|
الأستاذ في الشبْكة
الأستاذ في الشبْكة تْجمعوا وتْناقشوا وعلى الأستاذ تافقوا نصبوا ليه الشبْكة وكالوا ليه حدك تمة الأزمة فاحتْ وقيمتنا طاحتْ وانْت ساعة ساعة داير الإضراب وتا حاجة معجْباك الشبكة ليك مدْيورة وعلى فْعايلك مسؤولة متزيد كْلام مطول هدْرة الوزارة عزْلاتك وبالتلاعب اتهماتك خصك اللي يَحْضيك منْ هْنا ومن لهيه خوك المدير عينو عليك والسي المفتش باغيها فيك كلت ليهم : ماشي مشكل يحضيني المدير ولا يراقبني المفتش ربي مولايْ في بالي وخدمتي عجْباني خوفي يبْدا التخلْويض والتلفيق والتْبرْكيك أومايبقى عدل في الحسابْ ويْوَلي غير التبزنيس والتعيابْ |
بلابل السلام رااااااائعة كذلك في الزجل..هههههههههههههههه الاستاذ في الشبكة !!! ههههههههه يجب توسيع عيون الشبكة حتى ينفلت منها هههههههههه و لكن كما يقال شي يطح من الشبكة شي يبقى فيها ..وهذِ هي الدنيا هههههه استسمح ليس من طبعي أن أكتب هكذا و لكن العنوان أنتزع مني هذا الكلام ههههههههه و أنا مع الشبكة يكون فيها كل موظف من موظفي الدولة مع تضييق "عيون الشبكة " ههههه |
السلام عليكم ورحمة الله تعالى وبركاته
شكرا لك أخي أسيف على هذه الدعابات اللطيفة أضحك الله سنك. اللي خدام مايهمو لا شبكة ولا غيرها عيونها صغار ولا كبار ههههههههه كل التحية لك أخي الفاضل |
زجل جميل
طرح جديد ومثير للانتباه تستطيعين الاتيان بالافضل والافضل تحياتي |
اختي بلابل السلام
ما تيتشد فالشبكة غير المدرس قليل الهمة الي خدمتو مرتابطة بالمفتش ولا بمراقبة المدير اما كيفما قلتي الي همو فالله ما يهمو مدير ولا مفتش ضميرو مراقبو مشكورة على اللوحة الزجلية تقبلي تحيتي وتقديري |
| الساعة الآن 19:23 |
Powered by vBulletin® Copyright ©2000 - 2026, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها