منتديات دفاتر التربوية التعليمية المغربية

قطار الحياة

شحال تعنتي بجمالك

واليوم شرفتي طاحو سنانك

وشحال تعنتي بشعورك

ذبلت ومشات مع الخريف

وشحال تعنتي بلطاي

ظهرك عواج وراسك ثقال

و شحال تعنتي بفلان وفلان

واليوم وحيدة لأحد يسال

ياك جيتك خطاب

سدتي علي الباب

ياك بغي المعقول

وانت ما فهد الكون

غرك الزين تسحبيه إدوم

ولي فالدنيا لازم إزول

شوفي فالمريا تعطيك خبار

الكأس إلى تهرس ماليه جبار

حبتك حب كبير ماليه قياس

وعطيتك العاهد يابنت الناس

ضحكتي علي وهزتي الكتاف

تألمت كثير وزاد عذابي بزاف

ربي كبير نساني الجراح

واليوم هاني وقلبي مرتاح

بقتي وحيدة مكسورة الجناح

فاتك الركب تسناي الأشباح

إمضاء: wajido