أمثال شعبية بالدارجة المغربية
أمثال شعبية بالدارجة المغربية 1 - ايلا تكبر عليك شي عيفة قول ما كيتنفخ غير الجيفة . 2 - سيدي يحرث بلا سكة و لالا تغزل بلا فلكة و الهم جا لعندهم و تكا . 3 - اللي بغا الزين يصبر لثقيب الوذنين . 4 - هو دق علينا و حنا عرفناه آشنو ناوي و جاوبناه الكبير في الكركاع خاوي . 5 - اللي تلقا ايدو في جيبك عمرو ما يكون حبيبك . 6 - الفم ما بقات فيه حتى سنة وما بغا يتهنا . 7 - حتى شاب عاد دارو لو الحجاب . 8 - ما درنا بلا شواشي عساك ايلا درنا الشواشي . 9 - اللحية في البيت و العايلة خرجات تجيب الزيت . 10 - حاملة و مرضعة و جارا في يديها ربعة و طالعة للجبل تجيب لحبل . 11 - زوجت بنتي تهنيت من صداعها رجعات جارة ربعة في صباعها . 12 - جيب جيب حتى نحرثو الزبيب . 13 - باع دارو و كرا عند جارو . 14 - اللي ما دي منو فايدة و تكلس معاه على مايدة رفاكتو غا زايدة . 15 - فلوس اللبن يديهم زعطوط . 16 - ثلاثة من علامات الهبال: الغادي السوق بلا مال و الغادي للبير بلا حبال و الكالس وسط الجماعة و ما رادش البال . 17 - ثلاثة من علامات العذاب : الركاد في الجلاب و الشريب من فم القراب و الزواج ببنت الكلاب . 18 - اللي في النصلة يكرض البصلة . 19 - الضيف كيسلم و مول الدار كيخمم . 20 - مية تخميمة و تخميمة و لا ضربة بمقص . في انتظار الردود |
بارك الله فيك ياذواقة موفقة دائما في اختياراتك ما اجملها كلها ... حفظك الله ورعاك عزيزتي |
lah ktar mn amtallek w lah y3tek ssaha
|
سيدي يحرث بلا سكة و لالا تغزل بلا فلكة و الهم جا لعندهم و تكا
هههههههههههههه |
مشكورة أختي على أمثالك الرائعة |
الساعة الآن 00:46 |
Powered by vBulletin® Copyright ©2000 - 2024, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها