|
التيجاني خوا المْزيوْدَة
التيجاني يا حضار اخوا المزيودة بلا تحزار ع المرا بدا يتشرط و بغاها قال ليك ما تْفرّط اللي حرة ما تقبل تعيش مبهدلة فهاذ الذل تمثال ما يتمتم وف المرار؛ يزهى ويبتسم؟ تطيع وما تتحدى وبلا شوك؛ كيف تكون الوردة؟ إيلا بغيتِ ترتاح خاصك تكون كريــم وملحاح تلويحك بالدبزة يَخْلي الدار ويقــادي المعزّة وتهديدك بالضرّة يكْسَر القلب واتحرار العشرة الغالية ماترخاص تهدي روحها كاملة بلاتنقاص للحر اللي يستاهل مايهينها لبيب ب نَخْوتو كامل بالاحترام تبادلو يكسبها وكيف السلطان تعاملو قيمتها من قيمتو يكبّر بيها؛ تْعَلِّي شانو وهيبتو قالوها اللوالا الشطايري يتقدى ف السوق مرتين والراجل التالف يتزوج مرات وبالطلاق ديما حالف يطيح فاش يخاف التالية ليه شربة الثور العياف. |
اسجل مروري وإعجابي بهذه الزجلية التي أراها مرافعة عن النساء( ولكن سى تيجاني راه ديالنا حدري عليه)..
الاخت فوزية تجيد الدفاع(يا كما انت محامية) أشكر الاستاذة فوزية على ما جاء في طرحها الواقعي عن المرأة ...فدورها ضروري في بناء المجتمع تحياتي ومودتي.. |
تبارك عليك ألالة فوزية
هو اللي جبدنا أو مابغى يوقرنا واللي شعل العافية يطفيها إلى كد رائعة جدا في مرافعتك عزيزتي فوزية ومن السمية باينة النتيجة |
بدأت أخاف على أخي التيجاني من هذا الغزو الأنثوي هههههه أرجو ألا تكون "لمزيودة خوات ليه" زجل حكيم وممتع. تحياتي لك أختي فوزية. |
مبدعة انت اختي فوزية ..فقد انتشيت من عبق حرفك...واستمتعت بسحر معانيك وكيفية توظيف بعض الامثال الشعبية التي خدمت بشكل مثير وموسيقي قصيدتك... دام لك الالق والتألق.... لك تحياتي ومودتي |
| الساعة الآن 08:12 |
Powered by vBulletin® Copyright ©2000 - 2026, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها