منتديات دفاتر التربوية التعليمية المغربية

- الشعر والزجل (https://www.dafatir.net/vb/forumdisplay.php?f=76)

- - ظلم الناس (https://www.dafatir.net/vb/showthread.php?t=85996)

ظلم الناس

لي نبغيهم اليوم بكلامهم قلقوني
مديت إيدي بالخير وبلسانهم جرحوني
بخنجر مسموم بلا منحس طعنوني
طريق الخيرمفرشة بالشوك سيل دمي
ظلم الناس اليوم بكاني وقهرني
دموع الظلم صعيبة حرقت خدودي
ليك فكل وقات نهز كفوفي يالخالقني
سمع شكاي ومن ليظلموني تنصفني
ومن النمام ليسعى فطريق الشر إأذيني
على حبابي العزاز بكذوبو باغي يفرقني
كلامو سم يقطر ومن كاسو باغي يذوقني
يا بنادم شوف قدامك وخمم لين غادي
طريق الشر راها قصيرة سمع كلامي
إلى فرقت الحباب والأصحاب أش قضيتي
دابا نتصافو وانت يا الحاسد أشديتي
يوم وقوفك قدام الله باش تجازيني
وخا تعطيني حسناتك كلها ما تكفيني
ننصحك اتقىلي خالقك وللناس ما تأذي
تفكر يوم تمشي لقبرك معك أش ديتي
غير عمالك وفعالك لي فالدنيا قدمت
انتما يا احبابي اسمعوا حديثي وفهموني
قلبي الحبيب ليكم اسمح وخا ظلمتوني.

لازم نتحرى الصدق دائما في الكلام الذي ينقل إلينا،
ولاننفعل ونرد في لحظة غضب بأقبح منه..............
تحيات أم عثمان

مشاركاتك كلها تأتي بطعم الروعة والإتقان.
تحياتي الصادقة لك.
تقبلي مروري.

ما أصعب ظلم الناس أختي خصوصاً إذا كانواْ من الأقربين.
زجلك مليء بالأنين من جرح الآخرين ،سامحهم الله وهداهم لعيوبهم كي لا يؤذواْ الناس .

صحيح أن ظلم ذوي القربى أشد مضاضة من وقع الحسام المهند.
فباسم الله ما شاء الله أم عثمان على معين قريحتك الذي لا ينضب.

السلام عليكم ورحمة الله تعالى وبركاته
كيف حالك أختي الكريمة أم عثمان
حقيقة قصيدتك الزجلية جميلة جدا ، وأعجبتني كثيرا
لكأني بك تسطرين تجربة قاسية مررت أو تمرين بها
عافاك الله وسلمك من كيد هؤلاء الحاقدين

خلي النمام يسعى سعي اللفعة
غدا كدام الله يلقى فعايلو الكحلة
وخلي قلبك عامر ديما بالمحبة

كل التحية والتقدير لك أختي الكريمة والزجالة المبدعة