|
السمطة والجودة
عطاوني السمطة من الثالثات حتى لساتات ***** وطالبوني المسؤولين بالجودة عقلي مشتت وقوتي راها عيات ****** كيفاش لا وأنا عندي كل هاذ الزردة كدسو وكثرو على المستويات ***** الفرونسي ولعربية راها القضية عندي مجهدة الصفوف مصافة والسبورة تقسمات ***** مصاب كون خلاوني نقريهم غير وحدة وحدة قالو لي عندنا نقص فالمعلمين والمعلمات **** ونصحوني بالصبر.قلت ليهم فين هو الصبر أبعدا؟ كيفاش نعمل شي عندو القراءة شي الإجتماعيات *** شي عندو القرآن شي خاصو يرسم وردة هذا ماشي تعليم هاذي راها التفليات **** ماتعرفهم كايجيبو الجديد ماتعرفو خردة وإلى تبعت تحضير الجذاذات **** ما نرتاح مانطيب ما تحلى لي كعدة ولعشية نروح مدكدك راه في الفوت فات **** وتشدني الشقيقة منين نحط راسي على المخدة باركة باركة علينا من الشعارات **** راه ما همكم لا تعليم لا أستاذ ولا جودة تبرعو مع راسكم في الإمتيازات ***** وحنا نتسناو الفرج نقولو ليوم نقولو غدا |
بارك الله فيك اخي العزيز، قصيدة تبين واقع تعليمنا و أساتذتنا و الجودة التي يزعمون الوصول إليها.
|
الف شكر اخي..معبرة..قصيدة مميزة.. |
أخي الأستاذ ابو المعاني:أٌقول لك وتقبل نصيحة أخيك:
قريهم غير وحدة وحدة وبلاتي عليك. |
الف شكر اخى لقد عبرت وبكل صدق عن الواقع المؤلم لا يحس به الا من يتخبط فيه
|
| الساعة الآن 04:36 |
Powered by vBulletin® Copyright ©2000 - 2026, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها