منتديات دفاتر التربوية التعليمية المغربية

واش هاد الزمان لى حنا عايشين فيه
المسكين يبكى و الغنى ما علا بالو بيه...
لى بغا حقو فهاد الزمان قالو حمق
وين هو العدل وين هو الحق...
الدنيا بحر و حنا عايمين فيها
و الفالح هو لى يقدر يساير ماجها...
اما لى تاه و تاه و مشا فوادها
واجب عليه فى الاخر يتحمل مزاجها...
قالو اللوالا لى زرع شى لقاه
و لكن اليوم جيب الواحد هو ملقاه...
الثقة قلت و قلو صحابها
يمكن ما بقاتش وين العبد يصيبها...
لى مكتوب علينا لازم نشوفوه
و حتى الا حاولنا هو لى مانبدلوه...
و قبل من هادشى نوصيكم وصية
فكروا مزيان قبل ما ديروا النية...
و سمحو لى الا طولت عليكم
و لكن ها الكلام يهمنى و يهمكم...