|
جات.... الإنتخابات جات
واه يا الولاد....واه يا لبنات واه يا الرجالة ...واه يا لعيالات ها الانتخابات جات.. الطرقان تقادات الحملة بدات.. الاقنعة تلبسات.. ماشي رها الانتخابات جات..؟ ايوا زغرتو يا لعيالات. الاصوات تباعت ..واخرى تشرات... غير بدريهمات..رخيصة الاصوات.. الزرود كترات.. ظهرات المسؤوليات.. كثر لغوات.. أحزاب تحلات.. أخرى تاحدات.. جيبو الشيخات يقولو غنيات ... العيشة حلات....البطالة مشات.. ليام تقادات.. الانتخابات جات.. جاونا المرشحين..جاونا المرشحات.. كلا يلغي بلغاه ..الوعود كترات.. ها الشعارات ..ها المؤتمرات.. ها الخطابات.. صوتو يا لولاد ..صوتو يا لبنات... كلشي يخدم..أيام العطالة مشات.. ها الانتخابات تسالات... الفيستا تقلبات... وجوه المرشحين تخفات ..مابقات ظهرات.. كذبو كذبات ... على لولاد ولبنات.. على الرجالة ولعيالات... الوعود تبخرات...سكت لغاوت... مجالس طاحت ... ولوخرى طلعات ... حتى هما كلاو لفليسات.. والازمة رجعات... الباطل حيا ... والحق مسكين مات.. البطالة كثرات...والاثمان ارتفعات... يا شعب لغوات.. كولو الشعارات ..كولو الخطابات.. وتسناو الانتخابات.... |
الله...الله...الله...يا امير الزجل بلا منازع... يا شهبندر المعاني ومرود حروفها..... اسجل اعجابي الشديد ببهاء حرفك ايها المبدع....فقد ادخلتنا الى اجواء الانتخابات بشكل مذهل.... تقبل مروري العابر ايها القلم العاطر... لك تحياتي وتقديري... |
صدقت أستاذي الفاضل في كل ما قلته ..هذا هو حال الشعب الذي تنخر فيه الأمية و تفعل فيه الأفاعيل.. كاع اللي جا إضحك عليه..
نسأل الله أن يصلح أحوال البلاد و العباد.. تحيتي و تقديري.. |
أبدعت أستاذي أبو المعاني في رصد كرونولوجيا انتخابات فاشلة.
تحياتي |
مشكور أخي على القصيدة الزجلية الرائعة التي رسمت فيها الواقع:ggg: المر الذي ينهجه مرشحونا .
|
| الساعة الآن 16:11 |
Powered by vBulletin® Copyright ©2000 - 2026, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها