منتديات دفاتر التربوية التعليمية المغربية

بسم الله نبدا مع حكاية "كيد النسا" مع احتراماتي لهن حتى انا من النسا
قال ليك اسيدي هادو واحد ربعة الرجالة باركين فواحد القهوة داوين علعيالات : ديك دايرة ديك فاعلة ديك تاركة نقز الاول فيهم قال الله يهدي علينا لعيالات
الثاني فيهم : كل بلية من النسا تجي
الثالث فيهم : الي ما يخاف من النسا خاف منو
و الرابع فيهم : اودي انا مراتي منداك الشي الرفيع غلبرادة و لفروج كتخاف منهم
رد عليه الي سميت فيهم الحاج كبور : "اودي كيفاش مراتك تخاف ملبرادة و لفروج ما كيناش هادي
-راني كنقول ليها في الليل ملي كنكونو ناعسين نوضي جيبي لي نشرب كتجاوبني لا لا خوي منقدش نوض راني نخاف من باق باق و قوقوعو
اوليدي ثلاثة ملهبال كيف قالو ناس زمان : تمشي لسوق بلا مال و لا تمشي لبير بلا حبال و لا تكون وسط الجماعة و ما ترد لبال و رد البال اوليدي الله يرضي عليك شفتي لمرا لي تقول هاد الهضرة راها ما تكون عقتالة و لا تحت راسها شي حاجة
الله يهديك اش كتقول
ايو جربها
اش غندير باش نجربها
قول ليها راك غادي مسافر عد مك لمريضة باش تشوفها و بلي غادي تغيب شلا يام و حضيها اش غاديا تدير حتى واحد اوليدي ما كيقول عسلي حامض
جربها و شوف واش عسلك حلو و لا حامض

يتبع