منتديات دفاتر التربوية التعليمية المغربية

أنا قلبي عارفه ذرة حقد ما فيه
كل واحد نتمنى ليه الخير وبالنية نخاف عليه
لي نبغيه أنا فقلبي نخبيه
بدمي وجوارحي أنا نذوذ عليه
عيني بجوج بهم ما نبخل عليه
وخا يقلبو عدياني ليل ونهار عليه
لي فالشرق ريح الشرقي توصلني ليه
ولي فالغرب ريح البحر تطمني عليه
لفشمال رموشي مجداف نبحر ونوصل ليه
لي فالجنوب جناح الطير إوصل سلامي ليه
وحتى لي قريب مني نعطيه حق ونوفيه
فقلبي ندر ليه مكان وما نفرط فيه
كلام حسادي ما همني وما بقيت نفكر فيه
كلامهم سم إيقطر ماعاد نسمع ليه
حالفة يلي نبغيه إيما نفرط فيه
وخا يساومني بمال الدنياعليه
ببخور الدنيا ما يقدرو يفرقوني عليه
وخا يجمعوا السحارة إيباتوا يقروا عليه
بالقرآن والذكر فكل اوقات أنا نرقيه
وبالمعوذتين قاسمة أنا حتى نحميه
السحر ما يضر لي فقلبو ليمان وسد عليه
ملي تخلق بنادم الكون الخبث داير بيه
الخير حالف يا الشر حتى ينتصر عليه..
أم عثمان