منتديات دفاتر التربوية التعليمية المغربية

زمانْ

زمانْ كــانْ بـنادمْ قـلـبُ صـافِـي

إلى عــْطاكْ وعـدْ ..وعـْد ُكـافـي

يـمشي فـالْخيـرْ..أُرجْــلُ حـافـِـي

تلـْقى لسانُ حْـلوُ..وقلبُ دافِـــي

مايْخونْ عهــدْ ما يْغـلّ ْعـْوافِـي

زمان الصّـْفَا ،هوزمانْ اسْلافي

كان الغِيمْ مدْرارْ عـَمـّرْ سْواقـي

شيـّطْ الخيْرأزادْ فوﱠجْ اعْـماقــي

وْلـّّيتْ نحْـلَه نطيرْ نبلـّغْ شْواقـي

أ ُبصحّتي ظليتْ نتسوﱠقْ سْواقي

نزورْ الحـبابْ ونوْصلْ رْفـــاقـي

بقـيتْ محبوبْ ما يـبْغـيوْا فراقي

دَبَ تبدﱠلْ الحالْ أ ُفـْـترْ حْما سي

هادْ الغلا والنـْفاقْ طـيّرْ نـْعـاسـي

أللحمْ الشـّارفْ هَـرﱠسْ ضْراسـي

السّرقه والـكـْذوبْ ذوّبْ نـْحاسي

لـْرَاعي العــْبـادْ دْقــّيتْ جـْراسـي

الحقـْرَه والضّـيـمْ فيـّضْ كــاسـي

راه ْالحْـكامْ اليــُومْ حـْكام ْمـْراتـي ماشي يانا هههههههه

الفرّانْ ديمَ سْخون بَشـْوارْحْماتي

نسلّـكْ مخوافْ من لـْجام ْ"بْراتي"

مَجْـليني مصْروفْ أ ُمْنينْ كْراتي؟

تـْهـَدّو الكتافْ أتهرّسَتْ عـْصاتي

البطاله والجفاف ْ، ملـّيتْ حْياتي

زايد التجاني / بومية / ميدلت
www.everyoneweb.fr/tijani