الحال يا أهل الحال.
الحال ما تيحس به غير اللي ساكن فنوالا
البرد ما تيحس بيه غير االي خارك دربالة
الذبانة تطيح غير فالكاس اللي ما عندو قفالة
الجوع ما تيحس بيه غير اللي زارع الكبالة
الخبز مدهون ما بقا ياكلو من والا
الشوكة تدك غير اللي ما عندو نعالة
النقص تيحس بيه غير اللي خاصاه لكمالة
ولبني مشى كاع الربيع ليكاتكلو لحوالا
ومشى كاع اللي يفوحو وعندهم سلالة
================
شافوني بارك نخمم كالو معكاز
قلبي يزدح ووجهي اصفر كالمهراز
كبوطي مقطع وخدمة بويا دراز
سباطي حال فمو وحرفة خويا خراز
ماهاز والو ومثقل بحال اللي هاز
واخا الحال يكون سخون أنا ديما كــــاز
ماكلتي غايب عليها اللحم وحتى الدواز
وكيف ما درت ليهاكنتسمى خرماز
=================
عاكولولي: واش البحر كيكب فالواد
عاكولولي: واش الحوت كيصيد الصياد
عاكولولي : واش بنادم كيتحارب مع الجراد
عاكولولي : واش البراني ولد البلاد
عاكولولي : واش المسمار عصى الحداد
عاكولولي : واش الريشة هاجرت المداد
عاكولولي : واش بنادم كد الكراد
عاكولولي : واش قراو الولاد
عاكولولي : واش وقف السي الكعـــاد.
_______:blow::blow::blow::blow::blow::blow:_______ _________