منتديات دفاتر التربوية التعليمية المغربية - الورد المصنوع (زجل مغربي ).....

قالو الورد المصنوع
قالو زين ما يذبال
قلت ليهم يا جموع
راجعو معنى الجمال
لا زين في هاذ النوع
و أنسامو في المحال
و الورد شانو مرفوع
إذا فاح يا عقال
*****
ورود بلا عطور
ما فيهاش مزية
ما تحرك أي شعور
في كل عيد مقصية
لا شيء بين الزهور
ما تمشي ف هدية
مهما زيانت تبور
ف الهامش منسية
*****
شوفو الورد الفواح
زاهي و زينو شروق
بأنسامو القلب يرتاح
و النظرة فيه تروق
هو للحب مفتاح
بين عاشق و معشوق
فألو ديما مرباح
سألو عليه ناس الذوق...