|
مال ولفي ؟؟؟ مالو؟؟؟
مال ولفي ؟؟؟ مالو؟؟؟ مال ولفي مالو هجر العش الدافي وامشى بحالو كولو لي ياناس كي اندير؟؟؟ حيراتني فعالو لا عشرة كرات فيه لامحبة ثمرات فيه لهوى لي جا يديه واش كاين شي حد بحالو؟ اللازمة عوض الثوب العادي لبستلو لحرير وماذا اشريتلو من نقرة وذهب انضير الناس عايشة مرتاحة ومهنية واخ على لحصير وباش انريحو ونهنيه شريتلو مضربة غالية وسرير اللازمة كون شفتو ياناس شحال كنبغيه حاملو على كفوف الراحة مانبغي النسمة تآذيه ولي طلبها وعين فيه نتقاتل مع الزمان حتى نشريه ليه اللازمة سكنتو فقاع عيني أنا نحافظ على عينيه وهو عماهم لي سكنتو فقلبي كي ندير يا ربي أنا نخاف عليه وهو هجرو لي اللازمة كل مرة يديرها ونكول ربي يهديه ما بيدي حيلة يا ناس راني كانموت عليه اللازمة لا حيلة مع الله ضحك الشمايت في هذا ما كتاب علي لحبيب لي بغيتو واش العيب فيها ولا في ؟ اتزوجتها بالصدق والنية على لحلوة والمرة وسمحات فالولاد وفي وكالت : بغات اتعيش بحرية وضحكات الناس فيها وفي اللازمة فحياتها يتمات لوليدات فيما سمعوا كلمة امي ايعطيوها لبكى ولغوات ويسولوني : فين هي ؟؟؟ باش انجاوبهوم يا ناس ؟؟؟ دارت الدنيا بي ما بقيت عارف رجلي من الراس ما حيلتي مع الزمان ما حيلتي مع لولاد ولا معاها هي شوف من حالي يا خالق لعباد أنا راضي بلمقدر والمكتاب وراضي بما جرى لي اللازمة يا ربي تهدينا وتهديها وترجع العش الدافي ما قدرت نسمح فيها شافيها يا شافي واغفر لي وليها واخ ادير ما ادير وتكول المدونة تحميها اللازمة شحال منهم عايشين فالجنة ومن نعايمها يتمتعوا بها انت تبغيهم يبقاوا فيها معاك وهما يحلفوا يهجروك ويسمحوا فيها مني يسطحوهم لحيوط غدي ايندموا عليك وعليها اللازمة محمد محبوبي. البيضاء بتاريخ : 31/10/2005 |
رائع مشاركة متميزة دمت متالقا و مزيدا من الزجل المعبر
|
اقتباس:
أختي الكريمة : " majdah " الخاطرة الزجلية التي بين يديك لا تمثل إلا وجها للعملة أما الوجه الثاني لها فستجيدينها في هذا المتصفح تحت عنوان : ( رد على : مال ولفي مالو ) وهي للأستاذة : س . بنموسى . أتمنى أن تنال إعجابك هي أيضا لتكتمل لذيك الصورة ، صورة مجتمعنا المغربي الذي يعاني جزء كبير منه من انفصام عرى المودة فيما بين أعضائه ، الأمر الذي يؤدي إلى تبعات وعواقب خطيرة يذهب ضحيتها الأبناء بصفة خاصة ، ويؤدي الوطن في الأول وفي الأخير ثمنا فادحا لهذا السلوك الشاذ . لك كل الود ، تحياتي . |
زجل جميل و سبق لي التعبير عن ذلك ... أتمنى لك المزيد من الإبداع. تحياتي |
اقتباس:
أخي الكريم : " أبو المعاني " السلام عليك ورحمة الله تعالى وبركاته . مرورك يسعدني ، وردودك بالفرحة تشملني . دمت لمنتدانا الغالي هذا نبراسا يستضاء به وعقلا نيرا يقتدى به . لك أسمى تحياتي |
| الساعة الآن 09:00 |
Powered by vBulletin® Copyright ©2000 - 2026, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها