|
أنت
أنت... أنت .... عمارت قلبي المقهور و حبيبة العمر و رفيقة الأيام و الشهور بحبك و عشقك راني مسحور و بهواك نهزم السباع و النسور نطلب الله يجمع حبنا بالفرح و السرور و ما نتفرقو غير فالقبور بلا بيك ما يدوز لي لا عشا و لا فطور كفاني حبك باش نصوم بلا سحور عليك يا ... نسول الجبال و الطيور و حياتي بعيد عليك ما تشوف النور بعيد و خا ما فارقنا لا حدود و لا بحور الحساد ... بغاو يفرقونا بالسحور و بغاو يوسخو حبنا الطاهر بالتفوسيخا و البخور كلامهم يوصل لي بحال القرطاس فقلبي مغمور بغاوني نرجع بححال الكلب المسعور و لكن الكلب على حبابو ما يتور و يبقى الحاسد ديما فعيني محكور حياتي بلا بيك موت وخا نملك فيلات و قصور و السعادة ما يعرفها قلبي وخا نكون فجنان داير بيه السور و الماكلة تجيني باسلة و خا فيها الملح و العطور و الحزن و العذاب عند رجلي منشور و اللي ما جرب حر الفراق فحياتو مغرور و كل من يتعذب من بعاد حبيبو معدور driss 972 |
اقتباس:
رائعة زجليتك أخي الكريم.... مزيدا من العطاء في هذا المضمار ،ولا تبخل علينا بجديدك. تحيتي واحترامي. |
اقتباس:
شكرا اختي الكريمة على التشجيع ... دمت بخير |
كلمات جميلة ومعبرة أخي ادريس
دمت متألقا |
مشاركة جميلة جدا . تبارك الله عليك أخي الكريم. تحياتي |
| الساعة الآن 22:23 |
Powered by vBulletin® Copyright ©2000 - 2026, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها