا البوح الممتد من خلال روحك الرقيقة الطيبة أخي أبا ريان طريق الخير محفوفة بالأشواك لا تحزن أبا ريان فنحن نحبك أيها الغالي ألفناك وألفنا إحساسك الشفاف الرقيق دت لنا ودامت لك المسرات مودتي أيها الحبيب |
زجل جميل ورصين. ما عندي ما نقول تبارك الله عليك وصافي. تحياتي |
تبارك الله عليك
بديت تشد الطريق ف الزجل الجيد بالتوفيق مودتي |
اقتباس:
لك كل الحب والاحترام. |
| الساعة الآن 18:56 |
Powered by vBulletin® Copyright ©2000 - 2026, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها