سيناريو افتراضي لتقييم المردودية:حوار بين المدير و النائب
 

https://scontent.xx.fbcdn.net/hphoto...69&oe=56BC4A56








‫‏
- المدير : السيد نائب التعليم المحترم، راني جمعت المعلومات على الأساتذة لي طلبت الوزارة هاد الشهر حسب المذكرة المعلومة
- نائب التعليم : مزيان، ضروري نحسبو ليهم المرددودية، ونقيمو ليهم السلوك المهني قبل مانخلصوهم .
- المدير : بالنسبة لأستاذ التربية الاسلامية تايجيني حاس براسوا بزااف..
- نائب التعليم : شنو نديرو ليه فنظرك؟
- المدير : زول ليه 1000 درهم باش يتربى !
- نائب التعليم : صافي ..وأستاذة الانجليزية؟؟
- المدير : هاديك زوينة وحليلوة ومبرعاني كادوات زيدها شي 500 درهم
- نائب التعليم : ها هي 600 درهم ماشي مشكل هي ظريفة معايا حتى أنا
- المدير: وأستاذة الفلسفة شنو نعملوا معاها سيمانة كاملة وهي غايبة ؟
- نائب التعليم: بعد منها .. هاديك صاحبة المدام، واش باغي تشريلي الصداع مع وزارة الداخلية ديال داري؟!
- المدير: وأستاذة اللغة العربية شنو نعملو معاها فيها بزاف دصناطح وعاطياها غير للشواهد الطبية
- نائب التعليم: إلا أستاذة اللغة العربية، هاديك راجلها نقابي جلخة وما قادين على صداع معاه
- المدير: حتى أنا ماقاد على صداع مع النقابة، زيدوها شي 1000 درهم
- نائب التعليم: زيدها 1500غير يهنينا راجلها ونقابته..
- المدير:أستاذ الفرنسية داز من قدامي البارح ماعبرني ماقالي حتى السلام عليكم،
- نائب التعليم: اعطيه بالتيساع هاذاك، كيلعب الحديد وصحتو غالبة عليه. .
- المدير : واحد البعلوك ديال الرياضيات اعطى لبنت صاحبي نقطة ضعيفة !
- نائب التعليم: عيب عليه بنت صاحبك هي اللولى..
- المدير: ولما طلبتو يرفعلها النقطة قالي هو كيحكّم ضميرو و وماكيخاف لا من مدير لا من نائب كيخاف غي من لي خلقو!
- نائب التعليم : آهااا، ياكما عندو شي بيسطون صحيح كيحميه؟ !
- المدير: نهائيا، دافع كبير على الخوا
- نائب التعليم: متأكد أن ماعندو حد اللي يحميه؟
- المدير: متأكد 100%
- نائب التعليم: إوا خلي يماه بلا مانضة هاد الشهر دير ليه المردودية منعدمة. قال ضمير قال !
- المدير : المهم لي بقاو غي المعارف والأصدقاء والاقارب والمقربين ماشي مشكل هادوك
- نائب التعليم : اللي من الأقارب اعمل ليه مردودية متميزة..راه حتى في الاسلام قالك الخير في الأقربين أولى..
- المدير: كاينة آسي نائب التعليم ومبروك للجميع
- نائب التعليم: اللي عندو شي حق اعطيناهلو. ودابا قل اللي فيه النوبة دالزردة يوجدها مزيان !
- المدير: النوبة فيك نتا أنعاماس...
- نائب التعليم: كيفااااش؟! واقيلا كاتقلب حتى نتا على شي تقييم للمردودية !!!!
- المدير: كنقصد النوبة في أنا..! نتلاقاو الشهر الماجي لتقييم جديد.

اجتهاد جيد جدا ، لأنها تبين شكلا من أشكال الأضرار التي ستعرفها الساحة التعليمية في هذا الباب وسنعود إلى الاصطدامات التي كانت تقع بين الاستاذ والمدير وبين الاستاذ والمفتش ولا لت أتذكر سماع خبر معلم حمل سلاحا على مدير عندما علم أنه لم يضع له نقطة 20 ، ومن في المصلحة المركية يعلم أن هذه الاصلاحات ستيترتب عنها صدامات ونزاعات سببها التسيب والشطط في استعمال السلطة، ولكن للأسف المصلح المشرع لا علاقة له بتاريخ الترقية الذي عرف تطورات واصلاحات تفرض بلورة وتطور ناضج وليس العودة الى الماضي الميت .