|
بعض الوصفات للحصول على الرايب البلدي ديال الدار .
صفحة سنــــاء الزعيم وتلبية للطلبات ديالكم هادي بعض الوصفات للحصول على الرايب البلدي ديال الدار ، اعطاوها لينا مستميعاتنا: * حفيظة من مكناس : 1 لتر حليب بقر نديروه في جبانية مدة 24 ساعة حتى يروب و نديروه يبرد في الثلاجة. * رشيدة من الدار البيضاء : 1 لتر حليب نصفه بارد و النصف الاخر يغلى ثم نحكوا فيه القشرة ديال حامضة + 1 ياغورت بنكهة الحامض + كأس حليب غبرة + كأس سنيدة ، ثم نخلط الكل و نديروه في حمام مريم ثم نضعه في الثلاجة ليبرد. * حليمة من تمارة : نصف لتر من الماء + 1 "sachet " من الحليب غبرة ، نغليوه ثم نضيفو نصف لتر حليب عادي بارد + 1 ياغورت بنكهة الفانيلا نجريوه بشوية الحليب + 3 معالق كبار من السكر ، نخلطو الكل و نديروه في زلايف يبرد. * ليلى من طنجة : الا بغيتو تحصلو على الرايب بنكهة الرمان ، ديروا نفس المقادير و قياس 3 معالق من سيرو الرمان لنصف لتر من الحليب. * سمية من سلا ، طريقة للحصول على ياغورت ديال الدار : رابعة من الجبن العادي + نصف لتر حليب + 1 حامضة و 1 ليمونة معصرين + سكر حسب الذوق ، نخلطو في الخلاط الكهربائي و نقدموه . شكرا للمستمعات الكريمات و بصحتكم الرايب. https://fbcdn-sphotos-d-a.akamaihd.n...19295985_n.jpg . |
بالصحة والراحة
|
المقادير:
لتر حليب ياغورت فاني<من الأفضل يكون من النوع لي عاقد مزياان> خنيشة فاني سنيدة حسب الذوق الطريقة: نفيضو الحليب مع السنيدة نخليوه حتى يبرد شوية ما يكون سخون ما يكون بارد، ناخدو زلافة نطربو فيها ياغورت و فاني بالفورشيطة ثم نزيدو عليهم شوية الحليب و نخلطو، من بعد نضيفو على الحليب لي عندنا نوجدو زلايف ولا لي بغات كيسان، نعمروهم و نوضعوهم في بلاطو انديرو طبقات ديال الغطاء عليهم باش يعقدو مزيان 1اوراق 2بلاستيك 3ثوب خفيف 4ثوب ثقيل و إلى بغيتي تزيدي مانطة صغيرة، المهم يبقا دافي نوضعوه جانبا مدة 4 ساعات و أكثر من بعد ندخلوه يبرد و ها هو واااجد كيجي بنييييين بالصحة و الراحة . |
-**********************************************- شكرا جزيلا لك و بارك الله فيك...شكرا جزيلا لك و بارك الله فيك -***********************************************- |
| الساعة الآن 21:46 |
Powered by vBulletin® Copyright ©2000 - 2026, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها