|
ديربي كازا
ديربي كازا دار في الناس خبْلة
اسْتَنْفر الصغير والكبير بخطْرة شي يغوتْ خضرة وشي يغوت حمرة النفوس زاهية والعزيمة قوية والعقول مشطونة بهاذ الكورة الملعونة عْيون جاحظة وقْلوب حْزينة وجوه شاحبة خايفة من شي هْزيمة سْبيتي الكل يا المستديرة خليتي نْسا ورْجال بيك هايْمة عرسنا سالا يا لحباب فرحات الحمرة وبكات الخضرة وديما ديما كازا d7k |
ختنا بلابل السلام هاد الشيء دايزو لكلام ........ دخلت وسط الزحمه النشاط والهمــــــــــه رفعت الرايه لحمرا ولخضرا تحزمت لكلمه ولحكمه تنورت اللمه تقول آش تمه غير الناس بالكوره تالفه هايمه تفرق لمجمع شي ربح شي تفكع ديما ديما كازا أراك لفراجه تحياتي أختي بلابل السلام تقبلي مني هذا الارتجال....مودتي |
حياك الله أستاذ الزجل وأخي الفاضل نجيب أمين
كلامك هو اللي دايزو لكلام بارك الله فيك وفي تشجيعك كل التحية والتقديرلكم أخي الكريم |
الناس اليوم هايمة فالقهاوي تالفة عليها الفام فاهية لي دازإيقول أش تمة أش واقع ياك هانية غير اللهطة علمدورة مدوخة حتى اهل البادية متلفى رجال ونسا وانا متلفني علقبلة. من الخوف القلوب واقفة الفرحة فرحة الخضرة والنواح والبكا للحمرة لكن ديما ديما كازا تقبلي غاليتي بلابل هذا التوقيع المتواضع. تحيتي. |
اقتباس:
هاذ الشي كلو ومتواضع..كتحايد على راسك العين :) سعيدة جدا بإضافتك عزيزتي أم عثمان كل التحية والتقدير لك يا مبدعة |
| الساعة الآن 06:15 |
Powered by vBulletin® Copyright ©2000 - 2026, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها