أمثال شعبية مغربية مصنفة
أمثال شعبية مغربية مصنفة ************* الـحــــــب "حب لقهاوي و الجردي ,حسابو ما نا ضي." "قافزة و مجبدة . والحب ردها مبلدة" "دواووا فيها الشخوص .وتعاين حبيب مخصوص." "حب العدو تبعدو .وكره الحبيب تقربو." "مصدعنا بالمحبوبة .ولقيناها معطوبة." "ما تمرمد قلبك ف مقلوبة . مرة مشغولة مرة مزروبة." "يبقى ليجيبو الهوى ,ويمشي لتجيبو الشهو." "حب عرجة . وما تحب ثلجة." "باتت محبوبة . وصبحات مزغوبة. "طريق العقل تخرج . وطريق القلب تعوج." ********************************* |
العلاقات الاجتماعية
إلى كان سارق الدّار منها , يعيى اللّي يحاحي الزواج خايبة و تونس و لا غزالة و تهوّس الزواج أولو عرا الجوار حلبي في المحارة و مخضي في جلد الفارة بلا جميل الجارة |
الــــرزق *-"7صنايع والرزق ضايع." *-"الــرزق قليل و طاحت فيه ذبانة." *-"الرزق لحلال صافي بحال لهلال." *-"لحوانت متصافة و الارزاق مختلفة." ********************************* |
الــــطــــمـــــــع 1- يا الطامع في الزيادة رد بالك من النقصان. 2-الطمع طاعون. 3-الطماعين تيباتو في الشماعين. 4-ابنادم دربو على حلقو ينسى اللي خلقو. 5- واش بغيتي الزبدة و فلوس اللبان. 6-يلا كان خوك عسل ما تلعقوش كلو. 7-اللي يروح بلا عرضة, يبقى بلا اعشا. ********************************* |
نتيجة التسرع *-"ازرب تعطل." *-"اللي زربوا ماتوا." *-"الــفـــار المقلق من سعد القط." ******************************* |
الساعة الآن 21:49 |
Powered by vBulletin® Copyright ©2000 - 2024, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها