منتديات دفاتر التربوية التعليمية المغربية

السلام عليكم

1- قواس كايتفرج فماتش . مشا يشرب تسجل هدف بلا مايشوفو مني دارو الاعادة ماتماركاش

2-واحد المكلخ مشى يشري سباط.. عطاه مول الحانوت واحد و قاليه هذا راه زوين ديال الطاليان ولكن راه ثلاثة أيام الأولى غادي يدبرك ! قاليه ماتخافش حتى تدوز 3 أيام عاد غادي نلبسو

3- هدا راجل شرا حولي قبل من لعيد بعام ولفو عليه مالين دار. مني قرب العيد مشا لحولي عند الراجل قال ليه بابا إمتا هاتجيب لحولي ؟

4- استاذ بغا يدير فرض لدراري على غفلة..قال ليهم عندكم غدا فرض على غفلة

5- استاذ ديما كيسول دراري ..باش تعشيتو.. دري ديما كيجاوبو بالحريرة .. واحد نهار قال ليه الا قلتي حريرة مرا خرا نعصي ولدي... دري قالها لباه.. باه قال ليه مني يسولك رد عليه بالدجاج... الغد استاد سول الدري.. الدري قال ليه بالدجاج... سولو شحال من واحدة.. قال ليه جوج زلافات

6- واحد تزوج امرأة حادقة فشغل البيت.. فاق فنص الليل مشا للطواليت ملي رجع لقاها جمعات الفراش و وجدات ليه الفطور

7- واحد المرأة شيرت للطاكسي، خرج الشيفورراسو من الشرجم أو قال ليها فين غادية آ لآلة؟؟؟ قالتلو ما قلتها حتى لراجلي ما بقيتي غير نتا.

8- هذا واحد الطفيلي، دائما يتدخل فيما لا يعنيه، واحد النهار لقى الناس مجمعين على حادثة سير، وهو يقول ليهم خلوني ندخل أنا أخ الضحية، ملي دخل، لقى حمار ميت

9- هدا واحدمول الطاكسي، صباطو خانز، سولو الكليان ديالو، شحال من حصان في الموطور ديال الطاكسي، قال ليه: عشرة ديال الخيل، جاوبوالكليان : يمكن مات ليك شي واحد منهم