|
نكت تتفرشخ بالضحك :-)
http://www.up-00.com/gafiles/IPG92307.gif http://img222.imageshack.us/img222/8...alamen4ut8.gif http://img14.imageshack.us/img14/8366/1zgxhg3jpg.gif 1_ هذا واحد مول الطاكسي مبوق مزيان غادي فالمدينة او هي تشير عليه واحد المراا هو يوقف طل عليها من الشرجم او قال ليها فين غاديا أ لالة قالت ليه السوق اَسيدي هو يقول ليها سيري أوُ متعطليش. 2_ هذا واحد البناي بغا يضحك مع صاحبو ..خلاه حتا دخل المرحاض وبنا عليه حيط. 3_ قال ليك هدا واحد راجل معكااااز.. واحد نهار خرجات مراتو باش تصخر او منين رجعت, دقت لباب او قالت ليه حل ليا او هو يقول ليها سيري لدار باك راكي مطلقة. 4_هدا واحد الراجل صحيييح دايما كيمشي عند البقال و كيقول له :اعطيني كوكا ولا .....؟ و البقال كيخاف منه و كيعطيهالو بلا فلوس جا واحد النهار البقال طلع ليه الدم و قال مع راسو و الله اليوم ما نخاف منه و اللي بغا يكون يكون . ايوا جا عنده داك الراجل و قال له عطيني كوكا ولا ...؟ جا البقال رد عليه :ولا شنو ؟؟؟؟ رد عليه الراجل و قال له: ولا فانتا . 5_ واحد كان غادي بالليل شداتو الصطافيط.. سولوله الحناش قالو ليه: اجي نتا لهنا.. واش كتقرقب؟ قال ليهم : لااا اسيدي والله ما كندير الحس. 6_ واحد المكلخ داير كروسا وتيدور بيها في الدروبا وتيغوت باطاطاااااااا ...ماطيشاااااااا ...القزبور ..المعدنوووووس وقف عليه واحد لقا عندو غا الحوت في الكروسة ..ما كاين لا بطاطا ولا مطيشة قالو : كيفاش تتقول بطاطا وانت تتبيع الحوت؟ قال ليه المكلخ: اسكت اسكت .عندك يسمعوك القطوط.. مابغيتهومش ايتبعوني.. 8_ واحد خينا نعس وهو يحلم بأنه لقا مكتوب (الحلقة الاخيرة) وهو يصبح ميت. 10_ واحد البوليسي شد واحد مول الطوموبيل يلاه عاد قبط ال permis قالو أرا الوراق.. الوراق مريكلين.. الطونوبيل 10/10 حزام السلامة راه لابسو... ملقا فين يشد في صاحبنا... قاليه: عندك سجالا .. قاليه : كاينا وهو يخدمها ليه.. البوليسي ناض كيشطح وقال ليه: علق علق الخوك شي 20 درهم 11_ هدا واحد البخيل قل ليه ولدو :ابا عطيني 5 دراهم ندرب دويرة انا و صاحبي. قل ليه باه: هاك ها درهم و سير نيشان . 12_ واحد كان جاي في الطوموبيل مع مرتو وهي تبان ليهم علامة (قف) .. قالت ليه مرتو: ديالاش هديك؟ راجلها وقف الطوموبيل ونزل ضرب البلاكا براسو ورجع عند مراتو وقال ليها: ديال الحديد هاديك. 13_ واحد خينا طوييييييييييل ..مشا السويقة وقال للفكهاني: اوزن ليا شي 2 كيلو تاع المشماش من هنا الفكهاني قالو : احني شوية الشريف ...راه الليمون هدا ماشي المشماش 15_ قال لك هدا وحد غبي قال يا رب ندير يدي في جيبي نلقى 20 درهم مني قلب جيبو لقاه متقوب و هو يرجع يقلب لتكون طاحت. 17_ يقول المريض: ذاكرتي ممتازة جدا........ ولكن هناك ثلاثة اشياء لا اتذكرها: الوجوه لا اتذكرها جيدا، الأسماء لا أتذكرها جيدا، و هناك شيء ثالث نسيته... 18_ كلب ينبح كثيرا ثم اصيب بانهيار عصبي ..لماذا؟ لانه ينبح على صمك. 19_ هاذا واحد السيد ما يعرفش اشنوا هي لاراف واحد النهار كان مقصر مع صحابوا فواحد البلاسة مشبوهة . وجات لراف صحابوا بداو يجريوا و يقولو لراف لراف لراف .حتى هو بد يجري يجري يجري حتى وصل لواحد المركز نتاع البوليس و دخل .قلوليه البوليس مالك قالهم كاتجري علي لراف 23_ هادو ثلاثة ديال لعيالات جالسين في قهوة كل وحدة كتعيق على الاخرى اللولا بدات : أنا راجلي غادي إشري توريفيل .. الثانية قالت : وايلي مفخباركمش.. أنا راجلي غايشري تقريبا معاريف كامل. والثالثة قالت ليهم : أوشكون قاليكم أن راجلي بغا يبيع... 24_هدا واحد يالاه حطوا الكار فcasa مشا تبع واحد البنت قاليها -البنت قول ليا اشنوا سميتك قالت ليه انا سميتي fati fleur ( فاطمة الزهراء ) قال ليها انا سميتي le père de la plui ( بوشتا ) 25_ دري بغا يمشي من طنجة عايم حيت غير 14 كلم... ضرب 7 كلم...عيا هوا يرجع 26_ واحد سقرام شرا خبرة..شفرها ليه شمكار تبعو... مني شاف انو مشا عليه.. قال ليه سير الله يجعلها صدقة ورحمة الوالدين وشكرا http://www.up-00.com/gafiles/ijY43117.gif اذا أعجبتكم النكت يمكنكم اضافة تقييم للموضوع لتحصلوا على المزيد من المرح |
شكرا على النكت |
شكر على النكت
ههههههههههههههههههههههههههههههههههههههه |
مشكور أخي نكت رائعة بالفعل
|
شكرا على النكت
|
| الساعة الآن 21:23 |
Powered by vBulletin® Copyright ©2000 - 2024, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها